القائمة الرئيسية

الصفحات

مصير الجامعات في ظل فيروس كورونا | و كيفية سير العملية التعليمية باحد كليات هندسة

كيفية سير العملية التعليمية باحد كليات هندسة في ظل فيروس كورونا | هندسة الشروق اولي باور educational process in an engineering college operating under the Corona virus


مصير الجامعات  في ظل فيروس كورونا


مصير الجامعات ..احتراما لوقتك البوست هياخد منك دقيقتين.
بص يا حبيبي .. انا مش هقول الكلام اللى يعجبك .. انا هقولك الكلام اللى هيحصل - بإذن الله - علشان تأقلم نفسك وتشوف هتظبط دنيتك ازاى .. انا اخوك ودا واجبي عليك ..
.

اولا : شكل الدراسة

مفيش رجوع للجامعات .. الدراسة هتفضل اونلاين .. وهنا بقى لازم تأقلم نفسك عليها .. عارف ان معظم الدكاترة غير مؤهلين انهم يعملوا مادة علمية مرئية لكن مفيش حل تاني متاح ..
.

ثانيا : الامتحانات

الوزارة واقفة على رجل علشان تعلم امتحانات الكترونية .. لكن انا بقولك اهو مفيش امتحانات الكترونية بنسبة 99% .. حتي وان اعلنت الوزارة عنها .. خلاص بقى احنا المفروض نكون فهمنا الليلة .. كل مرة كنت بقول الدراسة هتتعطل او يتمد تعطيلها الوزير كان بيطلع يقول لا وبعد كام ساعة نشوف الخبر ..
طب ليه مفيش امتحانات اونلاين ؟ لاننا عندنا تجربة فاشلة خاصة بامتحانات التابلت بتاعة اولى ثانوي .. وخد بالك ان اعداد طلبة الجامعات 4:6 اضعاف اعداد طلبة اولى ثانوي .. غير ان وزارة التربية والتعليم اللى ليها خبرة فى الموضوع معملتش كدا مع طلابها .. هييجي وزير التعليم العالى يعمل كدا بعد فضيحة التربية والتعليم ؟!! مفيش امتحانات الكترونية.
.

ثالثا : التقييم بدل الامتحانات ازاى ؟

التقييم - لو الترم متلغاش - غالبا هيكون على ابحاث ..
.

رابعا : خايفين نسقط ..

قولا واحدا .. هتشوفوا السنادي اعلى نسبة نجاح حصلت فى التاريخ .. اعلى من نسبة نجاح المواد بتاعتي ( اللى مبيسقطش فيها غير اللى مبيحضرش الامتحان ) .. والكلام دا هيوصل فى صورة تعليمات من اجهزة امنية للجامعات .. ولو دكتور بعت نتيجة فيها نسبة سقوط مش ظريفة النتيجة الجامعة مش هتعتمدها وهتتغير غصب عنه .. الحكومة عايزة تتجنب بأى شكل اى تبعات فى صورة سخط عام او ملاحقات قضائية بعد الازمة .. وانا شخصيا لو مكانهم كنت عملت كدا.
.

خامسا : هل فيه احتمالية لالغاء الترم ؟!

اتفقنا ان الدنيا هتبقى بيس بالنسبالكم - الا لو حصلت معجزة والفايروس زهق من الكوكب وقرر يمشى بعد اسبوعين ولا حاجة - فمتشيلوش هم الدراسة اوى الله يكرمكم .. احتمال الغاء الترم قائم لكن ضعيف جدا جدا جدا .. ومش هيحصل الا في حالتين .. الحكومة تجيب اخرها وتلاقى نفسها عاجزة على انها تكمل فى المسار دا .. او ان يجيلها توصيات من صندوق النقد الدولي

<><>

كيفية سير العملية التعليمية باحد كليات هندسة في ظل فيروس كورونا | هندسة الشروق اولي باور


بوست بخصوص كل حاجه انا وصلتلها خلال الفتره الـ فاتت ديه ..وأي سؤال إجابته مش متوضحه في البوست ، فأنا معنديش اي معلومه عنه نهائيًا ..أهم بوست ممكن تقرأه في الفتره الحاليه
=====================
إحترامًا لوقتك البوست هياخد من ٨ دقايق ..
بالنسبه للفتره الجايه هنعمل إيه ؟

الفتره الـ جايه هنعتبر ان الدراسه هتفضل اون لاين ومش هنرجع الجامعه الايام ديه خالص ،، وهنتعامل بالاساس ده مع المواد ..
ومحدش يسألي في ميدتيرم ولا في فاينال دلوقتي ومنسبقش الاحداث ونمشيها Step by Step ،، ذاكل ال عليك الاول وبعدين اسأل ..

