10 حيل للنصب على المهندسين
ماتعملش #SAVE للمقال ده إلا لما تقراه بتركيز شديد لأنه ممكن حرفياً يغنيك عن كتير من المشاكل اللي ممكن تقع فيها بعد التخرج
مع تزايد أعداد خريجي هندسة أصبح حديثي التخرج من الشباب وللأسف الشديد فريسة سهلة المنال للكثيرين من المتربصين
في المقال ده هنوضح ليكم 10 طرق انتشرت مؤخراً في النصب على المهندسين حديثي التخرج
1- أبليكيشن بفلوس
اللي بيحصل إنك بتقدم على شغل في شركة و يتحدد معاك ميعاد إنترفيو، تروح في ميعادك يطلبوا منك تملى أبليكيشن قبل ماتدخل الإنترفيو، بس الأبليكيشن ليه رسوم بسيطة 20 جنية مثلاً، تدفع الرسوم و تعمل إنترفيو و تروح، و طبعاً محدش هيكلمك لأن دي شركة وهمية مأجره مقر مؤقت و بتستغل بطالة الشباب في جني الملايين من خلال رسوم الأبليكيشن.
2- مقابلة باللاب توب + مبلغ مالي
هتجيلك مكالمة جميلة إنك قبلت في شركة بعرض خيالي وراتب كبير و كل الظروف اللي بتحلم بيها، و مطلوب منك في أسرع وقت تروح مقابلة و معاك اللاب توب بتاعك و مبلغ معين عشان هتخلص شوية إجراءات خاصة بالتعيين أو السفر زي الكشف الطبي و خلافه، حضرتك تروح المقابلة يقابلك مندوب من الشركة ياخدك تعمل الكشف الطبي في إحدى المراكز الطبية و تضطر تسيب معاه شنطة اللاب توب بتاعتك.. تخرج ماتلاقيهوش و تتصل بيه الموبايل غير متاح.
3- سماسرة السفريات
باختصار.. إن حد يقنعك إنك تدفع مبلغ مالي عشان يسفرك، في أغلب الحالات هتدفع مبلغ كبير يتراوح من 50 ألف إلى 150 ألف على فرصة سفر ممكن تكون وهمية، و كتير من اللي سافروا بالطريقة دي اكتشفوا بعد السفر إنهم اتنصب عليهم.
4- شغل قبل الشغل
شركة تكلمك تروح تعمل مقابلة، يسلمك لوحات مبنى و يطلب منك إنك تعمل تصميم أو حصر كميات للبنود أو أي Task تانية خلال أسبوع مثلاً و تسلم شغلك، و بناءاً عليه هيتم تقييمك، طبعاً إنت بتجتهد قدر استطاعتك و تسهر ليل نهار عشان تخلص الـ Task اللي طلبوها منك و في اعتقادك إن هيتم تقييمك عليها، ولكن للأسف دي مجرد اشتغاله وانت في كل الأحوال مش هتقبل وانت كدة عملتلهم شغل ببلاش و هيشوفوا غيرك كل مايتزنقوا في شغلانه.
5- فترة تدريب بدون مقابل
عملت إنترفيو و قبلت في الشغل و لكن بلغوك إنك تشتغل معاهم فترة إختبار تتراوح مابين شهرين إلى 3 شهور بدون مقابل، عشان يقدروا يقيموا مستواك و يقنعوك إنك في الفترة دي إنت بتتعلم و الشركة مش بتستفيد منك، وبعد الـ3 شهور كل اللي بتتمناه هيتحقق، طبعاً دي من ضمن طرق النصب و بعد الـ3 شهور هيمشوك ويجيبوا غيرك يعملوا معاه نفس الحركة وهكذا.
6- ابعتلنا ورقك
إن شركة تطلب منك إنك تسلمها مسوغات التعيين الخاصة بيك (شهاداتك و صورة بطاقتك و كارنية النقابة… إلخ) قبل مايتعمل لك إنترفيو أو قبل ماتتقبل في الشركة أصلاً، وده مش صح.. المفروض إن الأوراق الخاصة بتعيينك بالشركة بتقدمها فعلاً و لكن بعد الإنترفيو و بعد مايتم قبولك و تتفقوا على كل التفاصيل و في مرحلة التعاقد.
7- التوقيع على شرط جزائي
بعد مايتم قبولك في الإنترفيو.. و عند توقيع العقد مع الشركة تكتشف وجود بند في العقد عبارة عن شرط جزائي يمنعك من إنك تسيب الشغل قبل فترة محددة ولتكن سنتين مثلاً، و يكون في شرط جزائي مبلغ مالي كبير في حالة إخلالك بالبند.
8- التوقيع على إستقالة مسبقة
عند توقيعك لعقد العمل موظف الـ HR يطلب منك توقع على إستقالة بدون تاريخ، ولو حاولت تستفسر منه عن السبب هيقنعك إن ده مجرد إجراء روتيني بيتم إتخاذه مع كل الموظفين الجدد و إن ده نظام الشركة، وفي الغالب إنت هتوقع.
الموضوع ببساطة إن بعض الشركات بتعمل كدة عشان تقدر تفصل الموظف في أي وقت بدون مايطالب بحقوقه.. لأن حقوق الموظف بتختلف على حسب هو المستقيل من الشركة أم الشركة هي اللي استغنت عنه.
