استمرت حالة الغضب هذه من ال ٨م حتي صباح اليوم التالي وتنوعت اساليب تعبير الطالب علي وسائل السوشيل ميديا عن قذارة ما تم عمله معبرين علي انه اسلوب لجلب المال ولا يهدف الي التعليم
وقال البعض ان سبب كل مشاكل الطلاب في الاكاديمية متمثلة في مجلس ادارة الاكاديمية الذي يخترع امتحانات وهمية لاجبار الطلاب علي دفع المصروفات في العام الماضي وقت ظهور كورونا وها هنا الان يمنع الطلاب من الحضور اونلاين لاجل تسديد المصروفات بدون وجود تحذير مسبق،
وقال محمد : "احنا متعودين علي دفع المصاريف في اول ٣ اسابيع ليه يتعمل معانا حركة زي دي طب انا ورايا محاضرات اونلاين هسافر ازاي اسجلل المصروفات وده مش يومي وليه منبهوش قبلها ولو حتي صباحا ، ليه كل شويه قرارتهم متاخره وبتظهر في اللحظات الاخيره وليه بينكدوا علينا قبل ما ننام"
وقال ياسين "الكلام دا لما يتقالنا اصلا ان المصاريف السبب احنا محدش عرفنا حاجه ولا بيرد علينا ولا بيتابع عاوزين نفهم ليه بيحصل كده وانا كده مش هعرف افتح المحاضرات ، ما كانت الاكاديمية وضحت من كام يوم
فيما قال محمود "احنا هنروح منهم فين ما احنا لسه في اول اسبوع دراسة وكده كده هندفع المصروفات ليه الموقع يتقفل علينا واحنا ورانا محاضرات اونلاين.
وردت الادارة ان سبب قفل اكونتات الاوتلوك (الايميل الجامعي) ان 10% فقط من الطلاب هم من دفعوا المصاريف ويجب علي الطلاب دفع المصروفات حتي تتمتع بمميزات التعليم الالكتروني المختلفة وبعد تواصل اتحاد الطلاب مع ادارة اكاديمية الشروق قررت مد فترة دفع المصروفات يومين اخرين لتسديد كل مستحقات الاكاديمية من المصروفات
وكالعادة الادارة خلقت مشكلة ثم اظهرت لها حل لاسباب مادية بحته، وكان الاولي نشر تحذير قبل عمل ذلك، فالغرض الاسمي هو التعليم والتماس اولياء الامور والطلبة يومين ليس بكافي لتسديد المصروفات الدراسية وقد كان شكل الرسالة التي ظهرت لطلاب هندسة الشروق كالاتي عند فتح الايميل الجامعي
اقرا ايضا