تعريف البحث العلمي
البحث الغرض منه الحصول علي معلومات معينة او حلول عملية لمشاكلموجودة عن طريق دراسات وبحث وتجارب ،وهو عمل ابداعي بيتم في خطوات معينة ، ولازم اجمع كل المعلومات الازمة قبل ما ابدا.
انواع البحث العلمي
وبينقسم البحث العلمي الي:
- Basic Research : بحصل منه علي معلومات بعد البحث وهو خاص اكثر بالكليات الادبية مثلا بحث عن تاريخ الاغريق
- Applied Research : والنوع ده بيكون خطوة بتحصل بعد النوع الاخربعد ما حصلت علي المعلومات النظرية فببدا اتطبقها سواء نظريات فرضية وبطبقها بصورة عمليه وبتطورها مثل تطوير منتج معين ، ثم ينقسم هذا النوع الي uncontrolled trials و control trials
خطوات العملية البحثية
- بحدد المشكلة بيكون عندي دافع اني احدد مشكلة للحل او موضوع معين للدراسة والبحث
- بشوف الابحاث والفرضيات والنظريات الي اتكلمت في نفس الموضوع او شبها والخطوات الي ماشي عليها وتمشي زيها
- بحسن الفرضيات بتاعتي مثلا باحث اتكلم في نقطة فانا هتطور النقطة دي
- لازم احدد الطريقة السليمة وكل خطوة هتمشي ازاي واعمل تصميم كلي للبحث
- لازم اجمع كل المعلومات الي تشمل الموضوع
- بعمل تحليل للنتائج سواء احصائي او مقارنات او اشوف عامل معين ايه الفرق بينه وبين عامل اخر واعطي الاستنتاجات في الاخر
- لازم اعرض النتايج في صورة سليمة في جداولtable او رسومات graph او رسم بياني او نسب مئوية واعرضها في صورة سليمة
- وممكن ترجع تكتب في نفس البحث مرة اخري لو هتعطيك نتائج احسن
باختصارالعملية البحثية بتمر
- فكرة : لازم الفكرة تكون واضحة ومشكلة وااحدة مش اتنين ، وهتسأل نفسك هل هتضيف حاجة معينة للبحث ،وهل هيقابلني اي معوقات خلال البحث ، هل الموضوع والفكرة بتاعتي هتحل مشكلة ضخمة بتواجه العالم زي الوباء الي احنا فيه وده هيساعد اني هلاقي دعم وهيكون ليك الاولويه للنشر في المجلات العلمية ،وهل الي هتقدمه هيحل المشكلة دي
- البحث عن المعلومات
- كتابة البحث بتاعك : هيكون زي عمل قصة هتستدرج من فكرة الي اخري والبحث بيكون ليه فورمة وطريقة وخطوات معينة بتمشي عليها
مكونات ورقة البحث العلمي الرئيسية
Title: عنوان البحث
- لازم العنوان يجذب انتباه الممتحن
- وتلخص الفرضيات في العنوان
- ولازم العنوان يكون ليه علاقة بالورقة البحثية ونابع منه
Abstract: عبارة عن 4 جمل بسيطة بلخص فيه البحث
- ولازم يكتب بطريقة سليمة لانه اهم جزء في البحث لان القارئ ممكن يكتفي بقراءة الملخص
- ولازم يكون ملخص لا يحتوي علي فرضيات كتير
- ويركز علي النتائج
- وتلخص المساعدات الي حصلت من مؤسسات او مستشفي او اي حاجه للبحث بتاعك
- وتذكر المساهمات
- وبيكتب بعد ما بتخلص الورقة البحثية في الاخر
Introduction: من صفحة لصفحتين
- بتوصف الموضوع والمشكلة
- وبتكتب ليه هتعمل الموضوع او البحث
- وبتوضح المساهمات في البحث بتاعك
- وبتكتب كل واحد وصل لايه وانت هتكتب البحث تطوير لفكرته
- ولازم قيمة البحث تكون قيمته عاليه علشان كده لازم تختار فكرة تكون جديدة علشان تؤهلك تقدم بيها في مؤتمرات دولية ومجلات علمية
(Presenting the idea (Experimental Methods: عبارة عن صفحتين
- هتوصف بكل الوسائط المتاحة طرق عملك للتجارب كأنه بتشرح علي سبورة
- ولازم تحدد في الطريقة بتاعتك الخطوات الاساسية وليست الثانوية
- لو مكتبتش التفاصيل وعديت حجات معينة ، فبتكتب الحجات القيمة زي مثلا انت مش عاوز الtechniques بتاعتك دلوقتي
