القائمة الرئيسية

الصفحات

قصة نجاح طالب هندسة في روسيا "منصور" الاول في مسابقة تكنولوجيا الفرص بروسيا

قصة نجاح طالب هندسة في روسيا "منصور" الاول في مسابقة تكنولوجيا الفرص بروسيا

السلام عليكم ورحمة الله وبركاته
اتمني الكل يكون بخير وبصحه وسلامة 😅
اسمي منصور شريف طالب في كلية الهندسة في تخصص الهندسة الطبية او هندسة الطب الحيوي في روسيا في جامعة بينزا الهندسية بقالي سنتين في روسيا اتعلمت حجات كتير خلال السنتين دول أولهم نعمة الوطن والأهل.

بس قبل ما اتكلم عن رحلة السفر خليني اتكلم شوية عن ما قبل السفر ٨ سنين تقريبا او اكتر!! كنت بشتغل ف ورشة ميكانيكا وبتعلم ازاي اتعامل مع الآلات الزراعية والسيارات الخ.. طبعا بجانب الدراسة الورشة بتاعتنا بس كنت بتاعمل زي اي صبي بيتعلم طب شغل الورش زيت وبنزين وجاز 😅 الحمدلله كنت بتعلم بسرعه والحمد لله علي مدار الشغل دا اتعلم حجات كتير بدأت اخف الشغل ايام الثانويه ولقيت نفسي بهتم بمجالات تاني واتجاهات في الروبوتس والميكانكس عملت كذا حاجه خيبة كدا منهم اني اتحكم ف تشغيل السيارة بتاعتي والدي عن طريق الموب الصراحه والدي كان عاطيني فرصة كبيرة اني أبدع وكمان الإمكانيات حتي لو كانت بسيطة. وهنا بيكون دور الأب والأهل عظيم ،وحتي لو مش كلهم. بعد سنه من الكلام دا قلبت غرفة نومي لورشة صغيرة كدا 😅🙂 وكنت بفضل شغال وقاعد فيها ع طول اتعلمت حجات كتير وكنت بسافر محافظات كتير عشان المعلومه . لعند ما عملت exoskeleton للناس اللي عندها شلل نصفي وشغل رباعي"ودا كان عمل ضجه كبيرة لما رويترز سجلت معايا" .وهنا بدأت أهتم بالاجهزه الطبية والأطراف الصناعية الذكية. محصلش نصيب ف ثانوية عامه ٨٠% 😅 ومكنتش عارف اعمل ايه بس كنت حاطط موضوع السفر ف دماغي.

 بس لسا لازم اشوفي اهلي ودي كانت النقطة الصعبة 😢 فاكر كل يوم كنت بحاول اتكلم وهما شايفني كل يوم ف جامعة عشان منحه . المهم كلمت والدي وأساس هو كان مخطط ليا الموضوع وانا معرفش وطبعا كانت مفاجأة لأهلي وانا فاكر كل واحد فيهم قال يومها مانا جايب ٨٠% خلاص الدنيا وقفت بس ابويا وامي الصراحه مفقودش الامل فيا، والحمد لله سافرت ولسا لعند النهاردة مرجعتش.

حاليا بحاول اتعلم بيزنس لاني عايز ابدا شركتي RHPSN للاطراف الصناعية الذكية وحققت إنجازات كبيرة علي مستوي المدنية اللي انا عايش فيها وفوزت في مسابقة تكنولوجيا الفرص في روسيا بمركز اول علي الولايه ومركز رابع علي ٣٦ جامعة روسية هندسة ف هاكاثون ك اول عربي او اجنبي يشارك فيه بمشروع "طرف صناعي حيوي بيترجم اشارات الدماغ الي حركة وتستطيع الإحساس " Bioprosthetic leg"


عندي شهادات كتير من سكولكوفا و اومنيك و من ريكتور الجامعة وانا العربي الوحيد المشارك في جميع الأنشطة الطلابية ومشروعي من اول المشروعات المطلوبة

طلعت في التلفزيون الروسي مرتين. واتكتب عني ف الاخبار الروسيه . تجربتي مع الكورسات اتعلمت روسي في ٨٠٠ ساعة ومازلت بتعلم لانها لغة صعبة لكن لغتي الروسية كويسة . مكنتش بتكلم انجلش لكن حاليا بتكلم كويس بسبب الروسي
حاولت اتعلم الماني لكن لما درسته بالروسي كان صعب 😅

في ناس كتير بتشكو من موضوع الدراسة في روسيا والنصب والاحتيال والمضايقات الخ..
ردي انا في روسيا بقالي سنتين قابلت ناس كويس جدا وكلهم كانوا بيساعدوني وبدون مقابل . قابلت شخصيات محترمة ودعمتني معنويا وعلميا

احسن حاجه في الغربة تخليك لحالك وتلتزم بمصلحتك يعني انت اللي تخلص امورك ومتدفعش فلوس لحد .
اللي حابب يقرأ عن المجال

لعلي وعسي نبقي اصدقاء عمل في يوم من الأيام 😉



تعليقات