القائمة الرئيسية

الصفحات

تجربتي مع تدريب المقاولون العرب 2019 بالورشة المركزية بطنطا وبادارة الاعمال الكهروميكانكية التابعة لها

في هذا المقال هنتناول اهم الاسئلة الشائعة عن تدريب المقاولون العرب وكيفية الحجز وتجربتي في تدريب المقاولين العرب كطالب كهرباء بالورشة المركزية بطنطا ثم تجربتي مع ادارة الاعمال الكهروميكانيكية بطنطا بعد انتقالنا كطلاب كهرباء للتدريب بها ورأيي بكل صراحة وأمانة عن كل الاشخاص والمهندسين الي اتعاملنا معهم خلال فترة التدريب ، وهل تدريب المقاولون العرب مهم لطلاب كهرباء ام مجرد مضيعة للوقت ، وايه الي تعمله علشان تكون ممتاز في مجال المقاولات وطبيعة عملك كمهندس كهرباء مقاولات في محطات المياة والصرف الصحي والموقع والمكتب الفني.

تجربتي السيئة مع تدريب المقاولون العرب بالورشة المركزية بطنطا وبادارة الاعمال الكهروميكانكية
المقاولون العرب ادارة شرق ووسط الدلتا بطنطا


كيفية حجز تدريب المقاولون العرب لطلاب كهربا مدني ميكانيكا عمارة


اولا بتروح للمعهد التكنولوجي للتشييد والبناء (بشارع محمود المليجي خلف نادي السكة الحديد)التابع للمقاولون العرب بكارنية الكلية او البطاقة وهتدخل للاستقبال هيديك استمارة تكتب بياناتك وهتدخل بالاستمارة للاستاذ المسئول عن التدريب في الغرفة المجاورة للاستقبال علي ايدك اليمين وبعدين هتدفع رسوم التدريب وبكده تكون حجزت التدريب وهناك هتتوزع لاقرب فرع ليك وانصحك انك متروحش الا فرع القاهرة ده المكان الوحيد الي ممكن يكون فيه استفاده لطلبه كهربا

هتركب من رمسيس او اي مكان لنادي السكة الحديد ومعهد التشيد موجود خلف نادي السكة بشارع محمود المليجي

او اي اتوبيس بيعدي علي شارع محمود المليجي زي اتوبيس التجمع او اتوبيس 1048

لو انت جاي من اماكن اخري غير القاهرة (منوفية قويسنا بنها طنطا شبين اسيوط شرقية ميت غمر منصورة بحيرة) هتركب لرمسيس ومن هناك هتركب لنادي السكة فيه ميني باصات كتيير مكتوب عليهم "سكة " وبرضو ميكروباصات

رسوم حجز تدريب المقاولون العرب لطلاب هندسة


الرسوم بتختلف علي حسب انت هندسة عام ولا هندسة خاص واغلب الشركات الحكومية والقطاع العام بيكون التدريب فيها ضعفين و3 اضعاف لطلاب المعاهد الهندسية والهندسة الخاصة،

  • 150ج لطلاب الهندسة الحكومية
  • 350ج لطلاب الهندسة الخاصة


وبتكون هناك اتفاقيات بين ادارة بعض كليات الهندسة وشركة المقاولون العرب لتقديم تدريبات خاصة او بمواعيد معينة زي

  • 400ج لطلاب معهد العاشر
  • 1000ج لطلاب هندسة الجامعة الامريكية

وبيكون فيه اهتمام من قبل ادارة المقاولون او علي الاقل بيوفروا مهندس يشرح وينزل مع الطلبه مواقع علشان بتكون في وشهم، واي تقصير من اتجاه المقاولون العرب بيلغوا التدريب نهائي وبيكون فيه مشرف من الكلية يكون موجود مع الطلاب اثناء التدريب علشان يشوف مستوي الطلبه وجودة المكان ولو حصل اي حاجة ويقيمهم في اخر الدورة.

كيف كان تدريبي بالمقاولون العرب بالورشة المركزية بطنطا (الاسبوع الاول)


اقل حاجة ممكن تتقال عن التدريب انه مضيعه للوقت، يعني نصحي بدري ونلبس ونخرج ونسافر وفي الاخر نروح من غير اي استفاده حتي بيلطعونا قاعدين من غير تقديرنا ولا اي استفاده واما نكلمهم يقولوا ده المتاح (وده ردهم في الورشة) اما في مكتب ادارة الاعمال الكهروميكانيكية فكنا بنضيع الوقت بشياكة ونقعد وخلاص.

