القائمة الرئيسية

الصفحات

تجربتي السيئة مع شركة وي المصرية للاتصالات والانترنت-شركة وي نصبت عليا



شركة وي المصرية للنت والاتصالات نصابة بكل المقاييس بداية من موظف السنترال حتي خدمة العملاء مرورا بالدعم الفني والتركيبات وقسم التسويق والمبيعات , اما اشترك اكتر من مرة في شركات الاتصالات وفي كل مرة يتم النصب علي وخداعي لايام طويلة بدون خدمة ومعرفش اعمل شغلي واخسر فيما لايقل عن الف جنيه علشان الشركة تعملي تعويض ب20 جنيه علي اقصي تقدير انا لو قررت اسيب مصر فهيكون من ضمن الاسباب ان فيه احتكار خدمة الانترنت بدون خدمات


هيئة الاتصالات وتقنية المعلومات سرعة النت الحالية 340 بدل 5 ميجا
متعاقد علي سرعة 5 ميجا والسرعة الفعلية 340 كيلو واحيانا اقل





انا مشترك مع شركة وي من شهر ابريل 2018 وبكده اكون مشترك بقالي 8 شهور طول هذه المدة النت بيكون بطئ في الليل وفي كل مرة اتصل يقولوا اعمل الخطوات دي وبعدين يقولوا هنحولك لقسم كذا وفي الاخر اول ما يلقوش اجابات يقولوا فيه مشكلة في السنترال وهيتم ارسال مختص , انا بيجيلي فاتورة التليفون الارضي اكتر من الانترنت بالرغ ان الخط معمول للانترنت ولكن الاتصال ما بين خدمة العملاء دائم ولا توحج حلول







المفروض اني متعاقد علي سرعه 5 ميجا ومعايا مدي تحميل 100 جيجا واول ما اخلص الباقة (ال100جيجا ) السرعه تقل ل1 ميجا وتكون غير محدودة ,حاليا السرعه لا تصلح ان اتصفح الفيس او افتحه برغم ان الي متصل بالشبكة لابتوب وموبيل - اتصل بالشركة من خلالي رقم خدمة عملاء وي طوال الشهر يقولوا فيه مشكلة في السنترال واول ما المشكلة تتحل اتصل بيهم واعمل طلب تعويض بالمدة الي مكانش فيها خدمة







المشكلة اني اتصلت يوم 28 نوفمبر 2018 علشان اشتكي من الخدمة الموظف مش عارف يحللي المشكلة ويقولي فعلا اه فيه مشكلة متسجلة وبعدين في الاخر يقول الباقة خلصت وانا مش عارف خلصت 100 جيجا ازاي والسرعه طول الشهر عامله 1 او 2 ميجا ومش جايه السرعه كاملة وكل يوم اطفي الابتوب ومعرفش اخلص شغلي علشان النت بيكون بطئ في الليل , انا اقصي حاجة بستعملها 30 جيجا تقولي خلصت ال100 جيجا وكمان لو كانت خلصت زي ما بتقول المفروض اني علي سرعه 1 ميجا ازاي 1 ميجا مش هيفتح معايا المتصفح بالسرعه الكافيه , يقوم الموظف يقولي هو المشكلة مش من عندي ولحظة احولك للقسم المختص اتحول من قسم لقسم والسرعه كدا مش جايبة و1 ميجا .







وده مش اول شهر يحصل فيه كده وللاسف مجبور اني اكمل مع شركة وي تي دات سابقا علشان مفيش اي شركة تانيه ليها خطوط في سنترال عرب الرمل التابع لمدينة قويسنا بعد ما جربت اتعاقد مع اتصالات وللاسف منغيير اي حلول وطلع ان الموضوع احتقار من شركة وي في المنطقة , قدمت علي تليفون ارضي في بلدي قعدت اسبوعين عقبال ما يتعمل معاينة ومتعملش معاينة ذهبت للسنترال عرب الرمل وبقول انا مقدم علي تليفون ارضي ولسه مركب فالموظفات والفني يردوا ويقولوا فيه ناس بتقعد بالشهر وانت الي لسه مقدم هيتركبلك ومستعجل وقاعدين يتكلموا رضيت عليهم ايني اما كنت ساكن في الشروق التليفون بيتركب في نفس اليوم وكان الهدف من المعاينة انه يعرف مكان البيت فقط وهل قريب من كابينه ام لا , فانا قولت ان فيه بوكس في البيت علي العمارة , فالموظف مكسل يشتغل , فقولتلهم اني هروح اعمل شكوي وفعلا كنت متوجه اعمل وانا في السنترال الفني كلمهم انه اتعمل معاينه علشان معملش شكوي وبكده اكون عملت التليفون وكان اواخر شهر فبراير ومركبتش نت تي داتا من السنترال علشان انا كنت سأل وهركب اتصالات .




