مهم لكل المقبلين علي دراسة كلية الهندسة ( نصائح اعدادى هندسه) لو رجع بيا الزمن كنت طبقتها بالحرف

نصائح اعدادى هندسه بريمو هندسة نصائح لدفعة اعدادى هندسة
نصائح اعدادي هندسة


نصائح اعدادى هندسه،لو طلب منك كمهندس ان توجه جملة واحدة للمقبلين علي دراسة كلية الهندسة ،فما هي الجملة التي ستقولها لهم؟

نصائح اعدادى هندسه 

شويه كلام من واقع خبرتي مهم لاي طالب مقبل على دراسة الهندسة او لسه بيدرس الهندسة، بعد  الكلام هيكون قاسي بس ده الواقع فعليا وممكن تتعرض لكل الكلام الي هذكره في الممقال او غيره من المقالات المتواجدة علي وقع بريمو هندسة

1- صاحب الناس الرجالة والمحترمة والي زيك ومتشغلش نفسك بأي حد تانى ، هتقابل أشكال وألوان ، مينفعش تصاحب اي حد علشان متنصدمش بعد اول مطب

2- خلي عندك مبدأ وكرامتك فوق اي حاجة

3- طالما مخطط لنفسك صح ومحدد عاوز ايه وتدخل قسم ايه فمتسمعش كلام ابوك ولا امك ولا اي حدد هيضرك ومتحولش تراضيهم علي حسابك لو هما مش عارفين اي حاجة عن هندسة وواخدين كل كلامهم من الناس الي بردوا مش عارفه حاجة عن باقي الاقسام

4- لو هتسكن فسكن مع الناس الي زيك ، ومتجبرش نفسك انك تستحمل ناس انت مش طايقه ولا هما مراعين الي معاهم في الشقه ومتسكنش مع الي بيقلبوا الشقه كباريه و فاتحينها فندق لاي حد لو انت ممانع ده

5- الكورسات تكون في الوقت الفاضي وفي الإجازات ، لو معاك فلوس وفيه امكانية ووقت - ومتنساش مذاكرتك علي حساب الكورسات ، مزاكرة الكلية رقم 1

6- وقت متحتاج مساعدة روح لمعيد او دكتور ومتتكسفش ومتاجلش الموضوع ولا تعمل منه حاجه كبيره ، الاغلب بيرحب

7- لو حصلت مشكلة بينك وبين دكتور او معيد وهما اصلا رخمين وانت الي مظلوم ، ومش عارف تجيب حقك ولا عارف تعمل ايه ، لتشوف معيد او حد وتشرحله الموضوع ويحاول يحلها لتحتسبه عند ربنا ، واخرج الموضوع من دماغك وركز في مزاكرتك ، هدمر نفسيتك علي الفاضي وانت الي هتخسر وعن تجربه

8- لو حسيت انك ضايع في الاول فده طبيعي ، وحاول تلم نفسك ، واللي مش طبيعي انك تفضل سايب نفسك ومكبر الهندسة ومتزاكرش - عادي يعني لو شلت اول ميدترم ، ظبط نفسك للي بعده وهتجيب تقدير وهتبقي تمام

9- الانشطة الطلابية اغلبها كويسه - بس اختار الي يفيدك في تخصصك او يفيدك بمهارات ومتختارش اي حاجة وخلاص ، IEEE كويسه جدا لطلاب هندسة كهربائية باور او اتصالات لو عندك في الكلية او المعهد

10- كله بيعدي واستمتع وخلي عندك شوية ثقه بالنفس ، فالثقة بالنفس اهم متطلبات اعدادى هندسة

11- بلاش فيس كتيير اول ما تخش الكلية بيدمر فعليا

12- اليوتيوب فيه كل الي نفسك فيه لشروحات مواد هندسة كهرباء

13- اهتم بمادة الرسم الهندسي والاستاتيكا وافتح ليهم كورسات علي اليوتيوب قبل ما تدخل هندسة

14- حاول تاخد كورس icdl أونلاين او في اي مكان مخصص قبل ما تدخل هندسة هيساعدك لو انت مبتستخدمش برامج الورد والاكسيل والبوبوينت قبل كده

15- واخر نصائح لدفعة اعدادى هندسة ، وهي  اختار القسم الي تلاقي نفسك وتتفوق فيه ،ومتشغلش دماغك باني مدني افضل علشان الشغل والكلام الاهبل ده ، كل قسم في هندسة في اتجاه وفيه شغل والي بيتعب بيلاقي







حجم الخط
+
16
-
تباعد السطور
+
2
-