القائمة الرئيسية

الصفحات

فنكوش التعدين | ليه لازم تخلي بالك من الباي نتورك؟Pi network

رسالة للناس فاكرين انهم ممكن يعدنوا ويحصلوا علي دولارات من العملة الرقمية باي كوين من الهاتف، فكرة انك تستخدم معالج الموبايل في تكوين هاشات لل block chain فكرة غبية جدا ، بل ومستحيلة حاليا، بص انت لو قارنت اقوى معالج للموبايلات دلوقتي بأقل وأرخص كارت جرافيك حاليا ، كارت الجرافيك هيفوز ب 100 مرة على الأقل، ميغركش معالجات apple ولا snapdragon بإنها قوية يعني، هي قوية في الموبايل واستهلاك الطاقة بس ، يوم ما تيجي تقارنها بمعالجات كروت الجرافيك فهي بطيخة

يا راجل الواحد بيشتري كارت شاشة غالي ويفضل شغال شهور متواصلة يعدن ethereum وفي الأخر يطلعه ملاليم !فحاليا خدها قاعدة مستحيل أي معالج موبايل يستخدم في التعدين ، لحد ما يحينا ويحيكم ربنا ونشوف معالجات الكوانتم في الموبايل يبقى تعالى قولي تعدين ، بس ساعتها مش هيبقى في معنى للهاشات أصلا 

فنكوش التعدين | ليه لازم تخلي بالك من الباي نتورك؟Pi network


هحكي تجربتي للباي كوين .

مبدأيا كدا دا طلع للأسف مش تعدين، التعدين يعني ان معالج جهازك يعالج العمليات الي بتحصل (تحويلات) وبالتالي يديك عملات
لكن البرنامج دا مش بيستهلك حتى 1% من المعالج + انه بيعد عملات على الفاضي وعلشان يتأكد انك ممسحتش البرنامج بيخليك تدوس عليه كل 24 ساعة
مش مصدقني؟
حمل البرنامج و ابدأه وامسحة في ساعتها و بعد ٢٤ ساعة نزله هتلاقي معاك ٦ عملات الي هم بتوع ال٢٤ ساعة 😂😂 يعني مش بيعدن اصلا مجرد بيديك عملات عمال على الفاضي.
طب دا معناه اية
طلاما مفيش تعدين او موارد بتستهلك لإنتاج الباي كوين يبقا ملهاش قيمة
يعني بيتكوين مثلا بتستهلك معالجات كتير و قوية جدا و ببالتالي بتستهلك كهرباء (طاقة) غير ثمن الاجهزة دي
وكل الصعوبة في تعدين عمله واحدة هو دا الي بيحددلها سعر (طبعا بجانب الطلب عليها)

ودا عكس باي كوين الي بيديك كوينز من غير اي اي اي مجهود تخيل حد بيديك فلوس وانت مش بتعمل اي حاجة 😅مفيش غير ابوك هيعمل كدا.
مثال توضحيحي اكتر
لو حد قالك هديك ٣ ألاف عمله باي كوين و تديني موبيلك هتوافق ؟ اكيد لا هتقولي ما علشان هي لسة ما اطرحتش في البورصة ...تمام..طيب لما تنزل في بورصة انت هتروح تشتريها ؟ اكيد لا لأن الحصول عليها أمر تافة جدا + هتشتريها تعمل بيها اية ؟ وكذالك كل الناس هتشتري باي كوين لية اصلا ؟
طيب بلاش كل دا
الي عمل قيمة للبيتكوين هي استخدامتها السرية يعني انا مثلا راجل سياسي في صين مثلا عاوز ادفع فلوس لحد في أمريكا من غير ما حد من الحكومة يعرف
فأكيد هستخدم عمله مشفرة زي بيت ككوين أو يا سيدي باي نتورك
بس لحظة كدا الباي نتورك اصلا برقم الموبيل 😂😂😂 الي هو منين عملة مشفرة و منين انها مفهاش خصوصية، الموضوع سرقة بيانات مش اكترماحدش شاف منهم فلوس لغاية دلوقتي