كنت مقدم في الفوج الثالث ومدة التدريب كانت عبارة عن 3 اسابيع من 3 -8 الي 30 -8 ، الاسبوع الاول كان في الورشة المركزية بطنطا (عند كوبري فاروق) ثم كان اسبوع العيد ثم اسبوعين روحنا ادارة الاعمال الكهروميكانيكية في فرع شرق ووسط الدلتا بطنطا عند المعرض بعد فشل التدريب في الورشة.

تفاصيل تدريب المقاولون العرب لطلاب كهرباء يوم بيوم

الاحد (4-8-2019) اليوم الاول




روحت بالاستمارة الي اخدناها من الفرع الرئيسي لفرع طنطا اول يوم تدريب ، وطلعت لادارة التدريب وهناك خدوا الاستمارة وقالوا اروح الورشة المركزية الي عند كوبري فاروق، بعد ما خرجت روحت الورشة

هتدخل الورشة المركزية امام المدرسه اليابانيه،ثم هتسيب كارنيه الكليه عند الامن علي البوابة،ثم هتسجل حضور عند المحاسب محمد طاحون،ثم هتروح للبشمهندس سيد مبارك ، ولو انت كهربا زي التدريب مع البشمهندسة بسمة في ورشة كهربا وده جرفيا الي عملته اول ما روحت الورشه

وبعدين قعدنا ومفيش حد شرح او نعمل ايه وبعدين عم ابراهيم شرح دايرة بسيطة لتشغيل الماتور بالكلاسيك كنترول طبعا الي عارف كنترول فاهم اما الي مدرسش كنترول قبل كده ولا هيفهم حاجة من الي قاله عم ابراهيم وكلها عشر دقايق والتدريب خلص اليوم



دائرة القوي لتشغيل محرك 3 اوجه - تدريب المقاولن العرب كهرباء
دائرة القوي لتشغيل محرك 3 اوجه

الاتنين (5-8-2019) اليوم الثاني

تاني يوم علي طول روحنا الورشة وطلعنا للمحاسب محمد طاحون سجلنا حضور وبعد ذلك روحنا الورشة الكهربائية  للبشمهندسة بسمة وعم ابراهيم وعم سيد ومصطفي واحمد (الفنيين ) ، البشمهندسة طبعا مش عارفة هتشرحلنا او هتعملنا ايه وعم ابراهيم عمل دايرة عكس حركة ماتور والغريب انه عاملها  راسمه كنترول فقط وجايب 2 كنتاكتور ومفتاحين واسلاك واحنا كلنا نعمل الرسمه مع بعض ومفيش اي معدات للتدريب ومفيش جدول نمشي عليه ولا عارفين هنعمل ايه خلال فترة التدريب ومجرد مضيعة للوقت.

كلمنا البشمهندسة بسمة احنا هنيجي نعمل ايه بكره او الاسبوع هيكون عبارة عن ايه فقالت "انه الورشة هنا مش كويسة وان شبرا افضل من هنا" معرفش ازاي رايحين ننتدرب في مكان بالوضع ده ، ثم بعد ذلك توجهنا للبشمهندس سيد مبارك عن عدم جدوي التدريب وانه مجرد مضيعه للوقت ولا يوجد اي جدول او خطة واحنا هنتعلم ايه خلال التدريب ، فبكلم بساطة رد وبيقول" احنا مش مركز تدريب احنا ورشة اصلاح لو فيه اصلاحات هتشوفوها مفيش مش هنقدر نعملكوا حاجة ، فبنتكلم علي الاقل يكون معانا مهندس يشرحلنا كنترول اويعرفنا علي اي حاجة تفدنا في الورشة بدل القاعدة فيرد ويقول " احنا مش معهد الساليزيان علشان ندرس كنترول وده المتاح ودي ورشة " بصراحة رد اخر استفزاز ولا فيه اي تعاون من البشمهندس سيد مبارك او البشمهندسة بسمة ووجودنا في الورشة محسسنا اننا عالة عليهم ومسببلنا باحراج ، واغلب الي كانوا بيجوا التدريب قرروا انهم ولا واحد فيهم يجي التدريب كان فيه الي من بنها وقويسنا وشبين الكوم ومنوف وطنطا واغلبهم مجاش فعلا تاني.