9- التوقيع على إستمارة 6
أثناء توقيع العقد موظف الـ HR يطلب منك توقع على إستمارة خاصة بالتأمينات اسمها س 6 ، وانت في الغالب هتوقع لأنك مش هتكون عارف دي عبارة عن إيه، إستمارة س 6 هي الإستمارة الخاصة بفصل الموظف من التأمينات، بعض الشركات بتطلب من الموظفين الجدد إنهم يوقعوا على إستمارة 6 بالإضاافة للتوقيع على استقاله مسبقه، بحيث إن الشركة تقدر تستغنى عن الموظف في أي وقت بدون مايعمل شوشرة أو يطالب بأي حقوق ليه.
10- مقاول يأمن عليك
إن مقاول يطلب منك صورة بطاقتك و صورة كارنية النقابة بدون ماتكون شغال معاه عشان يأمن عليك و يقدر يشيل شغل باسمك أو يسجل نفسه في إتحاد مقاولي التشييد و البناء، وفي المقابل هيدفعلك مبلغ مالي و هيقنعك إن ده إجراء روتيني مؤقت مش هيضرك في شيء أو إنه هيفصلك من التأكينات بعدها لو عاوز.
الخلاصة:
لو شايف إن البوست ممكن يوعي غيرك من المهندسين ماتنساش تعمل SHARE لصديقك المهندس والخريج
5- فترة تدريب بدون مقابل
عملت إنترفيو و قبلت في الشغل و لكن بلغوك إنك تشتغل معاهم فترة إختبار تتراوح مابين شهرين إلى 3 شهور بدون مقابل، عشان يقدروا يقيموا مستواك و يقنعوك إنك في الفترة دي إنت بتتعلم و الشركة مش بتستفيد منك، وبعد الـ3 شهور كل اللي بتتمناه هيتحقق، طبعاً دي من ضمن طرق النصب و بعد الـ3 شهور هيمشوك ويجيبوا غيرك يعملوا معاه نفس الحركة وهكذا.
6- ابعتلنا ورقك
إن شركة تطلب منك إنك تسلمها مسوغات التعيين الخاصة بيك (شهاداتك و صورة بطاقتك و كارنية النقابة… إلخ) قبل مايتعمل لك إنترفيو أو قبل ماتتقبل في الشركة أصلاً، وده مش صح.. المفروض إن الأوراق الخاصة بتعيينك بالشركة بتقدمها فعلاً و لكن بعد الإنترفيو و بعد مايتم قبولك و تتفقوا على كل التفاصيل و في مرحلة التعاقد.
7- التوقيع على شرط جزائي
بعد مايتم قبولك في الإنترفيو.. و عند توقيع العقد مع الشركة تكتشف وجود بند في العقد عبارة عن شرط جزائي يمنعك من إنك تسيب الشغل قبل فترة محددة ولتكن سنتين مثلاً، و يكون في شرط جزائي مبلغ مالي كبير في حالة إخلالك بالبند.
8- التوقيع على إستقالة مسبقة
عند توقيعك لعقد العمل موظف الـ HR يطلب منك توقع على إستقالة بدون تاريخ، ولو حاولت تستفسر منه عن السبب هيقنعك إن ده مجرد إجراء روتيني بيتم إتخاذه مع كل الموظفين الجدد و إن ده نظام الشركة، وفي الغالب إنت هتوقع.
الموضوع ببساطة إن بعض الشركات بتعمل كدة عشان تقدر تفصل الموظف في أي وقت بدون مايطالب بحقوقه.. لأن حقوق الموظف بتختلف على حسب هو المستقيل من الشركة أم الشركة هي اللي استغنت عنه.
9- التوقيع على إستمارة 6
أثناء توقيع العقد موظف الـ HR يطلب منك توقع على إستمارة خاصة بالتأمينات اسمها س 6 ، وانت في الغالب هتوقع لأنك مش هتكون عارف دي عبارة عن إيه، إستمارة س 6 هي الإستمارة الخاصة بفصل الموظف من التأمينات، بعض الشركات بتطلب من الموظفين الجدد إنهم يوقعوا على إستمارة 6 بالإضاافة للتوقيع على استقاله مسبقه، بحيث إن الشركة تقدر تستغنى عن الموظف في أي وقت بدون مايعمل شوشرة أو يطالب بأي حقوق ليه.
10- مقاول يأمن عليك
إن مقاول يطلب منك صورة بطاقتك و صورة كارنية النقابة بدون ماتكون شغال معاه عشان يأمن عليك و يقدر يشيل شغل باسمك أو يسجل نفسه في إتحاد مقاولي التشييد و البناء، وفي المقابل هيدفعلك مبلغ مالي و هيقنعك إن ده إجراء روتيني مؤقت مش هيضرك في شيء أو إنه هيفصلك من التأكينات بعدها لو عاوز.
الخلاصة:
- ماتدفعش أي فلوس عشان تملى أبليكيشن بأي شركة.
- ماتروحش أي مقابلات باللاب توب بتاعك.
- ماتدفعش أي مبالغ مالية لحد عشان يشغلك أو يسفرك.
- ماتعملش شغل لأي شركة إلا بعد تعيينك رسمياً.
- ماتوافقش تشتغل بدون مقابل.
- ماتسلمش أوراقك لأي شركة إلا بعد قبولك بالوظيفة.
- ماتوقعش على أي شرط جزائي.
- ماتوقعش على إستقالة مسبقة.
- ماتوقعش على إستمارة 6 وقت التعيين.
- ماتوافقش إن مقاول يأمن عليك إلا لو انت بالفعل شغال معاه.
لو شايف إن البوست ممكن يوعي غيرك من المهندسين ماتنساش تعمل SHARE لصديقك المهندس والخريج