معلومات عن احمد حسن وزينب ستصيبك بالذهول احنا طلعنا مش عايشين

معلومات عن احمد حسن وزينب

 هل كنت تعلم ان احمد حسن مواليد 1996 ؟!  وانه حاليا عنده 23 سنه ، المعلومة دي اول معرفتها نزلت عليا وعلي كثير من الشباب بالصاعقه لحجات كتير اوي منها انه في عمرنا بالضبط وظاهر علي كانه شاب كبير ، عرف يتجوز ويكون اسرة وشغل وشهرة ومال ، اشبه اما نعرف ان رمضان صبحي عنده 23سنه  او الاعيبه الكبار زي صلاح عنده 27 سنه ناس كتيير طلع انها محققه نجاحات كتير وهما في سن صغير في حيث ان سن اغلب الي بيهاجمهم او بيتابعهم في العشرينات بردوا ، وممكن ده احد اسباب الغيرة.

معلومات عن احمد حسن وزينب ستصيبك بالذهول احنا طلعنا مش عايشين

احمد حسن وزينب جديد

للبعض ممكن تكون فيديوهات احمد حسن وزينب مجرد فلوجز زي اي يوتيوبر في العالم بل اليوتيوبر بيعملوا اكثر من كده في دول تانية وزي اي فنان او فنانة او ممثلات مصر احمد حسن وزينب بردوا ممثلاين كوميدي ومقالب وزي ما كانت بدايتهم وحاليا هما بيعملوا بعض الفلوجات عن حياتهم مع بنتهم.

ناس كتير بتهاجمهم لمجرد ركوب الموجة لا اكثر وناس عاوزه تتشهر علي حسابهم وناس سابت كل مشاكل البلد من قمامة مش عارفين نجبلها حل متراكمة في شوارع مصر حتي التجمع في شوارع متراكم فيها القمامة ، وبعض النواب سابت كل مشاكل دايرته وبيتوجه ببلاغ للنائب العام لمجرد الشو الاعلامي

متسولين ومشردين في الشوارع من غير اي مصدر دخل او حياة كريمة وفقرا كتيير اوي عايشين تحت خط الفقر ومفيش حد جرب يساعدهم واسر دخلهم لا يتعدي الف او الفين جنيه وعندهم مسؤاليات كتير كتعليم اطفالهم وتربيتهم ازاي هيصرفوا عليهم في ظل هذا الغلاء ، واطفال بتشتغل في المصانع كعماله يوميه وهي تحت السن القانوني وكل ده شفته امامي وعشت التجربة ، اطفال لا تفكر الا في كيفية الحصول علي طعام لماذا لم يدافع عنهم منظمات حقوق الانسان والطفل اليس هؤلاء اولا بتركيز الضوء عليهم وبدلا من ذلك ، بعض المنافقين سابوا كل ده وبيقولوا احمد حسن وزينب بيعذبوا بنتهم الصغيرة ومستغليين بنتهم لمجرد ظهورها معاهم في فيديو ربع ساعه ، مفيش حد هيخاف علي البنت اكثر من امها وابوها، وان طفلة رضيعه تظهر في فلوج فده عادي، بيوثقوا بعض اللحظات كذكريات للطفلة ، هو يعني علشان بيمثل علي يوتيوب و الفرصة مسنحتش انه يكون واحد من مماثلي التلفزيون المصري الي فضايحهم وتجوزاتهم وقلة ادبهم مسموح بيها عادي

فيديوهات احمد حسن وزينب

انا مش مناصري فيديوهات احمد حسن ولا بحب اتفرج عليها اصلا وبحس انها تافه ولكن ده مش من حقي اني ادخل اشتم في فيديوهاته واتفرج عليه واتفرج عليها ليه اصلا طالما مش عاجبني المحتوي كل واحد وله مطلق الحرية ، انت كده اما تتفرج عليهم وتعلق وتشتم فانت بتعمل له دعايه مجانية ، وانا كواحد مصري معرفتش فيديوهات احمد حسن الا من منتقديه الي بيعملوا دعايا مجانيه له.

مقالب احمد حسن وزينب

فيديوهات احمد حسن وزينب عبارة عن مقالب حتي قبل ما يتخطبوا او يتجوزوا ، حتي اول فيديو شفته لهم كان ومكنتش اتوقع انه هيكون مقلب ، حد كان مشير فيديو ليهم وفيه خلاف بينهم وما بين اكرامي وان الدرع اتسرق واتهامات من الطرفين حتي اني صدقت ، اتنين طالعين بعد ماكانوا صحاب بيشتموا ببعض وان ده حرامي وده يقول مش انا وقعدت 5 ساعات اتفرج علي فيديوهات الطرفين وفي الاخر يطلع مقلب ، كنت مصدوم معرفش ان كل فيديوهاتهم تمثيل زي اي فيلم في التلفزيون وعاملين سيناريو وكلهم شغالين عليه.

