القائمة الرئيسية

الصفحات

اكاديمية الشروق - ملخص قرارات عميد المعهد العالي للهندسة بالشروق بخصوص كيفية سير الدراسة في ظل تعطل الدراسة بقسم باور

بتاريخ 20-4-2020 ملخص قرارات عميد المعهد العالي للهندسة بالشروق بخصوص كيفية سير الدراسة في ظل تعطل الدراسة  

انهاردة كان اجتماع العميد والعميد كان متعاون جدا وكان كل همة مصلحة الطلبة في المقام الاول وكان فيه جدل ما بين سير العملية اونلاين او ابحاث وارجع الامر الي دكتور كل مادة لاختلاف التقييم من قسم الي اخر فما سيتم في قسم عمارة غير مناسب لاتصالات وايضا قسم باور وبعد تقرير قسم اتصالات للدراسة عن طريق الابحاث ، وكان النقاش في النقاط التالية بالنسبة لطلبة قسم باور:

اكاديمية الشروق - ملخص قرارات عميد المعهد العالي للهندسة بالشروق بخصوص كيفية سير الدراسة في ظل تعطل الدراسة بقسم باور
دكاترة قسم باور

1: الغاء كويزات يوم التلات.
2 : استكمال المنهج الدراسي حتي ٣٠ \٤.
3 : بالنسبة لطريقة التقييم النهائي فهم اختياريين ترك لكل دكتوور ماادة الاختيار ما بينهم علي حسب قدرة استيعاب الماده لكلا الحليين وهما: 


  • اعتماد الابحاث وعمل استبيان للطلبة للمناقشة ف كيفية البحث الملاحظات عن كل مادة الكيفية من 30/4 الي 7/5/2020 وهتنزل الابحاث المطلوبه علي الموقع والمطلوب داخل البحث وقواعد البحث وهيتم رفع الابحاث علي موقع التعليم الالكتروني وهبلغكم الفتره ان شاء الله .. توضييح نسبة الاقتباس من النت او المرجع قليلة جدا مثلا 30% ل زدت عن كدا يبقا راسب وحجمة 1:10 ورقات... ولو حد رسب في بحث يستطيع اعاده البحث مره اخري في خلال ثلاث اسابيع واذا رسب مره اخري يعتبر راسب رسميا.
  • اعتماد طريقة الامتحان الاون لاين للمواد الي فيها صعوبه عمل ابحاث مثل (الرياضة دا مثال فقط لسا دكتور هيتكلم معاانا اكيد) وهيتم معرفه المواد بتاعتنا فيها صعوبه ولا لا خلال كام يوم ولو حد رسب في الامتحان يستطيع اعاده الامتحان مره اخري واذا رسب مره اخري يعتبر راسب رسميا.

الناس متقلقش ابدا كل الاختيارات هتدرس تماما لكل اختيار هيختارو الدكتور وهنتناقش مع الدكاتره من وجهة نظرنا والقسم برضو هيناقش الدكتور واخيرا القرار هيتراجع لمجلس الاكاديمي ولو فعلا المادة متنفعش بحث هيتم تحويلها ل الاون لاين.
,,,,الناس متقلقش الموضوع لسا في تعديلات في مناقشات كتيييره كلنا هنتكلم فييها والي هنرسي عليه تاكد تماما اني هيكون مصلحتنا مهما كان.

متقلقوش كل الطرق بتدرس ع قابلية الماده تنفع او لا ومفيش طريقة واحده هتتنفذ لا كل ماده الدكتور هيبحث اازاي تنفع...

كل الي عليك تركز فيه دلوقت هو استكمال المنهج مع الدكاتره حتي 30/4 والعميد بيطمنا والله كل الي جاي خير لينا
انا حبيت احكيلكم الي حصل بالتفصيل في النقاط علشان اطمنكم ولسا الجامعه هتنزل كل القرارات رسميه بالتفصيل ع صفحه الاكاديمية، بالتوفيق لينا كلنا واسف ع الاطالة




بتاريخ 4-5-2020 بوست إعتذار اكتر من كونه بوست بعرفكم بيه عن مواعيد الـ Meetings الجاية ..