*لية بقا الناس هتسخدمها طلاما هي تفقد كل مميزات العملات المشفرة و هي

١.الخصوصية (الأمان)
٢.صعوبة الحصول عليها

ومن خلال خبرتى المحدودة بمجال أمن المعلومات، هحاول أوضح كام حاجة ليك وللمتابعين الكرام ⁦.
معظم الصلاحيات المطلوبة فى البرنامج طبيعية جداً ومطلوبة فى وظيفة معينة بيقوم بيها البرنامج وفى برامج مشهورة بعيدا عن السوشيال ميديا بتطلب صلاحيات أكتر من كدة ،فمثلا عندنا ال :
-run at startup
بمعنى زى ما حضرتك شرحت أنو يشغل الأبليكشن مع بداية تشغيل التليفون ، ده شئ طبيعي جداً وأى تطبيق بيطلبه عشان يبعتلك إشعارات بأى مستجدات فى البرنامج حتى لو أنت مفتحتهوش لما شغلت النظام من تانى ،والموضوع ده نجده فى برامج كتير زى الفيسبوك والإنستغرام و و و .... غالبية البرامج نفس الوتيرة .
- pop-ups
البوب ابس أو النوافذ المنبثقة اللى حضرتك قولت عليها وإنها كافية تخترقك ومش عارف إيه ... طيب هنا يجي سؤال الأبليكشن لو مخدش صلاحية البوب أبس هيبعتلك إشعارات إزاى من الأبليكشن !! ده سؤال كل واحد يجاوبه لنفسه .
- Vibration
الڤيبراشن أو الإهتزاز بردو طبيعي جداً
مش لما أى برنامج بيبعتلك إشعار بيعملك ڤيبراشن ولا إيه ،كام واحد عندنا تليفونه بيعمل إهتزاز لما بتجيله إشعارات من الفيس أو الواتس أو حتى الشير إت ...إلخ.
فبردو موضوع إن هو يطلب إذن بالڤايبراشن ده موضوع عادى بالنسبة لوظيفة البرنامج.
-Prevent phone from sleeping
أو منع التليفون إنه يدخل وضع النوم ،وده شئ عادى بيطلبه أى برنامج بحيث التليفون وأنت فاتح الأبليكشن عليه الجهاز ميقفلش منك زيه زى ألعاب كتير ،وبردو رأيى كان ممكن يستغنوا عن الصلاحية دى لأن الأبليكشن مش مضطر إنى أستخدمه لفترة طويلة ، بس بردو إضافة هم شايفين إنها ممكن تفيد خصوصاً إن فى شات فى الأبليكشن يعنى عايزين الفون ميفصلش لو بتكلم حد أو واقف عند مكان مهم طول ما إنت فاتح الأبليكشن،...
- have full network access
أو الوصول الكامل للشبكة ،
البرنامج بيستخدم الإنترنت عشان يعرضلك البيانات لأنها سيرڤر سايد فده أمر طبيعي إن هو يطلب أكسيس للشبكة بردو ...