- لازم الطريقة بتاعتك تستخدمها فيها الصوربتاع الاجهزة او شخص بيعمل نظريات او بيوصف حاجة ولازم تحت صور لكل حاجة استخدمتها
- لازم تحتوي علي schematic diagram وتوصف كل حاجه في الاجهزة والمراحل العملية
- لازم توصف ببساطة العملية بتاعتك
- وتعمل جداول للنتائج العملية
- وتكتب كل المواد materials الي استخدمتها
Results : من صفحة لاتنين
- البيانات الناتجة هي كل شئ، لو عملت بحث من غير Data فانت كده ما عملتش حاجة
- لو انا قلت اني عملت اكتر من طريقة فلازم اكتب النتائج بتاع كل نتيجة
- لازم تقارن الحجات الي كتبتها بكل حاجه كتبتها قبل كده وتقارنها
- ولازم تمثل النتائج في table ,figure,graph
- ولازم توصف graph بتاعك فيه ايه
- وتقول الجدول بتاعك عن ايه ككل او بيمثل ايه
Discussion : من 4 صفحات ل5 صفحات
- احيانا الجامعة بتاعتك بتحدد عدد صفحات معين مش لازم 4 ل5
- الي يهمني انها عبارة عن ايه
- مثلا بناقش النتائج الي طلعتها مع نتائج باحث اخر نتيجة لكذا
- وتربط ما تم عمله وبما تم الحصول عليه من باحثين اخرين وممكن تأكد كلامهم او تنفيه
Conclusions: بتكون نصف صفحة
- ملخص فكرة البحث وهل وصلت للنتائج المطلوبة او البحث مهم فبتكتب نصيحة او ارشادات علي حسب البحث
- وهل الفكرة كويسه او لا ومثلا لو دواء معين هل بيمشي مع كل الاشخاص
- وتقول هل وصلت للي انت عاوزه واستنتجت
Reference:المراجع
- المراجع بتشمل اي كتب او مراجع او مجلات علمية ومؤتمرات ومواقع موثوقة
- ولازم تراعي الامانة العلمية وتكتب كل حاجة وصلتلها لو مرجع فتقول اصداره واسمه والصفحة المعين واي معلومة تاخدها تقول هي من فين
- كل المراجع تكتب في اخر صفحة
مصادر البحث العلمي
المعلومات الي هستخدمها هتكون عبارة عن ايه
- اوراق علمية منشورة في مواقع علمية وبتدخل علي الموقع وبتبحث عن كل الابحاث الي ليها علاقة بيها
- معلومات منشورة في جرائد رسمية او عالمية زي جريدة التيمز
- مصادر ومجلات مهنية ليها علاقة بمجالك دراستك زي مثلا مجلة عن الطاقات المتجددة او مثلا زي مجلة التجارة الدولية
- كتب ومراجع
- توصيات المؤتمرات الي بتطلع في المؤتمر بعد نقاش العلماء والباحثين في المؤتمرات
- الوثائق الحكومية مثلا الحكومة مثلا موثقة اكتشاف منجم السكري بكل التفاصيل وبتروح لهيئة الثروة المعدنية وتحصل علي كل حاجة
- الرسائل العلمية في الكليات
المتطلبات المطلوبة لكتابة بحث علمي
بتستخدم برنامج الكتابة WORD وبتكتب بمواصفات معينة وخط معين
- نوع الخط : Times New Roman
- 12 for paragraph
- 18 for chapter - bold
- 16 for mean title - bold
- 14 for title - bold
- 12 for subtitle - bold
كيفية استخدام الباحث العلمى Google Scholar
شرح بالصور كيف أعمل خطة بحث في 10 خطوات
اقرا ايضا
- خطوات البحث العلمي بالتفصيل | كيف أعمل خطة بحث في 10 خطوات
- كيفية إجراء و كتابة بحث لطلاب المرحلة الجامعية بالتفصيل
- تعلم أساسيات البحث العلمي لطلاب الجامعات أونلاين - خطوات كتابة البحث العلمي
- جميع مصادر البحث العلمي | All sources of scientific research
- الأخطاء الشائعة في الرسائل العلمية وكيفية علاجها | أخطاء شائعة في الكتابة الأكاديمية
- البحث الجامعي بالتفصيل | قياس نسبة الاقتباس اون لاين| مواقع عمل اعادة صياغة |مصادر البحث العلمي لطلاب الكليات