القائمة الرئيسية

الصفحات

شكاوي القراء: أسوء تجربة مع يونيفيرسال ومع خدمة عملاء وفنين بيستخفوا بعقل العميل |شكاوي يونيفرسال

أسوء تجربة مع يونيفيرسال ومع خدمة عملاء وفنين بيستخفوا بعقل العميل
⭕ من تاريخ 10/3/2020 حتي تاريخ 15/4/2020⭕

انا شريف محمد مهدي (مدير خدمة عملاء ) يعني اعرف ايه هي هندله العميل بس عمري ما عملت كده مع عملائي

عملت طلب صيانة يوم 10/30/2020علي رقم 19933 لبوتزجاز يونيفيرسال ٥ شعلة
وبدأت المهزلة
👇🏻
تم تحديد ميعاد يوم 11/3/2020 للمعاينة وللاسف محصلش ولما كلمت خدمة العملاء ادوني رقم الفني اللي بيكون معاهم رقمة يوم الزيارة من بعد الساعة ٣ عصراً. الفني قالي انا عندي حالة وفاة وان شاء الله هجيلك بكره ومجاش

اتصلت بخدمة العملاء اللي بدورها هندلتني كويس اوي وقالتي ان شاء الله احنا عملنا شكوه ف الفني والزيارة لحضرتك هتبقي يوم 18/3/220 ولتاني مرة متحصلش ولما كلمت خدمة العملاء قالولي الفني اتصل بحضرتك ومردتش عليه (يعني انا اخد اجازة من شغلي كل اسبوع علشان مردش علي حد انا محتاجة اصلا ) هو ده كلام يعقل!!!!!!!

خلاص يا فندم هنعملك زيارة يوم 29/3/2020 واخيرا الفني وصل وعمل المعاينة ودفعت ١٢٠ جنية قيمة المعاينة تخصم من القيمة الكاملة لقطع الغيار
المهم حضرتك عملت المعاينة هتيجي امتي تركب قطع الغيار الفني قالي الاسبوع ده اللي هو من بداية 29/3/2020

وتتكرر المأساه مع شركة يونيفيرسال وخدمة العملاء والفنين وفريق المتابعة اللي بيستخفوا بعقول العميل

اتصلت يوم 2/4/2020 يا خدمة العملاء محدش كلمني الصيانة هتتعمل امتي!!!!!!!
حاضر يا فندم هنقدم طلب وتابع بعد ٥ ايام

اتصلت تاني يوم 12 /4/2020 يا ناس حرام عليكم الوقت ده كله
حاضر يا فندم احنا هنصعد الموضوع لادارة اعلي
يا استاذة حوليني لاي حد مسؤل
معنديش يا فندم امكانية التحويل وبعدين اناوعملت لحضرتك شكوي هيتم التواصل معاك خلال ٣ ايام!!!!!!!

وبعد اكتر من شكوي واكتر من محاولة تم تحديد امس الاربعاء 15/4/2020 ميعاد لعمل الصيانة. اللي برضو محصلتش
واكلم خدمة العملاء يقولولي انتظر للساعة ٤ علشان رقم الفني مش ظاهر
انتظرت دون اي فائدة (((اقسم بالله انتوا شركة لا تعرف معني عميل)))

اخيرا كلمني استاذ ايهاب من المتابعة انهاردة وبيقولي ان الفني كلمك امبارح وانت مردتش عليه علشان كده مجاش لحضرتك وبستاذن حضرتك طلب شخصي ناجل الزيارة للاسبوع اللي جاي لان في قطعة من قطع الغيار غير متوفرة 🙄🙄🙄🙄🙄 وهنا السؤال الكبير؟؟؟؟؟ ازاي قطعة من قطع الغيار غير متوفرة وف نفس الوقت الفني مجاش علشان اتصل عليا ومردتش

كم استخفاف بعقول الناس ومديرين واخدة مناصب معينة شوية هواه للضحك علي الناس

يا شركة يا محترمة انا هعمل فيكم شكوي ف حماية المستهلك
واللي عايز يتواصل معايا منكم ده رقم تليفوني اللي متسجل بيه كل الشكاوي اللي عندكم

01114999077

😡
مرفق صورة إيصال المعاينة
شكاوي القراء: أسوء تجربة مع يونيفيرسال ومع خدمة عملاء وفنين بيستخفوا بعقل العميل

تعليقات