القائمة الرئيسية

الصفحات

زيادة المصروفات الدراسية 2020 -2021 لطلاب المعاهد الهندسية الهندسية وشكوي طلاب هندسة العاشر

قيام المعاهد الخاصة الهندسية بزيادة المصروفات الدراسية لعام 2020 -2021 بمتوسط ٢٠٠٠ج عن المصروفات المقررة علي كل الدفعات الامر الذي سبب استياء وغضب لدي الطلاب واولياء الامور لزيادة الاعباء المعيشية عليهم في ظل ظروف وباء الكورونا والحالة الاقتصادية والمادية الصعبة التي يمر بها ولي الامر  ومن جهة اخر لا توجد خدمة تعليمية تستحق هذه الزيادة كما يشير الطلاب فالدراسة ستكون يومين حضور فقط  والتعليم الاونلاين ليس بالجودة التي تستحق ولا يوجد تنظيم من ادارات المعاهد الهندسية.
 
وقال اسامة سعيد طالب بهندسة العاشر
"سيادة العميد السلام عليكم. حضرتك  احنا لسه خارجين من ازمة كورونا اللي ضربت اقتصاد دول كامله مابال حضرتك بالافراد وارباب الاسر اللي هم متكفلين بمصاريفنا احنا كطلبه اكيد حضرتك عارف كم الاذي المادي اللي تعرضنا ليه حتي الجهه المسؤله عن القرارات الخاصه بالمعاهد العليا لم تتخذ اي اجراء في صالحنا من رد ولو مبلغ بسيط من اجمالي مبلغ التيرم بعد تحول التعليم الي اونلاين واحنا ك طلبه كنّا منتظرين تخفيض لمبلغ الفصل الدراسي الحالي ولكن احنا اتفاجئنا ان المصاريف زايده بشكل مَش طبيعي حتي بشكل غير مبرر  طَب ليه وانتم ادري الناس  بما لحقته جائحة كورونا بينا وبالدخل المادي لمده تزيد عن ال ٧ شهور واكثر اذا كانت نظرة حضراتكم للمبلغ بانه مبلغ بسيط ف والله في نظر الكثير مشكله كبيره وضغط عصبي علي اولياء الامور ....

في التيرم السابق لازمة كورونا كانت في زياده في المصاريف وبعد تضرر بعد الطلاب وامتناعهم عن الدفع تم التخفيض بالفعل! 
بمعني انها ليست بالقرار النهائي الصادر من الوزاره او الجهه المعنيه باصدار مقدار المصروفات واذا كان هناك بعض الطلبه بتقوم بالدفع لمجرد نزول المصاريف ف دول نسبتهم لا تقارن بالطلبه المنتمين للاسر المتوسطة امثالنا احنا 
رفقا بنا يا سيادة العميد وكن لنا مثلما عهدناك تقدم مصلحة الطلاب اولا.
ولسيادتكم فائق الاحترام."

وقال حسام محمد طالب بالمعهد التكنولوجي العالي بالعاشر من رمضان 
لما اكون بشتغل في الاجازه علشان اجمع فلوس الكليه الي اصلا داخلها من البدايه ب١١ الف وحاليا وصلت ل ١٩ الف في السنه ويحصل زياده سنويه علي المصاريف بشكل صادم زي كده بجانب طبعا المصاريف اليوميه والشخصيه ومصاريف الاكل والمواصلات والنت خلال الترم هجيب ده كله منين؟؟ لو سمحت يا سياده العميد احنا اتعودنا من حضرتك انك بتقدر ولادك واكيد مش هترضى بالحال ده فياريت يحصل تغيير علشان الي بيحصل ده فوق طاقتي وفوق طاقتنا كلنا.

وقال محمود محمد طالب بهندسة الشروق
"احنا المصروفات زادت السنادي ٢٠٠٠ جنيه بدون وجه حق بالرغم ان  فيه لايحة بتقول ان مفيش زيادة في المصروفات وان المصروفات هتظل ثابته لغيه ما هتخرج من الكلية في ال٥ سنوات، بنسأل في الكلية بيقولوا الوزارة الي زودت المصروفات ، بس الوزير كان طالع وقال في الاعلام ان مفيش زيادة وانها مجرد اشاعات  وان المصاريف هتقل، غير الدراسة هتبدا كمان ٤ ايام ولم يتم الاعلان عن اي جدول دراسي، والحضور هيكون يومين مش ٣ ايام زي ما موجودة في خطة وزارة التعليم العالي للتعامل مع كورونا 

والترم الماضي حين ظهرت كورونا واضطررنا للدراسة من المنزل عانينا من عدم التنظيم وعدم وجود جدول دراسي او شرح يتفهم وعدم قدرة الدكاترة علي التعامل مع التكنولوجيا ومنصات التعليم الاونلاين زي ميكروسفت تيم او ان دكاترة معملتش شرح فيديو اصلا غير متاخر جدا وبجودة رديئة ، وايضا لم نستطع التواصل مع بعض الدكاترة سواء تليفون او واتساب او ايميل جامعي فالدكاترة لا ترد علي الرسائل والمقترحات والشكاوي وبيهددوا الطلبة اغلب الوقت ان مفيش اي حاجه من محاضراتهم او كلامهم او قرارتهم تنزل علي السوشيل ميديا، غير ان فيه مواد عملي من العام المادي اتنست بعد ما كان المفروض هتتشرحلنا ونجربها عملي في المعمل"

