شباب سنة رابعة المتخرجين الا مشروع
نفرح وننبسط الأول وناخد كمان اجازة حلوة، بعدها نبدأ المرحلة الجديدة... في مننا اللي عنده جيش و في اعفاءات و في بنات 😄طيب تعالي نشوف مع بعض شوية حاجات تساعدنا في حيرة الفترة الجاية باختصار ماذا أفعل بعد التخرج من كلية الهندسة
طبعا مش هتطول في قعدة البيت لأنك هتبقى كبرت خلاص و هتبدإ مع الوقت تستعيب انك راجل او بنت ومتخرج و مستني مصروف بابا وماما ربنا يخليهم لكن مش هينفع يبقي ده الاعتماد الأساسي... علي الاقل من منظور انك تحسسهم انك بتحاول وبتثبت وجودك فعلا 👍
اللي مفيش عنده جيش والبنات
بعد ما نخلص الاجازة اللي مش طويلة😁 نبدأ على طول ندور على شغل.. حدد اتجاهاتك بمعنى انا والله عايز ابدأ بشغل المواقع... هطبع سي في بعد ما أظهر قدراتي بشكل جيد واطلع على العاصمة الإدارية مثلا ومش رايح ترمي السي في وتمشي.. لا انت رايح وعندك هدف ان شا الله حد ينزلك شغل حتى لو في البداية تدريب بمكافأة
َهنا لازم أنبه انك تاخد بالك من ال مستغلين النصابين يعني لا حد يقولك تمضي شرط جزائي ولا تمضي ورقة بكذا او كذأ مفيش الكلام ده
و طبعا مثال المواقع يطبق على أي حاجة.. وخلي بالك طويل و بلاش تناكة😄 ظروف السوق في الوقت الحالي لسه بيتعافي من آثار الكرورنا ولكن فيه فرص طبعا
ماذا أفعل بعد التخرج من كلية الهندسة
ألف مبروك ❤️بعد ما نخلص الاجازة اللي مش طويلة😁 نبدأ على البداية مش لازم تكون في أكبر شركة أو في المالتيناشونال بلاش تحط نفسك تحت الضغوط دي لكن ابدأ والمرتب اللي تاخده ده بعد ما تجيبلهم كيلو مانجو ولا حاجة 😄 تصرف على كورس أو تدريب يطورك ويأهلك لمكان أفضل
الشباب اللي عندهم جيش
فترة الجيش عموما لازم تستغلها بأي شكل من الأشكال أسوأ الحلول انك تذاكر وتراجع تدريب او كورس نزلته او لو عندك وقت تاخد كورس او تقدم ماجيستير لو حابب السكة دي أو لو لقيت فرصة شغل بارت تايم ياريت لو وقتك يسمح من هنا للجيش لو جيشك في أكتوبر لا كمل اجازة وذاكر مع نفسك فرصة انك تلاقي شغل صعبة شوية
لو جيشك في يناير او بعد كده انزل و أسعى و دور وربنا يرزقك بوظيفة مؤقتة او تدريبية وافتح ودور في علاقاتك بالمهندسين اللي اتعرفت عليهم من تدريب او ما شابه بس متدخلش تقولوا سلام عليكم شغلني 😂 او ابدأ في كورس يضيف السي في بتاعك او ادخل على موقع شنايدر اليكتريك و اتعلم او قدم في Best in class و غيرها من التدريبات الي بتقبل طلبة ٤
او شوف السوق ماشي في اي اتجاه و لو لقيت كورس في الاتجاه ده اتعلم وادرسه