تاريخ التليفون فى مصر وكيفية عمل التليفون الارضي القرص القديم "التليفون الاثري"

جميع انواع التليفونات القديمة للقرن العشرين

تاريخ التليفون فى مصر

فاكرين التليفون الأرضى زمان كان عامل ازاى ؟! مكانش بزراير زى ما موجود دلوقتى صح كده ، كان بدسك مدوّر زى الى فى الصورة ده وكان ليه متعة خاصة لجيل التسعينات لما كنا نستخدمه واحنا أطفال والتليفون القرصي ترجع بداياته لجيل الستينات وكان ملقب ايضا بتليفون العمدة وكان متوفر ايضا تليفون سيمنز واريكسون  والتليفون الياباني النحاسي والتليفون الفرنسي ، الغريب بقي ليه التليفون القرصي كان مشهور جدا لجيل الستينات و السبعينات و الثمانينات ، وحتي يومنا هذا مازالت التليفون القرصي يعمل بحالة ممتازة بدون اي عطل منذ اكثر من 50 عاما.؟! بيرجع السبب ان شركة التليفون كانت بتقدم التليفون ده مع اي اشتراك تليفون يعني مكنش فيه بيت في مصر ميعرفهوش، وقد تم اصدار اقدم تليفون في مصر عام 1908 وهو اول منتجات شركة "اريكسون" وكان يعمل بال"منفلة" وفي هذا الوقت كان متاح 3 ارقام فقط.

كيفية عمل التليفون الارضي القرص القديم

يلا بينا نشوف ونتعرف علي تلفونات زمان (القرص او المنفلة ) وكيفية عملها : التليفون بتاع القرن العشرين اللى كان بيشتغل بالدسك ده كان عشان تطلب رقم بتحط صباعك على الرقم وتقوم ساحب الدسك ملففه وشايل ايدك فيرجع تانى مكانه ويعمل صوت " تكتكة " كده

وعدد التكتكات اللى كانت بتسمعها كانت بتساوى الرقم اللى انت كنت حاطط صباعك عليه يعنى لو فرضا انت عايز تطلب رقم تلاتة فانت هتسحب رقم تلاتة وتلف الدسك وتشيل ايديك وبعدين وهو راجع تسمع تك تك تك .. ولو أربعة هتسمع تك تك تك تك وهكذا .. فاهمين الفكرة ازاى !!

اللى بيحصل بقى ان انت لما بترفع سماعة التليفون ده انت كده اتوصلت بالسنترال الأقرب ليك وكلمة " بتتوصل " معناها انه بيبقى فى كهربا جاية من السنترال ماشية فى السلك لحد التليفون اللى فى ايدك حلو الكلام ، انت بقى لما بتطلب الرقم كل تكة بيعملها الدسك وهو راجع بيعمل قطع فى الكهربا ديه اكنك عندك خرطوم بيطلع مية وانت كل شوية تحط صباعك على فتحة الخرطوم وتسده وتشيل صباعك وبعدين تحطه تانى وهكذا ..

القطع فى الكهربا ده عبارة عن نبضة كهربية بتحصل فى الكهربا اللى جاية من السنترال فهو بيحس بيها ويعد كام قطع فى الكهربا حصل وعلى أساس كده يترجم ده للرقم اللى انت طالبه .. طيب لو انت عايز تطلب رقم صفر هتقولى صفر يعنى المفروض مفيش ولا قطع فى الكهربا يحصل

لا ما كده يبقى معملناش حاجة والسنترال هيفرق ازاى بين وجود الكهربا الطبيعى فى السلك اللى بينه وبينك وبين حالة انك عايز تطلب رقم زيرو !! فرقم زيرو بقى بيعمل عشر نبضات عشان فى تسع أرقام قبليه

