القائمة الرئيسية

الصفحات

تجربتي مع بيت شباب القاهرة المهجور - بريمو هندسة Promo Engineering

للأسف كنت مصدوم اول ما شفت بيت شباب القاهرة ، مش متخيل ان كل الكلام الي سمعته وكل المقالات الي قرأتها من المواقع الإخبارية زي اليوم السابع او المصري اليوم او مصراوي بخصوص بيت شباب القاهرة طلعت غير صحيحة ، وانها معلومات حمضانه (قديمه) عفا عنها الزمن

في البدايه انطلقت من طنطا الساعه 6 صباحا لكي احضر سيشن (محاضرة) في السفارة الامريكية بالتحرير بالتحديد في المركز الثقافي الامريكي (مكتبة السفارة الامريكية /ACC) عن المنح وبرامج التبادل الثقافي الي بتظمها السفارة الامريكية او المؤسسات التانية للسفر لامريكا ، خرجت من السفارة الامريكية علي الساعه 4 وبعدين اتمشيت لدار الاوبرا المصرية لحضور محاضرة بتنظمها اميدايست في قاعة الحضارة بدار الاوبرا عن كيفيه كتابه خطابات التوصيه       Recommendation  lettersللحصول علي منح الماستر والدكتوراه وايضا البكاريوس وكانت الساعه 6 م وبدأت 5ونص

وخرجت من قاعه الحضاره بدار الاوبرا علي الساعه 8  مساءا وكان فيه احتفاليه في نفس اليوم بمناسبه مرور 60 عام علي الاوبرا

واتمشيت لبيت شباب القاهرة من علي الكورنيش ودخلت المنيل وبعدين شارع عبدالعزيز السعود طول الطريق كنت بسأل علي بيوت شباب القاهرة فيه الي يقول عامل زي القصر واول ما روحت لاقيت المكان مهجور ومفيش موظفين والزجاج متكسر والباب بايظ ، الغريب اني عديت من علي المكان ومحطوط عليه الافته فقلت لنفسي مش هو ولكن اتصدمت اول ما الناس الي في الشارع الي ساكنه بجوار بيت الشباب ارشدوني للمكان وقالوا انه مهجور بقاله سنيين ومفيش حد بيجي للمكان ولا عاوزين يعملوا له صيانه الغريب في الامر ان مواقع اخباريه كبيره كانت عامله مقال عن بيوت الشباب وبيذكروا مميزات السكن فيه الشبه مجاني والخدمت بالرغم انه في الوقت ده كان مهجور

تعليقات