الفني جالي بعدها في اخر اليوم يركب التليفون وبيقولي ركبت نت ولا لسه , فقولتله لسه فبيقول اركبلك نت تي داتا فقولتله انا هركب اتصالات فبيقول مفيش الا تي داتا في السنترال







في البداية انا كنت ساكن في مدينة الشروق وفيه اهتمام شويه والناس عندها وعي ولو الخدمة اتقطعت بتليفون بالسنترال او اذهب للسنترال الصبح والفني بيكون حل كل حاجه ولكن يشاء القدر اني ارجع لبلدي واركب انترنت وعلشان انا كنت مركب اتصالات وتي داتا قبلها في الشروق قبل كده وليا تجارب مع كل شركة ولقيت ان انسب شركة فيهم هيا اتصالات والي كنت متعاقد معاها في شقة الشروق ,فانا كنت متصل بشركة اتصالات وسالتهم هل ينفع ومتاح الخدمة فقالوا ايوه وانهم لهم خطوت في السنترال وكمان اتعاقدت في التليفون وجالي مندوب بالعقد والروتر وسلمته المبلغ وصورة البطاقة المشكلة والكارثة الكبيرة الي حصلتلي مع شركة اتصالات اني قعدت شهر وازيد من شهر بالضبط 40 يوم بدون نت ولم تركب الخدمة مع اتصالات وكل اما اكلمهم يقولوا فيه مشكلة في السنترال فيه مشكلة في التركيبات في السنترال , فواحد من خدمة العملة نصحني وقلي طالما طولوا كده شوف شركة تانية احسنلك.







فرجع تاني اتعاقد مع تي داتا وفي الوقت ده بقي اسمها وي وفيه باقات ال5 ميجا اقل حاجه لسه نازله والي عاو يحول من نظامه القديم للجديد وللاسف بعد ما ناس حولوا اكتشفوا ان النظام القديم افضل , وانا من تجربتي انا كنت مع جاري تي داتا نظام قديم نص ميجا وكانت مقضيه البيتين , معرفش ايه حكاية اما اشتري خط 5 ميجا اعاني بالطريق دي ,







وروحت لسنترال بنها اقرب فرع ليا واتعاقدت ودفعت المبلغ ومخدتش العقد بتاع التعاقد ويقولي هتاخده مع الروتر اما تيجي تستلمه واما روحت استلم الروتر الموظف يقلي مفيش عقد انا نفسي افهم ازاي الشركة تضمن كل حقوقها وتمضيني علي اقرار اني لو لغيت الخدمة هدفع شرط جزائي وانا مش معايا عقد يضمن لي اي حق , اتصل بخدمة العملاء مش عارفين يعملوا ايه ويحولوني لبعض في الاقسام وفي الاخر يقولوا انت مش خدت الروتر والنتي بتاع وي شغال عندك يبقي انت معانا في الشركة للاسف اسلوب مش عارف اقول عليه ايه










شكاوي الهاتف الارضي












من اول الشهر لاخر الشهر سرقة ونصب اليوم 2-2-2018 وانا قاعد بقالي 3 ساعات ارفع في ملف pdf مساحته 70 ميجابيت وحتي الان لم يحمل الملف , انا لو هسيب مصر مش من شوية الموظف بتاع خدمة العملاء العيب مش منه بس العيب من الي ماسكين وكل همهم المكسب والفلوس ازاي الخدمة عندي كده وحتي الان لا اجد حل ومش معنا انا من كل الناس الي الشركات يكون فيها عيوب معايا وميكنش فيه خدمة







انا كل شوية اتفرج علي السرعة علي موقع fast.com واتحصر علي الخدمة الي مش محصلة 10 % من المتفق عليها من الشركة يعني بتجيلي السرعة 300 كيلو من اصل 5 ميجا (5000 كيلو) واحيانا 200 كيلو واحيانا 400 كيلو وده بيكون بالليل اما بالنهار بتوصل لي 2 و3 و4 ميجا ومبتكنش السرعة ثابته , هل الشركة بتقوم بتقليل السرعة عن المستخدمين لتقليل الحمل , انا كل همي اني اشغل الخدمة واحس زي باقي الناس اني بستخدم نت مش بيتنصب عليا واخر الشهر يبعتوا رسائل تزديد الفاتورة من غير خدمات







انا مش عارف اوصل رسالتي لمين هيئة الاتصالات وتقنية المعلومات ولا المصرية للاتصالات اتصالات مصر ولا اتصل برقم خدمة عملاء وي او رقم خدمة عملاء اتصالات الصورة الي في مقدمة المقال بتثبت قد ايه السرعه عندي غير مطابقة للمواصفات وانها مضروبة ولو جاية من الصين مش هتيجي كده , عاوز اوجه رسالتي لهيئة اتصالات تنظر في المشكلة وتجبل حلول انا مش لوحدي فيه ملايين بيعانوا من النت في مصر نرجو تسهيل الامور وحل المشكلات والرد بانسيابيه علي العملاء

اقرأ ايضا: تجربتي مع استخدام الانترنت المصري ومشاكلي مع شركات الاتصالات

تعليقات