القائمة الرئيسية

الصفحات

1- مهام مهندس الكهرباء في شغل المقاولات (كورس التوزيع الكهربي Electrical Distribution Course) - بريمو هندسة

1- مهام مهندس الكهرباء في شغل المقاولات (كورس التوزيع الكهربي Electrical Distribution Course) - بريمو هندسة
مهام مهندس الكهرباء في شغل المقاولات


تتنوع مهام مهندس الكهرباء في مجال المقاولات بكل مشاريع فمن الممكن ان يعمل باكثر من Position مثل:-

1- مهندس التصميم

وهو الذي يصمم اللوحات والرسومات الخاصة بالمشروع ويطبعها soft copy  وبكده مهمته خلصت.

وفيه برنامجين شهيرين للرسم عموما علي مستوي مصر والوطن العربي والعالم وهما برنامج الاتوكاد وهو الاكثر استخداما في مصر وبرنامج الريفيت وهو يستخدم بكثرة في دول الخليج وفي المشاريع الكبيرة وبدأ ينتشر بشكل كبير في الفترة الاخير.

لا تقتصر وظيفة مهندس الكهرباء علي التصميم علي الاتوكاد فقط بل تتعدي ذلك بتصميم الاضاءة الداخلية والخارجية عن طريق برنامج الدايلكس Dialux او برنامج الريلكس Relux ،وايضا عمل حسابات ال short circuit  وحسابات الهبوط في الجهد voltage drop  الخاصة باللوحات عن طريق برنامج الايتاب ETAP


ومهمة مهندس تصميم الكهرباء في مصر 


  • انه يكون عارف الكود المصري للكهرباء لو المشروع شغال بالكود المصري
  • وازاي يوظف الكود المصري للكهرباء في التصميم
  • ويكون عارف يستخدم جميع برامج التصميم لتنفيذ المشروع (الاتوكاد-الريفيت-الديلكس-الايتاب) فكل برنامج يكون خاصة بعمل جزء معين من التصميم.



2- مهندس اشراف وتنفيذ

وهو اللي بينفذ الرسومات ال shop drawing (وبيعرف يقرأ الرسومات كويس) الي معاه في الموقع  سواء كانت الشركة الي شغال فيها هي المنفذة للمشروع او بيشرف علي تنفيذها لو كانت الشركت اعطت المشروع لمقاول من الباطن sub contractor ودا طبعا بمساعدة الفنيين اللي موجودين معاه في الموقع.

ولازم يكون متوفر في مهندس التنفيذ انه عنده شخصية قوية فالشخصية  تمثل 70 % من متطلبات مهندس التنفيذ

3- مهندس مكتب فني

ودا الجوكر بتاع المشروع والمفروض يكون اكثر خبرة وملم بكل حاجة في المشروع ويقوم بحل المشاكل اللي قد تحدث في المشروع

لازم يكون عارف المواصفات الفنية لكل حاجة في المشروع ، ويهمني اكثر انه يكون ممتاز من الناحية التيكنيكل والمهام المكتبية ولا يشترط الشخصية القوية.

وبيعمل حصر وتسعير ومواصفات فنية وعروض فنية ومالية لكل حاجة في التركيبات الكهربية  (فهو المخ كما يقولون )

4- مهندس المشتريات

احيانا تكون مدمجة مع المكتب الفني في الشركات الكبيرة وده بعد ما بنقوم بحصر الكميات ويقوم بمخاطبة الشركات لتقديم عروض اسعار

مثلا: في البداية اما مالك المشروع ينزل كراسة الشروط بحيث ان الشركات تشتريها ، اول حاجة المكتب الفني بيعمل حصر لجميع الكميات الموجودة في المشروع سواء محولات او كابلات او كشافات وبعد الحصر مهندس المشتريات بيقوم بعمل التسعير ويخاطب الشركات المصنعة لهذه المنتجات لتقديم عروض اسعار ، وبعد ما بيعرف اسعار كل حاجة في المشروع بيبدا بحساب تكلفة المشروع الاجمالية علشان يعرف يقدم عرض مالي مظبوط للمناقصة

هو مش بيحسب اسعار الكميات فقط بل بيحسب ايضا اسعار التركيب واسعار النقل ونسبة هامش ربح للشركة والمكتب مثلا 5% علشان يقدم عرض مالي كويس وترسي المناقصة علي الشركة في الاخر

وبتم الموافقة علي العرض الفني في البداية ثم العرض المالي للمشروع واختار الاقل سعرا.

5- مهندس المشروع


ودا مهندس لازم تكون خبرته كبيرة جدا وبيعتبر همزة الوصل بين كل المهندسين الي فوق والتنسيق ما بينهم واعطاء الاوامر للكل (كبير القعدة يعني).

لازم يكون دارس اكثر من مشروع وعارف كل حاجة في المشروع والتكنيكل والشخصية تكون قوية جدا فهو المسئول في النهاية عن نجاح المشروع.

تعليقات