اكاديمية الشروق - ملخص قرارات عميد المعهد العالي للهندسة بالشروق بخصوص كيفية سير الدراسة في ظل تعطل الدراسة بقسم باور
اكاديمية الشروق - مبني د الاداري

مواعيد اليومين دول :

- يوم الإثنين ٤ / ٥ / ٢٠٢٠ ( الـ هو بكرا ع طول ده ) ← لايڤ الكونڤيرچين مع د علاء ← الساعه ١١ مساءً

- يوم الثلاثاء ٥ / ٥ / ٢٠٢٠ ( الـ هو بعد بكرا ده ) ← لايڤ الفيزيا مع دكتور محمد سعيد ← الساعه ١١ مساءً

ديه المواعيد الصح ، والإعتذار عشان انا اتلغبطت وبدلتهم في الكلام على جروب الواتس وعلى البوست الـ قبل ده الـ مسحته خلاص .. حقيقي حقيقي بعمل مليون حاجه تخص الدفعه في الثانيه الواحده فـ غصب عني والله حقيقي .. فـ آسف لو حد اتشتت بسببي .. ده آخر كلام ان شاء الله ..

بتاريخ 6-5-2020 بوست بخصوص "الباقون للاعادة (بعذر و بدون)" و "المحولين من قسم تاني لقسم پاور" و "المقاصة" .. عشان يبقوا فاهمين الفتره الحايه هيمشوا ازاي 



بوست بخصوص "الباقون للاعادة (بعذر و بدون)" و "المحولين من قسم تاني لقسم پاور" و "المقاصة" .. عشان يبقوا فاهمين الفتره الحايه هيمشوا ازاي بتاريخ 6-5-2020


بسم الله نبدأ ..

١) الباقون للإعادة بعذر :

بالنسبه لنتيجة التيرم الاول الخاصه بيهم .. فهي اعتمدت خلاص .. لو كنت شايل ماده منتهية ؟ هتمتحنها في نص السنه الجايه طبيعي جدًا ..
لو شايل مادة مكملة ؟ هتنفصل انفصال تام عن الجزء بتاع التيرم التاني ..
والجزء بتاع التيرم الاولاني هيكون منفصل لوحده بدرجاته ( ١٥٠ درجه ) طبيعي جدًا .. و تطبق عليها شروط ولوائح درجات الرأفه عادي جدًا ..

لو مالكش رأفه في المادة المكمله ديه هتمتحنها بعد ما الدراسة ما ترجع بشكل طبيعي ( هتكون بدرجات ومقيمة وهتدخل في التقدير الكلي )

طااااايب .. وبالنسبة للتيرم التاني ؟ كل مواد التيم التاني هنمتحنها تحريري في الجامعة لما الامور تستقر و الدراسة ترجع تاني ..
الامتحان ده هيكون نتيجته ( ناجح او راسب ) فقط بدون درجات..

____________________________________

٢) الباقون للإعادة بدون عذر :

بالنسبه لنتيجة التيرم الاول الخاصه بيهم .. فهي اعتمدت خلاص .. لو كنت شايل ماده منتهية ؟ هتمتحنها في نص السنه الجايه طبيعي جدًا ..
لو شايل مادة مكملة ؟ هتنفصل انفصال تام عن الجزء بتاع التيرم التاني ..
والجزء بتاع التيرم الاولاني هيكون منفصل لوحده بدرجاته ( ١٥٠ درجه ) طبيعي جدًا .. و تطبق عليها شروط ولوائح درجات الرأفه عادي جدًا ..

لو مالكش رأفه في المادة المكمله ديه هتمتحنها بعد ما الدراسة ما ترجع بشكل طبيعي ( هتكون بدرجات ومقيمة وهتدخل في التقدير الكلي )

طااااايب .. وبالنسبة للتيرم التاني ؟ كل مواد التيم التاني هنمتحنها تحريري في الجامعة لما الامور تستقر و الدراسة ترجع تاني ..
الامتحان ده هيكون نتيجته ( ناجح او راسب ) فقط بدون درجات..

طيب عشان نحسم النقطة ديه .. الفرق الوحيد بين الطلاب الباقون بعذر والطلاب الباقون بدون عذر

الباقي بعذر المفروض لما يرجع من عذره ويمتحن التخلفات المفروض درجته ديه بتضاف للمجموع الكلي ..