استعراض للهواتف القديمة من عشرينات القرن الماضي الي بداية القرن الواحد والعشرين

  اول تليفون فيه خط GSM كان عام 1980 ، خلال الفيديو هنستعرض مراحل تتطور الهاتف الثابت القديم منذ عام 1910 مرورا حتي 2013 ، ملاحظين اختلافا في الاحجام والاشكال والالوان لكل عقد يمر علي الهاتف الارضي ، هذه اللقطات هي لاقدم الهواتف في تاريخ البشرية والاتصالات، وكان اغربها الهاتف ذو الشريط لعام 1940 ، ومنذ الخمسينات بدا الهاتف ياخذ شكلا جديدا وبالوانه مختلفة مع صغر حجم القرص عاما بعد عام ، حتي جائت الثمانينات وظهر الهاتف المحمول المتحرك ، وكانت شركة نوكيا رائدة في هذا التطور والاختراع وليها الفضل ان اي شخص يحمل معه الهاتف لاي مكان ، في البداية كان بحجم شنطة يستطيع شراءه الاثرياء فقط ، ثم جائت التسعينات وحصلت ثورة في الهواتف المحمولة واستخدمت الهواتف في كل مكان. والجميل ان هذه التليفونات ما زالت متوفرة حتي يومنا هذه ويستخدمها الجميع بكسرة بالرغم من مرور اكثر من 20 عاما علي اصدارها ، ولكن يفضلها الجميع لعدم نفاذ بطاريتها فقد تستمر لاسبوع او لمتانتها وصغر حجمها.

كيفية عمل التليفون الارضي الحديث

أما التليفون بتاع دلوقتى فعبارة عن شوية زراير وكل زرار عليه رقم بتدوس عليه من غير بقى لا تكتكة ولا نونوة ولا هوهوة

كل اللى بيحصل يا أصدقاء العلم والمعرفة ، إن كل زرار لما بتدوس عليه بيبعت إشارة كهربية بتردد معين للسنترال وهو بيبقى فاهم كل تردد بيناظر رقم ايه بكل بساطة شفتى الدنيا بقت اسهل بكتير ازاى 🤝 بس كده ده باختصار كده ازاى الرقم بيتطلب

تلفون قديم فيما تعرف حاليا "بالتليفونات الانتيكة"

وحاليا اصبح اقتناء احد هذه التليفونات القديمة كنز لا يعود بثمن، فعلي الكثير من مواقع التسوق الاونلاين تعرض هذه التليفونات كانتيكات وتحف وتقدر بالالاف الجنيهات للاجانب ومن يبحثون عن التحف ، واصبح المئات من المصريين لا يهتم ان كانت تحف ام لا فيعرضونها للبيع بسعر من 300جنيها مصريا حتي الف جنيه علي حسب النوع للتليفون ، وهناك فئة اخري تبحث عن تليفون قرص قديم للبيع وبعد شرائهم لها باسعار قليلة يقومون بعرضها في بازارات ومواقع اونلاين اجنبية بملايين الجنيهات للاجانب ، علي هذه المواقع يعرض الجنيه المصري بعشرون دولارا كانه تذكار وتعويذة حظ من الفراعنة للاجانب ويشترونها ، فما بالك بهذه التليفونات الانتيكية والاثرية ، لا اجد الا ان انصحك بعدم بيع التليفون القديمة اقل شي سبها تذكار لاحفادك وعلي ايامهم هتساوي ملايين ، كما يباع حاليا ملاليم علي انور السادات بالوفات علي سوق وجوميا وامازون

علاقة التليفون الارضي القرص القديم  باحتفال جوجل

بما إن جوجل انهارده بتحتفل بمرور 30 سنة على إنشاء الشبكة العنكبوتية World Wide Web اللى كلنا بنكتبها لما نيجى نحط أى عنوان موقع زى مثلاً www.google.com.eg وده أحد اختراعات القرن العشرين فقررت إن المقال ده هو كمان يتناول اختراع يعود للقرن العشرين

إقرأ ايضا من بريمو هندسة:

• "الشبكة العنكبوتية العالمية" تفاصيل مذهلة عن مالكها واحتفال جوجل بمرور 30 عام علي انشاء شبكة الويب و كيف تم إنشائها؟
• كيف تعرف ماهي لغة برمجة الموقع الي تزوره على الانترنت والتقنيات المستخدمة في بناءه(builtwith.com)
• حل مشكلة بعض المواقع لا تعمل بالرغم من وجود اتصالات بالانترنت علي روتر تي داتا - وي -اتصالات-تب لينك (this site can not be reached
• اسعار السيارات الجديدة فى مصر 2019 ( نيسان صني ب170 الف و بورش ماكان ب2 مليون جنية )
• اسعار السيارات الهيونداي بمصر 2019 ومواصفات جميع السيارات - HYUNDAI CARS prices in Egypt
• انخفاض اسعار السيارات بعد حملة خليها تصدي وخوف التجار من استمرارها
• أسعار الميكروباص الياباني في مصر- سعر ميكروباص تويوتا سقف عالي
• افضل انواع السيارات الصينية فى مصر 2019 ومميزاتها المذهلة واسعارها المناسبة لكل مصري

تعديل المقال