احمد حسن وزينب 2019

ولا كنت اتوقع ان فيديو ماندو وخناقته مع احمد حسن تمثيل ومقلب واكرامي يخش يصالحهم علي قناته وماندو يشتم احمد حسن وزينب باقبح الكلمات وازاي احمد حسن يرضي ان مراته تتشتم ويسمح لنفسه ان حد يهينها كده، بصراحه حسيت ان احمد حسن وزينب زي ناس كتير عاملين نفسهم اضحوكه للشو الاعلامي فقط، وكتسابق لركوب الترند.




احمد حسن وزينب 2018

من اروع الفيديوهات الي اتفرجتها لاحمد حسن وزينب هي فيديوهات التجارب الانسانية بصراحة حاجة روعه وفوق الوصف واتاثرت جدا منها فيديو كان احمد حسن وزينب واكرامي بيمثلوا في العربيه واهانوا اكرامي لمجرد انه مش من مستواهم، فاكرامي خرج من العربية متضايق وزعلان وازاي احمد الي كان فاكره صاحبه يعمل كده

احمد حسن وزينب محمد

شباب كتيير بتنتقد زينب انها خلعت الحجاب (التحجيبة) بعد ما كانت بتلبسها، وبتوجه التهم لاحمد حسن انه ديوث وازاي يرضي علي مراته كده ، وتتطلع زينب تقول انها اصلا مبتلبسش حجاب وانها كانت بتلبسه فقط لمجرد الفيديوهات امام المتابعين علشان تمثيل الادوار، مش لاقي رد غير اذا لم تستحي فاصنع ما شئت ، هما دلوقتي بينظروا لحياتهم انهم هاي كلاس وعايشين عيشه الاغنيه ، ده بيفكرني باقاربي الي ساكنين في مدينة نصر وعين شمس وشبرا اما يزورونا في مدينتنا في قويسنا المنوفية بيكون شعرهم سايب ومش متحجبين او لابسين اشرب او تحجيبه علي اقل تقدير ، ده علشان اهلهم عودوهم وعيشوهم علي كده، بنات اعمامي دول اول زياره ليهم كانوا فاكرين انهم رايحين جنوب افريقيا ان الناس هنا مش متعلمه او زرع او انهم اعلي كمستوي وشايفين نفسهم ، اول ما جهم وشويه وانصدموا ان عندنا مهندسين ودكاتره كتيير في العيلة وعايشين حياتنا افضل من حياتهم الف مرة وعندنا خير كتيير وعايشين في عمارات وبيوت هما مشفوش التشطيبات دي من قبل او سكنوا فيها ، كانوا كل شويه يقولوا كلمة انجليزي علشان متعلمين في مدارس لغات وميعرفوش اننا عندنا مدارس لغات ومتفوقين عنهم، اسبوع مع اسبوع حسوا ان مصر واحده، واحنا عايشين حياتنا باحترام وربنا مبارك ، احمد حسن وزينب نفس الكلام شايفين نفسهم بعد ما جابوا 3 مليون مشترك وعندهم فلوس بالهبل انهم اعلي من ناس





احمد حسن وزينب الجديد

بس عاوز اسالهم سؤال عملتوا ايه لغيركوا فيدتوا المجتمع بايه كل الي حققتوه مجرد نفوذ شخصي ليكي ، انا من منتقدي اخر فيديوهين علي فيديو دبي والفيديو الي ظاهرهم بطرق مخله في البسين ، ممكن حد يقول ان فنانات مصر وكل الي في مناصب بيعملوا اكثر من كده لدرجات ان فيه مشاهد مغرية في مسلسلات وافلام تحت مسمي الفن ومفيش حد بيهاجم ،هو للاسف في مجتمعنا في سلوكيات بتحركها الغيرة والعدواة واستغلال الترند زي قنوات تلفزيون ومزيعين طالعين ويهاجموا احمد حسن وزينب معرفش فراغ ولا مش لايقين مواضيع ولا عاوزين يركبوا الترند ويجيبوا مشاهدات والاهتمام المبالغ من وسائل الاعلام الصفرا بعمل سبق صحفي وازاعي معاهم وسايبين مشاكل الدنيا والاخري ، انا بفضل اما يكون فيه هجوم انه يكون عادل او متكافئ ، هل عادل امام اما بيقبل ممثلة في مسلسلاته او حد من الممثلين حد بيكلمه طبعا لا ، ليهم حجات بنخليها متاحة لناس وحجات لناس تانية لا بالرغم اني مش بتابع ولا اؤيد فيديوهات احمد حسن ولكن مينفغش كده من وسائل الاعلام انها تعمله دعايا مجانيه وتهاجمه وتفتحله الطريق انه ينزل فيديوهات اكثر، الموضوع اشبه بفيديوهات المقالب الي كان بيعملها احمد حسن وزينب في الاول, انه فيه طرفين وحاليا اشبه بوجود راكبي الترند واحمد حسن وزينب.

المقال زي اي بوست هينزل علي مواقع التواصل الاجتماعي يهاجم فيه احمد حسن وزينب وطريقة استفزازهم للجمهور ويديهم شهره وخلاص والاعلام الي بيهاجمهم لمجرد االمشاهدات وسايبين مشاكل تانية اولي بالتركيز عليها 



حجم الخط
+
16
-
تباعد السطور
+
2
-