اما الباقي بدون عذر .. لما يرجع من العذر ويمتحن مهما جاب درجات عاليه في تخلفاته .. فمش بيتحسب ليه اي درجات وبياخد درجة النجاح بس .. حتى لو كان جايب الدرجه النهائيه في الامتحان ..

دلوقتي بعد قرارات الوزارة .. اصبح لا هناك فرق بينهما ..

_____________________________________

٣) المحولين من قسم تاني ( من داخل الكليه ) لقسم پاور :

المفروض دول بيكون معاهم مادتين ( ماتلاب ١ + سيركيت ١ ) .. دول هيتحدد ليكم ميعاد لمراجعة المادتين دول .. وهيتحدد بعدها ميعاد لامتحانهم تحريري .. ودراجتهم تضاف للمجموع الكلي ..

______________________________________

٤) طلاب المقاصة :

لما اي طالب بيحب يدخل هندسه الشروق وهو في معهد تاني طبقًا للوائح بيشيلوه مواد عافيه كده ويذاكرها لوحده من غير ما تتشرحله ويطالب منه انه يمتحن فيها .. ومطلوب منه قدام اهله انه لازم يبقى فالته ويجيب اعلى الدرجات فيها ..

المهم ..
كل طالب مقاصه هو عارف من خلال الشؤون هو محمل بمواد ايه .. ومعاه مواد معينه على حسب المكان الـ هو جاي محول من عنده ..

المواد ديه انت مطالب كطالب مقاصة انك تمتحن فيها تحريري في الجامعه بعد ما الازمة ما تنتهي ..

اما مقررات التيرم التاني ف انت مطالب انك تعمل فيها ابحاث بردو

______________________________________

كده يعتبر انا حسمت نقط الخلاف بالكامل .وكل واحد على الاقل عرف راسه من رجليه إيه وعرف هو رواه ايه وعليه ايه وليه إيه .. ومش ده الهدف الوحيد من البوست ده الحقيقه ..

الهدف الاساسي من البوست ده هو اني عندي أخبار ليكم بتطمن جدًا يعني ..

١) كل الدكاتره متفهمين الموضوع بالكامل ( وزيهم زينا رافضين القرارات بردو لكن كلنا مغلوبين على امرنا ) وكلهم ناويين يتساهلوا بشكل كبيييييييييييييييييييييييير في الامتحانات التحريريه ديه وكلهم مقدرين الازمه والوضع الـ احنا فيه .. يعني بنسبة ٩٠% الناس كلها هتعدي من التحريري ده ان شاء الله ..

٢) عمال يجيلي رسايل على الواتساب كتيره من نوعيه شباب باور الجدعان .. اكتر من ٩ رجاله متطوعين بيقولوا انا هديلكم كشكولي تصوروه بالكامل فيه كل السكاشن والمحاضرات وعامل ملخصات حلوه .. وفيه رجاله تانيه متطوعين بشرح الجزئيات الـ هما فاهمينها ، فاكس حوار سلكان ومش سلكان .. لكن قسما بالله في رجاله في الدفعه ديه ⁦👌🏻⁩ .. وانا كطارق هعملكم بوست قبل كل مادة فيه الزتونه الـ تخليك تدخل تقفل الامتحان ان شاء الله ⁦🤲🏻⁩ + اني من دلوقتي وانا بحاول اخد وعوود من الدكاتره بالكامل انهم يكونوا متساهلين لابعد مدى ممكن ⁦👌🏻⁩ ..

ربنا يوفقنا جميعًا .. أزمة جامدة .. وهتعدي .. هتعدي بينا و احنا كلنا فكتف واحد والله ⁦👌🏻⁩⁦❤️⁩

أي حد عنده اي استفسار يكتبه بشكل منظم في كومنت ..

وبالنسبة للناس الـ بتبعت برايڤت .. المسانجر فعلا مش بقدر اتعامل معاه نهائي .. الواتساب بقى كله مليان اسأله برايڤت والله .. ف اعذرني لو اتأخرت عليك في الرد .. هرد كده كده بس هيكون متأخر ..

تعليقات