فيه فرق كبير بين منظومة السكة الحديد ومنظومة مترو الانفاق ، ازاي مفيش اي اتجاه لتطوير منظومة السكة الحديد ، بالرغم من ضخامة منظومة السكة الحديد التي مر عليها الزمن ، لم يفكر اي احد من المسؤليين من الاستفادة من محطات القطارات بجميع محافظات الجمهورية ووضع اعلانات بها يشاهدها الملايين يوميا ، او وضع اعلانات علي اجسام القطارات كما نشاهد في المترو ، ملايين الجنيهات يوميا هتكون مكسب السكة الحديد وبالتالي هيتم تطوير القطارات واستيراد احدث المعدات وزياده مرتبات الموظفين.
 |
| محطة قطار مدينة قويسنا |
اتحدث هنا كمثال عن محطة قويسنا ، يوجد بها شباكين فقط شغالين لقطع التزاكر بدون اي تنظيم ، يعني مش مخصصين شباك لقطع تزاكر خط القاهرة وشباك اخر لقطع تزاكر خط الاسكندرية ، لتوفير الوقت علي الجمهور في حجز التزاكر ووضع ورقة فوق كل شباك بالخط وده ميمنعش انه لو الشباك فاضي ممكن تحجز منه الخط التاني ، معلق ورقة بمواعيد قطارات الاسكندرية قديمة بالي عليها الزمن ، وكل الي بيستفسر عن مواعيد القطار بيروح يسأل الي واقف في شباك التزاكر ويعطلنا اكثر ويفوت علينا القطار
نحن هنا علي موقع بريمو هندسة اعددنا المقال ليس بغرض الانتقاد ولكن لتوضيح بعض الاضافات وتركيز الضوء عليها فهي مطلب الالوف من ركاب القطار يوميا
- عمل تطبيق اندرويد وIos بمواعيد جميع قطارات الجمهورية وانواعها واسعار التزاكر لكل منها وكل المعلومات و التحديثات والاضافات التي قد يحتاجها راكب قطار السكة الحديد وترجمة التطبيق بلغات مختلفة ، وفريق من ٣ اشخاص فاهمين بيعمبوا ايه هيكون كافي للاشراف علي التطبيق وتحديثه باستمرار
- الاستفادة من قطارات السكة والمحطات بعمل اعلانات مؤقتة او دائمة بايجار شهري نظير حجز مكان هذه الوحده الاعلانية ، تشرف عليها مجموعة متخصصة تسمي وحده الدعاية والاعلانات بالسكة الحديد هتكون عبارة عن ١٠ اشخاص مسئولين في جميع محافظات الجمهورية ويكون مديرهم بمحطة قطار رمسيس وتحت كل شخص من ال١٠ هيكون فيه فريق من ٥ عمال ، يعني ٦١ شخص فقط مسئولين عن الدعاية
مواعيد قطار قويسنا اسكندرية ومواعيد قطار طنطا قويسنا
مواعيد قطار قويسنا القاهرة ومواعيد قطار القاهرة قويسنا
يوميا بركب قطار رمسيس من مدينة قويسنا بيطلع العديد من القطارات صباحا فيه 7 ونصف وفيه قطار بيطلع 8 وخمس دقائق وفيه قطار الساعة 7 ص , اغلب الايام بركب قطار الساعة 7:30 ص وبيكون سعر التذكرة ذهاب فقط ب4ج والقطر بيقف في اغلب المحطات زي بنها وطوخ وقليوب وشبرا ورمسيس
وانا مروح فيه قطار اسكندرية بيقف في محطة قويسنا وبيطلع من رمسيس الساعة 4:15 م وفيه قطار اخر متوجه الي المنصورة وهذا القطار بيطلع من محطة رمسيس الساعة 4:30 م ، وبيقف في محطة شبرا وبنها وقويسنا وطنطا والمحلة والمنصورة وبيكون الرصيف بتاعه ناحية اليمين وانت داخل علي باب الدخول وبتمشي للاخر مسافة 100م ، وعلي طول بيكون زحمة ، لو ملحقتش القطر ده فالافضل تركب مواصلات وتروح لو مستعجل علشان القطر الي بعده هيجي 5 ونصف وفيه 8 بليل