اولا اشكر ادمن موقع بريمو هندسة انه اتاح لي فرصة مشاركة بعض التجارب الحياتية ، والتحديات والمشاكل ولحظات فشلي وسببها وازاي واجهتها واستفدت منها .
اسرد هذه الكلمات من صميم واقع بقي مفروض علينا ، للاسف بقي فيه نوعية زبالة بنتعامل معاها يوميا في مواصلات او شغل او دراسه او تعامل ، انعدم من عندها الانسانية والضمير والمسئولية.
حرفيا اخر سنة مرت عليا من اسوء الفترات الي مريت بها في حياتي ، عارف يعني ايه بقي ببشوفوك في البيت صدف او علي الساعة 11 بليل وانت جاي من بره او لو حد صاحي 6 الصبح وانت ماشي ومسافر.
عارف يعني ايه تشتغل 24 ساعة متواصلة في مصانع ، وتطبق بالورديتين والتلاته لايام وفي نفس الوقت في ايام اخري بتاخد كورس او تدريب والمفروض توفق بين الاتنين ، وخلالهم بتقابل ناس تزود عليك الحمل، ومع الخبرة ومرور الوقت هيكون عندك حالة من الامبالاة في التعامل.
اقرب تجربة مشابهه كانت في مصانع السادات ، كنت لسه جديد في المصنع وشغال علي خط باتيه بمصنع مخبوزات العبور بمدينة السادات ، من حظي اني كنت واقف علي الخط مع واحد زباله شغال في المصنع فيه من زمن ، شخص مش شايف له اي حاجه ايجابيه ، غير اني اتعلمت منه درس عمري ما هنساه ، ودايما هخليني علي مبدأي وعمري ما هغيره ، اولا هو هيعرفني طبيعة الشغل علي الخط وانا اصلا عارفه وهنشتغل انا وهو (اسمه مصعد )علي خط اللانتاج ، بس الي حصل انه واقف يتمرقع ويهزر وسايبني اشتغل لوحدي علي السير وبيقول اشتغل واول ما يجي المشرف ملكش دعوه بالشغل وانه هيشتغل وانا استريح ، المهم المشرف جه لاقاني واقف فزعقلي اني مبشتغلش ، وقام الشخص الخبيث الي واقف معايا بيكلم المشرف علي جنب وبيقول ما تجيبوا ناس تشتغل بدل ما هو بيشتغل وغيره واقف ، بعدها انا قلتله مينفعش الي عملته ده ومينفعش تنسب الشغل لنفسك وانت واقف تتمرقع ، معجبهوش فكره اني اقله كده وكان رده لو مشتغلتش هخسم منك اليوم وهخلي البشمهندس ما يدخلكش المصنع والكلام الاهبل الي ممكن يمشي علي حد غيري ، المهم اشتغلت وتلتين الشغل انا الي بعمله وهو واقف يهزر مع العمال ويلقح بالكلام والمشرف جاي يعدي علينا تاني فبيقلي ملكش دعوة بالشغل وانه هيكمل لوحده مسمعتش كلامه واشتغلت ، وبعدين هو من تاني واقف بيتريق عليا مع اتنين تانيين ، والكلام فيه اهانه شويه اهانة للمحافظة واهانه ليا ، وهو حب يلبسني في خزوق فطلب مني اعمل الشغل بطريقه معينه واحط المنتجات فوق بعض علي جنب السير ، المشرف جه وبيزعق اني عامل كده ليه ، فقلتله ان مصعد الي طلب مني كده ، فنادي عليه وهو متكلمش ، نص اليوم جه وغيرنا المنتج ، فهو سايبني لوحدي علي الخط وواقف جنب شاشه ال hmi وبيتحكم في سرعه السير وماكينه لحام الي موجوده من علي الشاشه ، وبرضو سايبني علي الخط لوحدي وبيعمل نفسه بيشتغل ، فقلتله مينفعش اشيل شغل اتنين انت المفروض تقف تشتغل بدل ما عمال تتريق عليا كده ، وزعقت لاتنين واقفين معانا كانوا واقفين يضحكوا وخلاص كل اما مصعد يهين فيا ، وقلت لهم ' عيبكم انكم واقفين وبتعملوا نمرة علي حسابي وده مش اسلوب رجاله واحنا مكملناش اطفال في حضانه اما يكون ده اسلوب رجاله مخلفة ' وفيه نسبة هوالك كتير وشكاير مليانه باتيه سليم هتروح لشركات اعلاف بالكيلو ، المهم واحد وناس تانيه المفروض مسئولة عن الشغل ده ، المهم جابني اشتغل معاه وبيطنط علينا وواقف يتفرج ، فقلت له المفروض انت الي تعمل ده مش احنا واحنا الورديه بتاعتنا خلصت وتيجي تعمل معانا بدل ما انت واقف ، فهو اتحول ١٨٠ وجه عمل معانا , وكان فيه كميه هالك اعلي من المفروض بكتير فهو طلب اننا نهربهم علي العربيه ونخبيهم من ميزان البوابه علشان مايخدوش جزي وبيهددنا اننا هنتضر ومش هيكون لينا شغل بعد كده ، حاجه كده استخفاف بالعقول للي واقفين ، وقلت له انت الي هتضر علشان واقف علي المكنه ومش ظابطها ولا عارف تظبطها مش انا الي واقف علي السير او الفرن وده شغلك وشغلنا عملناه بضمير ، جه يخرج الشكاير امن البوابه شافه ووزنهم برضو ، ورديه تانيه كنت شغال في مخبوزات الكروسوه والفرن ودرجة حرارة عالية وتدخل الشغل في غرفة الفرن في الحرارة المرتفعة وفي عز نهار رمضان وصيام وكل امنيتك في الوقت ده انك تشرب او تنام بعد تطبيق بالورديتين في المصنع ، وتيجي تقبض اليومية بما ان الشغل والحساب باليومية من الي ماسك الشغل يقول مستعجل علي ليه ، هو احنا هنروح من بعض فين هو انت مش معانا في الشقة ، ده كان ملخص يوم من احد ايام الشغل باحد مصانع السادات بميزان شلبي فترة عدت وكأنها كبوس ما بين شغل في السادات او العاشر