دي 3 لوحات معلقة في الورشة ل3 دوائر كنترول عملنا واحدة عملي وهي عكس الحركة خلال اول يومين ومكنش فيه معدات او ماتور او كنتاكتور زيادة ، ودايرة استار دلتا لم يتم شرحها ، انا كنت صورتهم للاستفادة فقط


دائرة التحكم والقوي لمحرك 3 اوجه  يعمل نجمة دلتا- تدريب المقاولون العرب كنترول
دائرة التحكم والقوي لمحرك 3 اوجه  يعمل نجمة دلتا

دائرة التحكم والقوي لعكس حركة محرك ثلاثة اوجه
دائرة التحكم والقوي لعكس حركة محرك ثلاثة اوجه


الثلاثاء (6-8-2019) اليوم الثالث



اليوم ده روحنا الورشة ومكنش فيه اي شي ولا اصلاحات او فنيين او حتي بشمهندسة ، كانت قاعدة في غرفتها ، فعم سيد خرج بينا الورشة وفرجنا وشرحلنا الونش الكهربي بكل تفاصيله ودايرة الكنترول والباور كاملة للونش وكيفية عمل الصيانة


بصراحة عم سيد اليوم ده وكمان يومين كمان بعد كده هو ده تدريب المقاولون العرب 2019 لطلاب كهربا بعد ما تدوس علي اللينك هتلاقي تصوير لشروحات الونش الكهربي كاملة، وفي اليوم ده كنا 3 اشخاص والباقي بطل يجي بعد ما كنا اكثر من 15 طالب هندسة كهربا




الاربعاء (7-8-2019) اليوم الرابع



الفنيين اغلبهم سافروا الصالحية علشان يصلحوا مولد هناك واغلب التصليحات بيخرجوا يصلحوها بره ، ومكنش في الورشة غير مصطفي وعم سيد والبشمهندسة بسمة واحمد وكمان فني ، كانوا بيغيروا جلدة طرمبة غطس مياه فكنا واقفين (كنا في اليوم ده 3 فقط مختلفين عن امبارح وكانوا من طنطا ) بنساعد معاهم وبعدين عم سيد كان بيغير ريكتفير مولد كهربا وطلع بايظ وانفجر معانا 3 مرات وطلعت الطلبية مضروبة ، الفني اكثر شخص متهور وغير مراعي لشروط الامان او قواعد السلامة يعني ايه واحد يختبر ريكتفير بالكهربا مباشر لو انفجر يكون شغال منفجرش يكون سليم ، والبشمهندسة بسمة كانت في مكتبها اغلب الوقت واحنا واقفين مع الفنيين او قاعدين وساعة واليوم خلص وماشيين ، و المصيبة ان الي موجودين بيقولوا مش لازما تيجوا كل يوم ، واحنا هنظبط الغياب ومفيش مشكلة ، ومش عاوزنا نيجي اصلا



ورشة الكهرباء بالورشة المركزية بطنطا  تدريب المقاولون العرب 2019
ورشة الكهرباء بالورشة المركزية بطنطا 

ورشة الكهرباء بالورشة المركزية بطنطا  تدريب المقاولون العرب 2019
ورشة الكهرباء بالورشة المركزية بطنطا  تدريب المقاولون العرب 2019

ورشة الكهرباء بالورشة المركزية بطنطا  تدريب المقاولون العرب 2019
ورشة الكهرباء بالورشة المركزية بطنطا  تدريب المقاولون العرب 2019

شكل الريكتفير المحروق المضروب بالرغم من تماثله مع الاصلي
شكل الريكتفير المحروق المضروب بالرغم من تماثله مع الاصلي



الخميس (8-8-2019) اليوم الخامس


حتي الان مفيش اي استفادة سوي يوم الثلاثاء ، روحت الخميس وقعدت من 9ص حتي 10 ص مع عم سيد والبشمهندسة بسمة ، بقولها هناخد ايه انهاردة ، فبتقولي مش لازما تيجي كل يوم ، المكان الوحيد الي مفيش اي تقدير لوقت الي جاي هو المقاولون العرب  ، وبالفعل دي شركة مقاولات وكل تدريبات شركات المقاولات مجرد مضيعة للوقت لطلاب كهربا، المهم كمان ان كل الطلبة مفيش حد هيجي غير انا وواحد من طنطا حتي مجاش اليوم ده.