كلامى ده من خلفية إنى متدرب فى صناعة الأندرويد أبليكشن والحاجات دى أساسيات عرفناها وأى حد أندرويد ديڤيلوبر هنا هيفهم قصدى إيه وهيأكد على كلامى .
موضوع جهات الإتصال بردو كنت أكاد أنسي
ويمكن ده اللى مقلق الجرنوسي أكتر حاجة
سؤال طيب ، هو الأبليكشن طلب منك الوصول لجهات الإتصال غير لما دوست مشاركة الأبليكشن !! الجواب لا
طيب يبقي الأبليكشن مش مهتم إنه يجمع عنك حاجة وإلا كان طلبها منك فى الأول كلها وأنت دوست موافقة زى البايلودس اللى بتتعمل بالميتاسبلويت ، وبرد لو فى حد متخصص فى أمن المعلومات هيأكد كلامى ...
هتقولى ما هم مش عايزينك تشك فى الموضوع عايزين يبان أكنو عادى ...
هقولك طيب مكملتش ليه عملية المشاركة عشان تعرف إن هم بيطلبو الوصول لجهات الإتصال بتاعتك عشان تبعت رسالة للإرقام اللى تحددها تبعتلهم دعوة فى رسالة للبرنامج ..
أظن كدة وضح بيحتاجو جهات الإتصال ليه .
وبردو يجي سؤال تانى نسأله لنفسنا يعنى وهو موجود على البلاى ستور ومفحوص من جوجل
وفى ناس بتشكك فى مدى أمانه ..، هقولك عادى لأن فعلا زى ما جرنوسي بيقول إذا وجدت منتج بالمجان فإعلم إنك أنت السلعة وده فعلاً شئ صحيح 100%
بس هم هيستفادو منك زى ما الفيسبوك إستفاد منك عشان إعلاناته وده اللى هوضحه إزاى بعد شوية .
فكدة موضوع إنه بيسرب بيانات عنك ده موضوع فاكس.
_____________
حضرتك إستخدمت الرد بالعقل والمنطق وأنا كذلك لكن للأسف فى ناس معندهاش وعى يفهم الحاجات دى غير لما حد يشرحلها وده عادى وليهم عذرهم لأن مش كل الناس مهتمة بمجال التكنولوجيا .
_____________
هوضح بردو فكرة التعدين عشان الناس تفهم الموضوع والكومنت ناس كتير تستفاد .
فكرة التعدين زى ما الجرنوسي قال إنه بتستهلك موارد الجهاز بس ليه .... عشان بتعمل عمليات معقدة تسمى بالتعدين الإلكترونى والعملية دى بتستهدف وحدة المعالجة أو ال GPU أو كارت الشاشة ، البروسيسور بيساعد لكن الإستهداف الأكبر لكارت الشاشة . طبعا الموضوع ده بيستهلك فى المقابل باندويدث وباور أو بمعنى إتصال إنترنت و إستهلاك كهرباء زيادة عن الإستخدام الطبيعي للأجهزة
وفى ناس بتعمل مزارع تعدين قايمة على الفكرة دى بس الموضوع بقي صعب شوية الفترة دى عشان عدد الناس اللى بتعدن زاد
وبالتالى المردود اللى هتحصل عليه أقل من اللى هتستهلكه فالحل ممكن إنك تستهدف عملة إفتراضية جديدة يكون عدد المنقبين عنها قليل بحيث يكون ليك فرصك فى التعدين زى الإيثيريوم من فترة لو حد سمع عنها ودلوقتى بقيت حاجة محترمة .
مش زى البيتكوين بس مقبولة إلى حد ما .
____________________
طيب نيجي نشرح البرنامج بتاعنا ده بيشتغل إزاى هو قائم على عملية التعدين بس مش تليفونك إنت اللى بيعمل تعدين دى سيرفرات جاهزة موجودة عندهم بيستخدموها .
طيب بيحتاجونى أنا فى إيه !!؟
بيحتاجوك عشان يبنو بيك النيتورك بتاعتهم واللى هى حاجة ضرورية عشان العملة تنجح
لأن فى حاجة إسمها شبكة العملة ، شبكة العملة دى كل ما يكون فيها ناس كتير ومستخدمين معدنين كتير كل ما يبقي صعب إن العملة تنهار أو يتم إختراقها أمنياً زى ما حصل مع البيتكوين،
هم حالياً في المرحلة التانية وهى بناء النيتورك بتاعتهم عشان يخلى العملة قوية أما يبدأ التداول بيها أظن فى شهر ٨ يبدأ طرحها على ما أعتقد .
فى مرحلة قادمة أول ما يبدأ التداول بالعملة هيوقفوا الماينينج عن طريق التليفون على ما أظن أو مش عارف لو سبوه هيشتغل إزاى لكن الأكيد إن أى ماينينج بعد كدة عشان تكسب من العملة لازم يكون بأجهزة أو مزارع للتعدين زى أى عملة رقمية فهم حالياً بيستخدموك عشان يضمنو نجاح المشروع بس بعدين لو عايز تكسب من العملة لازم تتعب .
_______________

طيب أنا رأيي إيه فى الموضوع ده رأيى بردو

إن مايش حاجة مضمونة ومفيش أى ضمانات على نجاح المشروع زى ما جرنوسي قال بس أختلف معاه إن الموضوع بيستهلك وقت وجهد لأن كل اللى بيتطلبه الموضوع إنك تسجل دخول كل يوم وتضغط على الور اللى بيبدأ ماينينج والموضوع مش بياخد على بعضه 3 دقايق بالكتير فأنا مش خسران حاجة هعمل اللى عليا بحيث إن لو المشروع نجح مندمش زى ما ندمت زمان إنى مشترتش بيتكوين ، ولو منجحش أنا مخسرتش حاجة.
___________________
مصدر المعلومات اللى فى الكومنت من خلال خبرتي فى مجال أمن المعلومات والتكنولوجيا بشكل عام وبعد ما سألت أحد الهندسين القائمين على الموضوع عشان أفهم أكتر .
____________
نقلاً عن حد بيشغل دماغه مش بيقعد عليها هههههههههههه


تعليقات