واشتكي احمد الجوهري من زيادة المصروفات لعام ٢٠٢٠-٢٠٢١ قائلا :
مصاريف دفعة 19 زايدة ليه!
المصاريف الاساسية بتاعتنا 18080 جنيه
اي الي وصلها ل 19200?
ناس جايلها 19277
وناس 18300
وناس 18900
مع العلم ولا شايل مواد ولا ساحب ومخلص موادي كاملة
تعديل مصاريفي 19277 ليه!؟

وقال محمود اشرف طالب بهندس العاشر
"يا دكتور بعد اذن حضرتك كنا حابين نستفسر استفسار بسيط و من غير اي تجريح او تريقة أو سب ف المعهد أو اي شخص 
بس كنا محتاجين من حضرتك توضيح عن زيادة المصاريف والي بتوصل تقريبا لاكتر من الف جنية ؟ وايه السبب التأخير ف رفع لينك المصاريف ؟ هل كدا بننحط قدام الأمر الواقع ؟؟؟"

وقال مصطفي فوزي الفقي طالب بهندسة العاشر
"السلام عليكم ورحمه الله وبركاته ..... بعد اذن حضرتك ياسيادة العميد Osman Ramadan المصاريف بتاعتى نزلت وفيها زياده 2744 جنيه مصرى ....... انا دلوقتي مخلص 68 يونت وعلى حسب الائحه مابتقول أن انا كدا المفروض فى المستوى التالت ومصاريف المستوى التالت على حسب الائحه 15814 جنيه مصرى انا دلوقتى نازلى مصاريف 18558 يعنى زياده فرق 2744 وحضرتك كنت قايل لزميل لينا إن مافيش زياده خالص الترم ...... فبعد اذن حضرتك ممكن توضحلنا اى اسباب الزياده دى ؟؟!"

واشتكي عبدالله اسماعيل من زيادة المصروفات الجامعية قائلا
طب انا داخل الفروض علي 16800 دفعه 2018 ليه ادفع 18500 غير الكسور مش حرام ده وحضرتك قولت مفيش زياده هتحصل وطمنتنا ولا المفروض اني هفضل كل سنه المصاريف تذيد ١٠٠٠ عن اللي قبلها!!

وجاء رد الدكتور عثمان رمضان عميد المعهد التكنولوجي العالي بالعاشر من رمضان 
 
"المصروفات هى حق المعهد كى يصرف على مستلزمات التعليم وتحددها الوزارة باعتبار الظروف الإقتصادية للطلاب والمعاهد. والمصروفات المعلنة كما ابلغتكم ليس فيها اى زيادة من المعهد. اى طالب يشك فى اى زيادة، يمكنه مراجعة ذلك بالمعهد وإذا ظهر له حق سيسترده. انا مع حقك فى التأكد من عدم الزيادة. ومع حق المعهد فى تحصيل المصروفات. التجاوز مرفوض والمتجاوزون سيحاسبون وفق قواعد السلوك الطلابى".

فيما قال ايضا الدكتور عثمان بان المتجاوزون سيحاسبون علي قيامهم بالتعبير عن رأيهم في زيادة المصروفات علي السوشيل ميديا وامور كهذه يجب ان تظل علي القنوات الرسمية 

وجاء الرد من اكثر من ٤٠٠ طالب من هندسة العاشر علي كلام العميد منهم محمد خالد حيث قال:
تعقيبا على كلام حضرتك 
حق المعهد كى يصرف على مستلزمات التعليم : 
هيا فين مستلزمات التعليم الإضافيه اللى اتقدمتلنا مشوفناش تجديد قاعات او معامل او اضافه معامل او تجديد او افتتاح اى انشطه 
ثانيا لو الوزاره اللى بتحدد طبقا للظروف الاقتصاديه فا واضح كدا ان الوزاره مسمعتش عن فيروس كورونا وبتتعامل مع اصحاب شركات بس 
ثالثا نراجع الذياده مع مين ماحنا صوتنا اتنبح فيها السنه اللى فاتت و كل ما نسأل حد من الشئون يقولنا نفس الرد دى متحدده من الوزاره 
و لو هنسأل فى كل جنيه فا ال 20 جنيه اللى مدفعوه دعم انشطه طلابيه دى عاوزين نفهم دى انشطه ايه و ال 340 جنيه دول مصاريف إضافيه ل ايه بالظبط 
دور حضرتك فى المعهد واضح جدا بنشكر حضرتك جميعا عليه ومعروف ان حضرتك دايما فى صفنا و عارفين ان مهمة حضرتك كا مسئول مش سهله وللأسف كل حاجه بتحصل فى المعهد بتيجى فى اتجاه حضرتك ودا عبء المسئوليه لكن فى الاخر بنشكر حضرتك على مجهوداتك

بعض الصور من شكوي الطلاب من زيادة المصروفات
أنت الان في اول موضوع

تعليقات