الطريقة الصحيحة لربط الاسلاك الكهربائية معا لمهندس الكهرباء which is correct cables jointing

الطريقة الصحيحة لربط الاسلاك الكهربائية معا لمهندس الكهرباء which is correct cables jointing




علي احد جروبات الفيس بوك الصورة دي كانت موجودة وفيه جدل كثير من اصدقائنا الفنيين والمهندسين وكان فيه اجماع ان الطريقة التانية افضل علميا والبعض الاخر اختار الطريقه الاولي لانها افضل من ناحية الشغل وهذا المتداول بيننا جميعا ولكن المهم 

اي الطريقتي افضل واصح لربط الاسلاك والكابلات ولماذا؟ 


الطريقة الاولي : هنجد ان لو الاصق او الشكرتون او الريكم ساح او فك او ان العازل فيه مشكلة ومتسحملش الحرارة وساح فالاسلاك هتلمس بعضها وهيحصل short شورت وامكانية حصول الشورت short هنا عالية مقارنة بالطريقة الثانية


الطريقة الثانية : هنلاقي ان الريكم او الاصق متباعد عن بعضه في كل سلك فلو حصل زيادة في التيار وسخونية في السلك وساح الاصق عن الاسلاك في نقطة ربطهم في اي سلك فلن يضر ذلك خصوصا ان اماكن الربط متباعدة وليست متلاصقة وامكانية حصول شورت short circuit للكابلات هتكون قليلة جدا

نستنج ان الطريقة الثانية هي الصحيحة

بعض الزملاء هيقولوا ان مفيش فرق بينهم لو العزل تمام وعامل حسبات الحمل وواضع سماحية لها وان الطريقة الاولي هي الفضل لينا عند التوصيل والشغل واعمال الشقق.

الرد : اننا هنا في مصر وكل الدول العربية متقدرش تحكم بكل ثقة ان كان السلوك الي معاك العزل بتاعها كويس ام لا ، كل حاجة بتنضرب حتي اسلاك السويدي الي موجودة في السوق الاصلية من المورديين والشركة نفسها فرز تاني وثالث والفرز الاول بيكون لشركات المقاولات وورق وطلبيات لبيه - وفي شركات كتير بتضرب في الاسلاك في بداية السلك يضع الاصلي وفي الوسط السلك ردئ وفي الاخر اصلي - غير ان العلامة المائية للكابلات والاسلاك بيتم تزويرها وضربها في السوق

الطريقة لربط الاسلاك الكهربائية معا لمهندس الكهرباء which is correct cables jointing
احنا كشركة مقاولات من يومين في الورشة للشركة كنا بنصلح مولد كهربا وبنغير الريكتفير rectifier  وانفجر مننا 3 واحنا بنختبره علي ملف وبنشوف ولا لا وبنحط الريكتفير الرابع علي المولد الكهربي واشتغل ولكن كان بيطلع دخان بسيطة وطفينا المولد وقررنا نلغي التعاقد مع الشركة الموردة للورشة علشان طلعت حاجتهم مضروبة وبعوها علي انها اصلية - انت متخيل ان الاصلي والتقليد نفس الشكل والوزن حتي الحفر الي بالليزر متشابهه100% 

لازم تاخد احتياطك وتعمل الصح ومتجازفش في الكهربا علشان الغلطة بموته و اهتم بالعزل كويس عند الربط 

اقرا ايضا

  1. ما هو قسم قوي والالات كهربائية / مجالات عمل مهندس كهرباء القوى / الفرص الوظيفية لمهندس قوي
  2. الكورسات اللازمة لمهندس كهرباء باور سواء هتشتغل مقاولات او في مصانع
  3. نصائح لطلاب هندسة كهربائية فرقة اولي - بدايتك مع كورسات كهرباء باور
  4. مهم لكل المقبلين علي دراسة كلية الهندسة ( نصائح اعدادى هندسه)



حجم الخط
+
16
-
تباعد السطور
+
2
-