ادوات رسم اعدادي هندسة
1- قلم سنون واحد ي 5 ي 7 وعادي مش روترنج هات عادي وبيعيش والله وبقضي الغرض زي اللي ف الصور ده 👇👇2- استيكا فابري كاسل ودي اهم حاجة زي اللي ف الصور دي 👇👇
3- مسطره تقيس بيها 30 سنتي ممكن تستغني عنها وتقيس بالمثلث لو عليه تقسيم 👇👇
4- برجل عادي ب10 جنيه متروحش تجيب طقم براجل ب 200 جنيه وانت اصلا والله ما هتعرف تستخدمه 👇👇👇
5- طقم مثلثات 45 و30-60 مش روترنج هات عادي اللي فيها منقله بتبقي ب10 جنيه 👇👇👇
6- كشكول رسم واحد 40 ورقه ورق ابيض او مربعات نص سم تذاكر فيه
7- لزق من بتاع الفلوس ابو جنيه
8- شبلونه دواير ودي مهمه شويه عشان الكيرفات الصغير
9- مسطره حرف T لو هتدخل ميكانيكا هاتها 80 لو هتدخل مدني هات 100 لو هتدخل عماره هات 120 حاجه غير دول هات ارخص واحده ومتجبش روترنج عاديه حلوه والله مش بتكهرب
10- مثلث ارسطو مهم عشان الوصفية
11- البوردة لو عندك مكتب مسطح او تربيزه مستويه ارسم عليها ومتشتريش بورده
دول بس اللي تجبهوم متجبوش حاجه غيرهم متخلوش حد يبعلك حاجات مش هتحتاجها او تحت مسمي حاجات نضيفة الادوات دي كلها بالمواصفات اللي قولتها ف حدود 250 جنية
سؤال متكرر بخصوص عروض المكتبات علي الادوات الهندسية
س: هي العروض اللي بتبقى شاملة كل الادوات في المكاتب لاقيت في مكتبه ب450 جنيه ..هي الحاجات دي ممكن تبقي نوعها وحش ولا هي حاجة عادية ؟؟هي مكتوب عليها روترنج بس غريب جدا ان كل الادوات دي روترنج وبالسعر ده ..ياريت لو حد جرب في السنين اللي فاتت يقول الحاجة مغشوشة ولادي عروض عادي ؟؟ج: الادوات مش غالية اصلا يعني 450 جنيه سعر مناسب وممكن تشتري بنص السعر اوربعه بس الادوات ونصيحة ماتشتريش حاجة دلوقت اما تدخلي الكلية والمعيدين بتوع الرسم هيقوقوا هتجيب ايه فانت ماتستعجلش وهات اللي تحتاجه بس
ونصيحه مني متشريش غير الادوات دي ،
- المسطره (دي الحاجة الوحيدة الي هتشتريها روترنج علشان خامة حلوة وشكل حلو)
- مثلث ارسطو (طلبة كتير بتجيبه بدل المسطرة والمثلثات يعني مثلث ارسطو وقلم هتكون دي كل الادوات)
- والمثلثات ( 2 مثلثات 45 + 2 مثلثات 30 60 ) وبتشتريها من اي مكان مش هتزيد عن 10 ج وبلاش روترنج غالي علي الفاضي
- البرجل (هتجيبي برجل نضيف في حدود 10 او 15 ج بلاش الي بتسمعه من صاحب المكتبه ويقلك طقم براجل وبرجل ب 80 ج ملهوش لازمة)
- قلم روترينج فقط