بقالي سنتين بفكر اعمل كارنيه مكتبة السفارة الامريكية بس فيه كام حاجه منعاني ومخلياني مكسل واصرف نظر عن الموضوع منها البوستات الي مكتوبه علي السوشيل ميديا والي بتعمل رهبه في الدخول وعن التفتيش الصارم وطلع الموضوع عادي وكله امر روتيني في اي مؤسسة مهمه لابد منه وده لسلامتي وسلامة المكان وايضا الناس الي بتتكلم عن مكتبة السفارة الامريكية علي انها مكان للترفيه المجاني وفيه العاب وشاشات افلام ونت صاروخ تعمل الي انت عاوزه عليه خلاني افتكر اني مقدرش استفيد من مكتبه السفارة الامريكية بشئ وانها مجرد مكان للعب ،
 |
| غلاف الصورة حيث ينتظر زوار المكتبة دورهم للدخول - والصورة الصغير لكورس المحادثة الاسبوعي |
او كورسات المحادثه الي بتتعمل كل يوم اربع ولم يتم التركيز علي المميزات والبرامج والدبلومات المتنوعه الي تقدر تستمتع بيها هناك ، بصراحة انا ندمان اني معملتش كارنيه مكتبة السفارة الامريكية من سنه او الاجازة الي فاتت علي الاقل بعد ما شفت البرامج الي راحت عليا وكنت هتفيدني في دراستي جدا.
هتكلم في المقال بشكل شامل عن كيفيه الاشتراك بمكتبه السفارة الامريكية وايه الخدمات الي ممكن تفيدني هناك، وايه قواعد السفارة الأمريكية الي اتجنبها بقدر ما استطيع سواء عند دخول السفارة او التواجد داخلها! واهم الدورات والبرامج والدبلومات لشهر اكتوبر 2018 الي بتغطي موضوعات في كافه المواضيع ومنها السفر والدراسة بالخارج والمنح والشروط المطلوبة للدراسة بأمريكا وايضا فيه علماء ومهندسيين من ناسا هتيجي شهر اكتوبر 2018 هتتحدث عن كيفيه العمل في ناسا وحجات تانيه كتيير
ايه السبب الي خلاني اروح السفارة الامريكية وافكر في عمل كارنيه المكتبة؟
الحصول علي المنح والدراسة في الولايات المتحدة الامريكية وبرامج التبادل الثقافي - وزيارة علماء ومهندسين من ناسا يومي 23-10-2018 و24-10-2018 وايضا
وبرضو وجود المنها بصراحة اني ندمان اني معملتش كارنيه مكتبة السفارة الامريكية من تجربة فريدة لا بأس بها اولا انا خرجت من بنها ثم الي مترو شبرا الخيمة حتي مترو السادات ، خرجت من المترو ومعرفش السفارة فين ولا ايه طريقها ، بس اول ما خرجت من محطة السادات سألت اي عسكري مرور او اي امين شرطة يقابلني علي مكان السفارة الامريكية ، بالضبط 10 دقائق مشي من محطة امترو السادات ، مشيت علي كورنيش النيل وفي الداخلة المؤدية الي السفارة وفي مدخل جاردن سيتي في عساكر سألت امين الشرطة هيا السفارة الامريكية من فين ، رد عليا وقال داخل تعمل ايه ؟
سيتم استكمال المقال قريبا ------------
تجربتي مع حجز كارنيه مكتبة السفارة الامريكية(المركز الثقافي الامريكي) - بريمو هندسة