القائمة الرئيسية

الصفحات

مهم جدا لطلبة هندسة مدني كلية الهندسة الي ليها واللي عليها واهمية مواد الكلية

طلاب الهندسة المدنية نصائح ودورات ومواد

كلية الهندسة....الي ليها واللي عليها

في مهندسين كتير بيجلها احباط لما تتخرج وتلاقي فجوة كبيره بين الدراسه والشغل وحاجات كتير مش عارفينها وبيجيلهم احساس ان الي درسوه ملوش لازمه وده واصل لطلبه كتير بردو وبيكون نتيجتها انه بيزاكر علشان ينجح وخلاص مش عشان يستفيد وده بيخلي معلوماتهم مش ثابتة معاهم






اكيد في تقصير في المواد الدراسية بالنسبه للتنفيذ اللي بيشتغل فيه ولازم يشتغل فيه معظم المهندسين والي فاكره اننا درسنا ماده انشاء مباني او Construction في اولي مدني (زاكرته بعد ما اتخرجت علي فكره) والمفروض يكون في اكثر من ماده وخصوصا للسنوات النهائية .كمان كان في تدريب صيفي كان المطلوب فيه ورق من اي شركة وخلاص وخدنا شويه ورق في البدايات بردو وعشان كده شايف ان  الاهتمام بالتوصيات دي يعتبر افضل معلومات هندسية مدنية

افضل معلومات هندسية مدنية


شويه ورش في البدايات بردو وعشان كده شايف ان لازم الاهتمام بالتوصيات دي
  • زيادة مواد التنفيذ خصوصا للسنوات النهائيه(السنة الثالثة والرابعة)
  • الاهتمام بالتدريب الصيفي وضروره ادماج نتيجته في المجموع والتقدير
  • عمل بروتوكولات بين الجامعات والشركات الكبري والمكاتب الاستشاريه للتنسيق بخصوص التدريب الصيفي للطلاب وتفعيل الدور المجتمعي للشركات والمكاتب والدور العملي للجماعات
  • اي توصيات اضافية مرحب بها لافادة الجميع
وكمهندس في مدني او ميكانيكا او كهربا  لازم تعرف الدورات المطلوبة للمهندس المدني وكل اجازة صيف تقوي نفسك في الدورات دي في بعض الجامعات والكليات الهندسية التدريب فيها اجباري زي اقسام هندسة الشروق ومنها مدني الشروق بيكون كل سنه تدريب داخلي وتدريب خارجي


لكن بختلف تماما مع اللي شايف ان الي درسناه في كلية الهندسة وخصوصا الهندسة المدنية ملوش لازمة في شغل التنفيذ او المهندسين اللي بتقول انهم عرفوا الشغل باجتهادهم وبس .......الدراسة هي الاساس الي بتشتغل عليه بعد كده وممكن اقول ان الكليه بتخرجك باحث يقدر بسهوله يجمع المعلومات الي محتاجها ويقدر يطور نفسه ويشتغل علي كده وهتلاقي اول ما تتخرج ان في مشرفين وصنايعيه عارفين اكثر منك بكثير وتحس ان انت ضايع بس

اللي لازم تعرفوا انك هتتعلم في شهور اللي اتعلموه في سنين بسبب دراستك وخليك متأكد ان مستقبل الهندسة المدنية في مصر مشرق وافضل من دول كتير وهذا ما وجدته مع دراسي الهندسة المدنية في السعودية والكويت والامارات مصر مهندسينها بارزين تفوقهم في كل دول العالم ومفيش حاجه اسمها افضل تخصص هندسة مدنية انت الي بتعمل لنفسك قيمة في اي تخصص بناءا علي شغفك وحبك للمجال






أهمية دراسة الكلية لمهندسين مدني

  • الكلية علمتنا نفكر ازاي ودي اهم حاجه هتتعلمها في حياتك (مش في شغلك وبس) ودي لوحدها كفايه لان هندسة علمتنا نعمل analysis ونشتغل علي worst case وعلمتك ازاي ترتب تفكيرك وان الهندسه بتقول ان 1+1=2
  • الكلية علمتك الرسم اهم لغة في الدراسه وفي التنفيذ واللي تخليك تفهم المشروع عايز ايه وتخليك تترجم تعليماتك للناس اللي معاك بالرسم عشان هيه اللغة الوحيده اللي مفيهاش تفسيرات او ممكن تتفهم اكثر من حاجه ولازم تكون طريقتك لتوضيح المعلومة للمهندسين والمشرفين والصنايعيه اللي معاك في الشغل
  • الكليه علمتك الاداره وشغلك في التنفيذ اكثر من 80% منه اداره حتي لو لسه متخرج ومعاك 2 صايعيه و2عمال لانك تجهز وترتب شغلك وتدور اللي معاك علشان ينفذوا تفكيرك وترتب لشغلك وتكون proactive حتي لو غلطت في الاول بس هتتعلم بسرعه بعد كده لانك درست الهندسة وبتطبقها من غير ما تعرف ان اساسها الدراسه مش اجتهادك 
  • الخرسانة وال Structure  ادتك السينس لنظام المنشأ الي بيعرفك ايه اللي يتحمل علي ايه ووقفات ووصلات الحديد واماكن الاضافي اللي مش هتعرفها من غير دراسه 
  • الاساسات عرفتك حديد القواعد المنفصله والمشتركه والشدادات والخوازيق والشريطيه وال...
  • الٍ Soil علمتك ازاي تقرا توصيات تقرير التربه وانواع التربه وطرق استكشافها والتعامل مع مشاكلها 
  • الHydraulic والري هتعرف قيمتهم لما تشتغل مدارات او قناطر او محطات الرفع وكل الترع والمصارف والمنشآت المائيه
  • الصحيه عرفتك التغذيه والصرف وحجم الاستهلاك وطرق الصرف المختلفة
  • الماتريل عرفتك مكونات الخرسانه وتختارهم ازاي وازاي تزود مقاومة الخرسانه والاختبارات المطلوبة للخرسانة ولكل مكوناتها وضبط الجوده وتأكيدها 
  • الكليه علمتك ليه الحاجه بتتعمل كده وده الفرق بين الحافظ والفاهم 
  • ده ملخص دراستك لمواد الهندسه المدنيه من الالف الى الياء
صحيح المناهج محتاجه تطوير بس فعلا لما حبيت ابقي مهندس كويس دورت عندي في كل ورق الكليه والكتب الموجودة وذاكرتها بعد الدراسة وفرقت معايا بشكل كبير لان كل معلومه بتقرها بتقويك وتنقلك وتوقفك علي رجلك اكثر Knowledge is power

اقرأ ايضا

تعليقات