القائمة الرئيسية

الصفحات

استغلال اتوبيسات غرب ووسط الدلتا الحكومية للركاب


ازاي مشوار الميكروباص بياخد فيه 7ج واتوبيس النقل العام بياخد فيه 10ج ، هو مش المفروض الاتوببسات ارخص من الميكروباص ، وازاي هما بيحسبوا الاجرة ثابتة مع اختلاف مكان النزول والكمسري يقول كله زي بعض


اتوبيس غرب ووسط الدلتا (بنها طنطا) مساره ثابت من بنها لموقف سبرباي داخل طنطا والعكس ، مفيش راكب بيركب فيه من علي الطريق الا وكان مجبر او ميعرفش نظام الاجرة في الاتوبيس وازاي هو اغلي من الميكروباصات ب2ج او 3ج وساعات بنقطع تذكزتين وثلاثة.


ازاي كمسريه بسوء المعاملة دي ولا احترام ولا ادب ، حجة كبيرة راكبة معانا من طنطا وهتنزل قبل قويسنا

ب100 متر عند مكان مشهور الميكروباصات بيقفوا فيه للناس يركبوا او ينزلوهم ويقول مفيش وقوف الا في المحطات الرئيسية ومش فاتح الباب الا في قويسنا، ويرضي يقف بعد ما الناس تتحيل عليه اكثر من مرة.


انت لو راكب من عرب الرمل قويسنا علي السريع لطنطا بتدفع 5ج لو ميكروباص هو بياخد 7 ج وساعات 8ج ، تخيل انت هتنزل عند كوبري فاروق او المدرسة اليابانية او اخر بركة السبع واول طنطا برضو هتدفع ال 7ج ولو حد ركب من كوبري فاروق لموقف سبرباي بيدفع للاتوبيس 4 ج في حين ان اجرة طنطا الداخلية 2ج.


غير بقي انه ساعات مبيقفش في المحطات الرئيسية ، واقف علي الطريق عند كوبري فاروق عدي اتوبيسين من غير ما حد فيهم يركن او يستني نركب والموضوع اتكرر في اماكن اخري

تعليقات