القائمة الرئيسية

الصفحات

ازاي اروح المعهد العالي للحاسبات بمدينة الشروق (ازاي اروح اكاديمية الشروق)

يتواجد المعهد العالي للحاسبات بالشروق او المعهد العالي للهندسة بالشروق داخل اكاديمية الشروق وتتواجد اكاديمية الشروق بجوار الجامعة البريطانية بضاحية النخيل بمدينة الشروق علي طريق مصر السويس

ازاي اروح المعهد العالي للحاسبات بمدينة الشروق (ازاي اروح اكاديمية الشروق)
صورة من داخل مبني قوي باكاديمية الشروق تظهر مبني حاسبات ومبني د الاداري وكوبري قوي وملعب التنس

ازاي اروح المعهد العالي للحاسبات او للهندسة بمدينة الشروق (ازاي اروح اكاديمية الشروق) 

فيه طريقتين للذهاب لاكاديميه الشروق منها انك هتركب من موقف السلام الجديد ميكروباص درة اكاديمية اعلام (ايوه اسمها عربيات درة بتركبها تروح لاكاديمية الشروق مباشرة وكل الي راكب العربية رايح اكاديمية الشروق او الجامعة البريطانية) كانت الاجرة 5.5 (هي رسمي ب5 ولكن بيلموا 5.5) وبعد زيادة البنزين بقت الاجرة 6 ج من موقف السلام الجديد ، عربيات او اتوبيسات درة بتكون خارج الموقف جنب عربيات الشروق والعبور والتجمع والمستقبل ، المدن الجديدة عربيتهم جنب بعض. (احنا كطلبة جايه من اي مكان قاهرة او جيزه او منوفية او قليوبية او اي محافظة كل يوم بنركب كده) 

او انك تركب عربية الشروق 1 من موقف السلام او اي اتوبيس نقل عام جاي من القاهرة وتنزل عند شارع السنترال بيكون بعد منطقة السوبر علي طول ، وتركب من هناك في العربيات السزوكي الي بتحمل لاكاديمية الشروق من الساعة 8ص ل3 عصرا والاجرة بتكون 3 ج  (لو انا ساكن في الشروق بركب السزوكي من عند السنترال يوميا) 

لو انته جاي بعربيه فانت هتسوق من علي طريق مصر السويس وهتلاقيك بتعدي علي موقف السلام ثم موقف العاشر القديم ثم هتعدي علي العبور ثم المستقبل وبعدين هتلاقي كوبري كبير اطلع عليه وادخل لاكاديمية الشروق بعد كيلو

باختتصار هتروح اكاديمية الشروق


من موقف السلام الجديد هتركب عربية درة اكاديمية الشروق , كلمة درة دي اسم المنطقة المتعارف فيها اكاديمية الشروق والجامعة البريطانية بين السواقين 

تعليقات