الكورسات اللازمة لمهندس كهرباء باور سواء هتشتغل مقاولات او في مصانع

 الكورسات اللازمة لمهندس كهرباء باور، الكورسات التي تؤهل طلبة هندسة كهرباء باور لسوق العمل تختلف، في البداية فيه مجالات كتير لازم تحدد انت ناوي تكمل في اي مجال هتكمل مجال مقاولات ولا هتشتغل في المصانع ولا هتكمل كنترول ولا هتشتغل في المكاتب الاستشارية او في محطات التوليد والانتاج او الطاقة المتجددة

واكثر مجالين بيشتغل فيهم مهندسين كهرباء بعد التخرج هما المقاولات والمصانع، ولازم قبل ما تخرج من الكلية تكون مؤهل بالكورسات انك تشتغل في اي مجال فيهم بالكورسات الازمة والتدريبات العملية الكافية وهي كالاتي:

كورس Distribution

من اهم كورسات هندسة كهربائية لاي طالب كهرباء سواء هيتخصص مقاولات او هيشتغل في اي حاجة تانية، الكورس ده بيفتح الطريق لطالب هندسة انه يفهم المجال كويس جدا،وسواء هتاخد الكورس في الكلية او بعد التخرج ، فنصيحة شوف اكتر من كورس علي اليوتيوب ، الكورسات دي هتفتحلك الطريق وتعرفك يعني ايه ديستربيوشن او يعني ايه كنترول قبل اي كورس خارجي.

خلال كورس الديستربيوشن انت بتتعلم اساسيات كهربائية مهمة جدا ، وهتعرف خلاله ازاي تصمم مستشفي او مبني اداري او جامعة او مدرسة كهربائيا  ، مهما كان المشروع فأنت بعد كورس الديستربيوشن ستستطيع  تصميم انظمة الاضاءة  light system الداخلية والخارجية وانظمة الباور power system والHVAC  وانظمة الحريق fire system  و ستحسب احمال المشروع بالكامل وستستخدم برامج زي الاتوكاد و الدايكلس والريلكس والايتاب علشان تعمل الحجات دي

برنامج Autocad

لازم تاخد كورس اوتوكاد ومينفعش تكون بتدرس ديستربيوشن الا لو عندك خلفية على برنامج الكاد، ولازم تكون بتعرف تعمل shop drawing علي برنامج الكاد ، وسواء هتشتغل استشاري او في مكتب تصميم فبرنامج الكاد مهم جدا

برنامج الاتوكاد من اهميته في الهندسة انه بيستخدم في مجالات كتير يعني بيستخدم في كهربا وميكانيكا ومدني والمعماري وغيره

هتكون محتاج تعرف مع الكاد برامج كهربية اخري مثل relux او برنامج dialux او برنامج etab 

كورس Classic Control

مفيش مصنع يخلو من الكنترول ، هتعرف خلاله يعني ايه كونتاكتور ويعني ايه ريلي والمفاتيح والتايمر والموتور  وهتعمل مشاريع بيه زي مثلا دايرة الاسنسيراو تشغيل وايقاف ماتور وتطبيقات اخري كتير

هتشتغل في مصنع هتلاقي كنترول ، هتشتغل في محطة مياه او المقاولات او سكة حديد او مترو او في مجال الطيران اي شئ هتشتغل فيه هتلاقي فيه دوائر كنترول متقدمة او بسيطة وعلشان تبدا في مشاريع الكنترول الكبيرة فلازم تتأسس في الكلاسيك كنترول في الاول ، ونفس المشاريع دي في بداية تعلمك للplc هترجع تعملهم بيها تاني .


 وبعد ما هتخلص الكلاسيك كنترول هتتعلم الكورس التالي.

كورس PLC

الplc بيمكنك انك تعمل كل مشاريع الكلاسيك كنترول بجهاز واحد بعيدا عن التعقيدات لو استخدمنا الكلاسيك ,وبسبب طبيعة البيئة الصناعية فاغلب المصانع شغالة بالplc وعدد صغير بالميكروكنترولر ومصانع اخري كمصانع السيارات تشتغل بالاردوينو لتشغيل مكينات الCNC او غيرها

كورس scada

هتاخد الكورس بعد ما تخلص الplc ،وانت كطالب في اولي او تانية ممكن تبدا في كورسات كلاسيك كنترول او ميكروكنترولر او او ديستربيوشن او light current

دي الكورسات الاساسية الي المفروض يكون اي مهندس كهربا عنده درايه بيها حتي لو مش هيتخصص كنترول او ديستربيوشن ويوجد تخصصات اخري زي ال protection و ال substation و الطاقة المتجددة 

اقرأ ايضا:

• هل الهندسة الكهربائية صعبة كما يقولون ؟(سنة اولي كهرباء) - بريمو هندسة
• نبذه عن تخصص الهندسة الكهربائية واقسامه ولماذا تختار هندسة كهربائية
• ما هو قسم قوى وآلالات كهربائية
• الفرص الوظيفية لمهندس قوي والالات كهربائية
• نصائح لطلاب هندسة كهربائية فرقة اولي - بدايتك مع كورسات كهرباء باور

تعديل المقال