القائمة الرئيسية

الصفحات






عيوب Infinx hot 8 ونصب شركة انفنيكس مفيش ضمان والحل تغير البورد بأخري جديدة حتي لو شاريه دلوقتي

عيوب Infinx hot 8  ونصب شركة انفنيكس لي مفيش ضمان والحل تغير البورد بأخري جديدة حتي لو شاريه دلوقتي


انا لسه شاري انفنيكس هوت 8 في اقل من شهر والموبيل وقف ومش عاوز يشتغل اتصلت بخدمة العملاء قالي روح اقرب فرع للضمان ،روحت الضمان بعدها بيوم الاتنين 2-3-2020 توكيل كارل كير بنها اشوف ماله وبعدين الموظف خده ودخله الغرفة الي جوا وبعد شوية خرج بعدها يقلي الموبيل محتاج بوردة وانه اتفتح قبل كده وان الموبيل ملهوش ضمان وقعدت اكتر من نص ساعة في مركز الصيانة نتناقش ونتجادل مش مصدق الموظف ولا الموقف او انه اتنصب عليا كده وهو يقلي الموبيل مفتوح واتصلت بخدمة العملاء وقفل معايا الخط واتواصلت مع الصفحة اليوم وامبارح وعرضت مشكلتي اكتر من مرة وقالوا هيتواصلوا ومش عاوزين يردوا علي الرسايل بعد ما قالوا روح الضمان ومفيش اي استجابة بالرغم اني لسه شاريه جديد وبعلبته من المحل ومتسجل ان الموبيل لسه معدش عليه شهر عندهم و لسه جديد وكان مقفول في علبته ومقفول ومش عارف كده ال1800 ج اتنصب عليا فيهم ولا ايه نظام الشركة دي الي ملهاش ضمان ولا مصداقية ، يعني ادخل مركز الصيانة والموبيل جديد علي اساس انه في الضمان اخرج والموبيل مفتوح قبل كده وملهوش ضمان والموظف يسجل التليفون عنده انه ملهوش ضمان

يعني اعمل ايه يتنصب عليا واسكت مش هقول غير حسبي الله ونعم الوكيل فيهم لان ده مش اول موبيل اشتريه من انفنيكس ويبوظ


كان معايا قبل كده انفنيكس هوت 3 والموبيل نازل بعيب صناعة انه مبيقبلش التحديثات وبتيجي رسالة كل اما افتح تطبيق علي الشاشة واما روحت الضمان قال الموبيل عاوز بوردة جديدة طب البوردة بكام بيقول ب900 جنيه وبقوله ليه ده عيب شركة يقولي مكنتش جبته من الاول ليه وكان هيبقي قي الضمان


والموبيل التاني هو تكنو سي 9 الموبيل الكام شهر الي فات بتظهر عليه رسالة اما اتنقل ما بين التطبيقات المفتوحة من الزر الايسر للاسف الموظف الي في التوكيل بيقول الموبيل عاوز بوردة جديدة بالرغم ان الموبيل شغال وبيفتح كل حاجة وسريع ومفهيوش غير العيب ده



واروح الضمان من يومين بموبيل انفنيكس هوت 8 لسه شاريه من شهر ويقولوا الموبيل اتفتح وهيكون خارج الضمان وهيتغير له بوردة يعتبر بتمن الموبيل


مش هقول غير حسبي الله ونعم الوكيل




الجزء الاول | تجربتي مع انفنيكس هوت 8 وتوقفه عن العمل بعد شهر | عيوب Infinx hot 8 

الفيديو ده انا كنت صورته اول ما الموبيل عطل ومرضاش يشتغل مكنتش متوقع انه ممكن يحصل مشكلة مع الشركة والتوكيل وميكنش ليا ضمان بس للاسف ده اللي حصل ، يا خسارة الفلوس الي دفعتها



الجزء الثاني | الموبيل توقف عن العمل بعد اول شهر ومفيش له اي ضمان ومحتاج تركيب بوردة جديدة 




مكونات موبيل Infinx hot 8

دي بعض الصور لموبيل Infinx hot 8  الي اتوقف عن العمل ورفض التوكيل تغيره بأخره او انه يكون لي ضمان اصلا - علي اساس ان الموبيل اتفتح قبل كده وانا لسه شاري التليفون جديد اصلا

عيوب Infinx hot 8  ونصب شركة انفنيكس لي مفيش ضمان والحل تغير البورد بأخري جديدة حتي لو شاريه دلوقتي
infinix hot 8 pro مواصفات

infinix hot 8 pro مواصفات

infinix hot 8 pro مواصفات


infinix hot 8 pro مواصفات



عيوب Infinx hot 8  ونصب شركة انفنيكس لي مفيش ضمان والحل تغير البورد بأخري جديدة حتي لو شاريه دلوقتي

اسعار قطع غيار infinix hot 8

تحذير من ارتفاع اسعار قطع غيار موبيل انفنيكس هوت 8 في التوكيل المعتمد للشركة الي لو حسبتها هيطلعلك انها اغلي من الموبيل مرة ونصف بل احيانا الضعف
  • موبيل انفنيكس هوت 8 سعره في السوق الان بمصر 1775
  • البوردة الجديدة في التوكيل ب1280 لو حصل حاجة للموبيل بعيد عن الشر عنكوا فالضمان مجرد شئ شكلي 
  • الشاشة الجديدة في التوكيل ب 650
  • السماعة ب60 ج في التوكيل
يعني البوردة والشاشة في التوكيل كارل كير اغلي من ثمن الموبيل الحقيقي ومن غير الكوفر او الشاحن او السماعة ؟!
سؤال بيطرح نفسه
  • ليه اسعار قطع الغيار اغلي من الموبيل؟!
  • ليه توكيل انفنيكس مبيعملش اي صيانة للهواتف واي شئ في الموبيل يقولوا الموبيل محتاج بوردة جديدة؟!
  • هل لو اتقلك في التوكيل الموبيل محتاج بوردة جديدة ب1280 والموبيل بره الضمان هل هتشتري موبيل جديدة ام هتركب البوردة
انا زورت توكيل انفنيكس بنها الي هو اسمه كارل كير في شارع مطعم مؤمن عند مبني جامعة بنها وللاسف روحت 3 مرات وكل مرة بموبيل مختلف والحل في كل مرة اني اغير بوردة للموبيل ، يعني المرة الاولي قال اغير بوردة موبيل infinix hot 3 ب900 في حين ان الموبيل جديد ميجبش 1300 ج مصري والموبيل كان شغال بس فيه مشكلة وعيب في البوردة انها مش قابلة تحديثات لاي تطبيقات والمرة الثانية بموبيل تكنو سي 9 الموبيل الحمد لله شغال تمام بس محتاج اعمله سوفت من جديد مش بوردة زي ما الاخ الي هناك قال والمرة الثالثة بموبيل infinix hot 8 بعد 3 اسابيع استخدام توقف وده الي شرحته في المقال ده للذكري اني مجيش نحيه انفنيكس نهائي وزرت توكيل انفنيكس شبرا الخيمة يوم الاحد 8-3-2020 بعد زيارة توكيل بنها باسبوع وبعد ما اتواصلت مع بيدج الصفحة لمدة اسبوع وبنتابع في المشكلة وقلي اروح الفرع لاتفاجئ في الفرع باني هدفع 1280 ج سعر بوردة جديدة للموبيل الي لسه معداش عليه ال40 يوم

اقرأ أيضا :

تعليقات

تعليقان (2)
إرسال تعليق

إرسال تعليق