قعدت ساعتين وطبعا مفيش حد شرح والبشمهندسة قاعدة في غرفتها والفنيين نايمين في الاوضة وانا مش فاهم ليه الاستهتار ده ونظرتهم بأن انت ايه جابك اصلا متغيب زي زمايلك ومتجيش وهما مش عاوزين ازعاج اصلا.

ومن كام يوم كنا اتكلمنا مع الفرع الرئيسي للمقاولون العرب اكثر من مرة مع الاستاذ ايهاب وكنا 5 اشخاص بنكلمه ان مفيش استفادة واننا عاوزين نروح فرع شغال ، او ننزل موقع بدل مضيعة الوقت دي ، ووعدنا ان المشكلة هتتحل وهيتواصل مع ادارة طنطا




فروحت كلمت المحاسب محمد وفي ادارة الورشة ولكن لم استفاد بشئ منهم كما المرة السابقة  ، ثم توجهت الي ادارة شرق ووسط الدلتا التابعة للمقاولون العرب ، وقلت لادارة التدريب اننا مش جايين نقعد وكنا طلبنا بجدول بالتدريب مينفعش كل يوم نيجي الفرع او الورشة من غير استفادة ومش معنا احنا بس كطلبة كهربا الاهمال ده معانا ، ومش المفروض يكون حتي فيه مهندس او مهندسة تتابع معانا يوميا ، وفاضل للتدريب كمان اسبوعين ويخلص ، هل هظل كل يوم اجي لاخر الشهر اقعد في الورشة بدون استفادة ، واخرج الصبح واصحي واضرب مشوار سفر علي مفيش .

فكان بصراحة الاستاذ الي موجود الي بادارة تدريب طنطا محترم واتواصل مع الورشة وقلهم ان ليه مفيش اهتمام بطلبة كهربا ثم اتواصل مع البشمهندسة اماني مديرة الاعمال الكهروميكانيكية ، ان تدريبنا يكون معاهم في الادارة ال

ثيتم الاستكمالللللللللللللللللللللللللللللللللللللللللللللللللللللللللللللللللللللللللللللللللل قريبا

كيف كان تدريبي بالمقاولون العرب بادارة الاعمال الكهروميكانيكية (الاسبوع الثاني)



ثاني يوم في الاسبوع الثاني للتدريب كان عبارة عن زيارة لمحطة مياة المرشحة الجديدة بطنطا وباقي الايام في الادارة والمكاتب الفني


محطة المياه المرشحة الجديد


من محطة القطر اركب لفيشه سليم  او من معرض اركب محلة مرحوم لشركة المياه بجوار التجنيد ،من معرض اركب محلة مرحوم وانزل عند كوبري حما سليم وادخل من تحت الكوبري وامشي مسافة 100م هتلاقي محطة المياه علي شمالك ونادي القضاة النهاري امام المحطة 




مديرة الاعمال الكهروميكانيكية
اماني عبدالحميد


كيف كان تدريبي بالمقاولون العرب بادارة الاعمال الكهروميكانيكية (الاسبوع الثالث)

بصراحة قعدنا الاحد ملطوعين ومفيش حد معبرنا والاتنين والثلاثاء نفس الحكاية ملطوعين في المكتب من غير اي استفادة
شهادة تدريب المقاولون العرب

تدريب المقاولون العرب ٢٠١٩
تدريب المقاولون العرب للطلبة 2019
مركز تدريب المقاولون العرب بمدينة نصر
تدريب المقاولون العرب 2019
مركز تدريب المقاولون العرب بجسر السوي
تدريب المقاولون العرب للطلبة 201
المقاولون العرب التدريب الصيفى 2019
من بنها  لطنطا ثم عربيه معرض للمقولين العرب  ثم موقف سبرباي ثم عربيه بنها 

تعليقات