الحل لمشكلة عدم اكمال المهام للطلبة والمهندسين ولكل الطموحين واصحاب المعالي | التخطيط للعام الجديد 2020 | بريمو هندسة

اوقات كتير بنبدا شئ جديد في حياتنا واحنا مشحونين بالحماس، طاقة جوانا بتحركنا وتركيز كبير واضح، فنقدر نحلم بصدق ان النجاح متاح وقريب، ومع اول خطوة بنبدأها كل الاحتمالات بتكون امامك لهتقدر تكمل وتصبر وتحافظ علي تركيزك، لأما هتحبط وتحس ان النجاح بعيد اووي عنك لحظة بتدفعنا ان احنا نقف ونتخلي عن الي بدأناه وللأسف بيكون قرارنا اننا منكملش، الزهق وعدم التركيز والخوف هما العدو الدائم لأي شئ هنقرر ان احنا نعمله، والاستسلام في الحظة دي بيكون معناه ان كل مهمة او مشروع غير كامل لا يمكن وضعه غير في خانة الفشل حتي والنجاح كان قريب جدا بيكون محتاج قرار انك تكمل لغية اخر لحظة.

الحل السحري لمشكلة عدم اكمال المهام للطلبة والمهندسين | التخطيط للعام الجديد 2020 | بريمو هندسة

احد اكبر اسباب سعادة الانسان هي الانجاز، واحد اكبر الاسباب لثقة الانسان بنفسه هي انه ينظر لتاريخ حياته هيلاقي انجازات ولا تتحقق الانجازات الا باكمال المهام، اني ابدا بمهمة واخلصها واحس اني خلصتها حتي ولو مهمة بسيطة وصغير جدا.

ولكن حال اليوم هو شكوة شباب وبنات كتيير جدا جدا بعدم اكمالهم للمهام اني ابدا في حاجة ومخلصهاش، حد محترف البدايات عنده حماس انه يبدأ حاجة  ثم سرعان ما يستجيب لداعي الملل ويمل بسرعه وكان عنده اهداف كتير نفسه يخلصها وطموحات عالية، ولكن محطم من الداخل كل اما ينظر الي شئ بدأه ولم ينهيه فيتكسر من جواه ويقول لنفسه انا ضعيف انا ضعيف انا ضعيف بسبب انه كان عنده حاجات كتير نفسه يعملها وزهق في وسط الطريق.

المتنبي عنده بيت شعر بيوجع جدا وبيقول:- لم أر في عيوب الناس عيبا - كنقص القادرين على التمام

يعني عدم اكمال المهام هو انسان بيتوقف قبل ان ينتهي من المهمة او الهدف الي حته لنفسه، ومن اسباب تاجيل وعدم اكمال المهام الاستجابة السريعة لداعي الملل وبتكون اما تنسي هدفك

وكان الامام احمد بن حنبل عندما يسال "متي ستستريح يا امام" فيرد قائلا " لا راحة الا في الجنة" وانه سيظل مع المحبره حتي المقبرة ، اي انه سيظل يطلب العلم حتي وفاته ولن يمل ابدا من طلب العلم وانه مع كل خطوة في طلب العلم ستقربه من درجته وهدفه ومن اعلي المراكز عند الله في الجنة

وعلشان كده الامام الشافعي بيتكلم عن فكرة الانجازات الكبيرة في العلم سواء علوم شرعية او حياتية ويقول في بيت الشعر :-
  • اخي لن تنال العلم الا بستة - سأنبيك عن تفصيلها ببيان
  • ذكاء وحرص واجتهاد وبلغة وصحبة استاذ وطول زمان
البلغة (تعني القدرات او الفلوس وهي امر مهم لطلب العلم ) ، وطول الزمان لان الانسان لو مل لم يستطيع ان ينجز شئ في حياته، وكان الصالحين بيقولوا من علامات المقت اضاعة الوقت، ان عمر الانسان يمر من غير ما يعمل انجاز فدي اشد الخسارة.


مقالات ذات صلة



حجم الخط
+
16
-
تباعد السطور
+
2
-