بالنسبه للمواد بتاعتنا في ظل استمرار الدراسة اونلاين بكليات هندسة ..
__________________________________________________

*ماده السيركيت*

- تواصلت مع دكتور ابو العيون واتفق معايا ان المحاضرات هتنزل تسجيل صوتي بصوته + ملفات PDF ،،

- اول محاضره الدكتور نزلها امبارح بالليل على الـ E Learning بس في مشكله انه منزلها ومعمولها hidden .فمش ظاهره لينا وجاري التواصل معاه لحل المشكله ديه .. و هبلغكم لو في جديد

- تواصلت مع م/ دينا خالد واتفقت معاها بشكل مبدئي ان شرح السكاشن هي الـ هتنزله لينا بشرحها هي ، والأوكيه الأكيد هاخده منها يوم الحد ان شاء الله

______________________________

*ماده الماتلاب*


- تواصلت مع دكتور الماده والمحاضرات هتنزل لينا power point على الـ E Learning ونتابع الموقع بإستمرار و بشكل مكثف عشان لو في حاجه نزلت في اي وقت نشوفها

- تواصلت مع م/ جلال أحمد واتففت معاه انه هينزلنا شرح ڤيديو ..
هيسلط الكاميرا على اللابتوب وهو شغال على الماتلاب وبيحل المسائل وهيفهمنا كل حاجه جت منين وازاي وهتتحل ازاي .. وهيسلمنا الڤيديو ده بأي طريقه ممكنه ، ان كانت يوتيوب او هيبعته على التيليجرام ، سيان .. المتاح هنعمله ان شاء الله

______________________________

*ماده الكونڤيرچين*


- تواصلت مع دكتور علاء عبد الحميد ، واتفق معايا انه جهز المحاضرات خلاص وهيبدأ في تنزيلها انهارده ان شاء الله على الموقع E learning وهتكون عباره عن (تسجيل صوتي + شرح PDF)

- اتفقت مع دكتور الماده ان المعيد يسلط الكاميرا على ورقه وقلم وهو بيشرح وصوته يكون ظاهر كويس في الفيديو ، واحنا نكون شايفينه وهو بيحل بيحل ازاي + الورق ده لما يخلص شرح فيه يصوره ويعمله PDF ويرفعه لينا ( كده احنا معانا ڤيديو شرح و ورق الشرح)

على ان يكون المعيد ده هو مهندس بركات او عماد وجاري التواصل معاهم

____________________________

*ماده الفيلد*


- تم التواصل مع دكتور أنور الهلالي واتفق معايا انه جهز المحاضرات وهيبدأ يرفعها .. PDF + فيديو مسجل
الفيديو هيكون عباره عن ان الكاميرا مثبته على الورقه والقلم والدكتور بيحل وبيشرح وبردو يرفع الورق ده لما يخلص شرح pdf

- جاري التواصل مع م/ أمير .. لتطبيق نفس الفكره في شرح المسائل المطالبين بيها في السكاشن

_______________________________

*ماده الميكانيكا* "او" * ماده الماتريال*


- تم التواصل مع دكتور ممدوح الدسوقي واتفق معايا انه بدأ بالفعل في تجهيز المحاضرات power point + مسجله بصوته وهيبدأ يرفعها في اسرع وقت ممكن ان شاء الله

- جاري التواصل مع مهندس محمد خالد لتطبيق نفس فكره فيديو الورقه والقلم بردو ..

___________________________________

*مادة الفيزياء*


- تم التواصل مع دكتور محمد سعيد وأكد على ان خطه الدراسه لماده الفيزيا هتفضل مستمره زي ما هي بدون اي تغيير فيها سواء كويزات او شيتات او محاضرات ، ومن يوم الاحد ان شاء الله هيبدأ ينزلنا المحاضرات PDF + تسجيل صوتي بصوته
على الـ E Learning ..

- تم التواصل مع مهندس محمد مختار ، واتفق معايا انه هيعمل ملزمه فيها شرح كل النظري + ملزمه فيها شرح كل المسائل + لو كان في وقت هيعمل ملزمه للعملي كمان .. بس قالي سيبني يومين بس احهزلك الكلام ده ..

_________________________________

* مادة الماث *


- تم التواصل بطريقه غير مباشره مع دكتور أحمد حسن ، وعرفت انه مجهز المحاضرات وهيؤفعهالنا في اقرب وقت ، وهتكون فيديوها مسجله ، ونفس فكره الورقه والقلم بردو ..

- طلبت من مهندس أحمد سمير انه يعمل فيديوهات وملزمه هو كمان .. و هو وافق .. لكن الموضوع متوقف على شويه تصاريح يحاول اخلصها ان شاء الله وهنسمع نتايج كويسه بإذن الله ..

ولو مكانس أحمد سمير ، فهيكون مهندس محمد حسن بردو
__________________________________________________

نصيحه مني ، الناس تبدأ تذاكر وتلم نفسها في كل المواد ومتنامش ومتكسلش ومتتقاعسش .. فالامتحانات لا تحرم احد 👌

اتمنى اني اكون قدرت اغطيلكم كل الجوانب واكون اتحركت في الاتجاهات الإيجابيه الـ ممكن تفيدنا جميعًا ..

واستنوا بوست تاني قريب عن الاتفاقيات ال وصلت ليها في المجلس الطلاب مع العميد

وشكرًا ليكم ، وآسف على الإطاله ⁦،⁦♥️⁩
تمت كتابة البوست بواسطة طارق احمد

تعليقات