الغريب ان انت لو قررت تركب ميكروباص الشروق من موقف السلام الجديد عمرك ما هتركب من نفس المكان في كل مرة، موضوع مع التكرار هتكره الموقف واليوم الي خلاك تركب من الموقف، احيانا تلاقي السواقين بيحملوا كلهم في نفس الوقت واحيانا اخري متلاقيش ولا ميكروباص ولا اتوبيس وتفضل تدور هما موجودين فين ، سواء لقيت اتوبيس او لسه ملاقيتش لازم تقعد في موقف السلام الجديد في حدود نصف ساعه ودي ضريبه دخولك الموقف بل خروجك من موقف السلام وعلي راي المثل دخول الحمام مش زي خروجه
في موقف السلام فيه منطقه مخصصه لميكروباصات واتوبيسات الشروق مدينتي والرحاب والتجمع ودرة والعاصمة الادارية ومن الطبيعي ان السواق يدخل من بوابة الدخول ويركن في المكان المخصصة للمدينة الي رايحها ويخرج من بوابة الخروج منعا للزحام وحرصا علي التنظيم
ولكن الي بيحصل ان سواق الاتوبيس او الميكروباص بيدخل من بوابة الدخول ويحمل وهوا داخل بدون ترتيب ولا تنظيم وده بيخلي العربيات كلها تحمل في نفس الوقت والسواق الي ملتزم وماشي بالاحترام والتنظيم مفيش حد يركب معاه والناس بتركب مع الي بيحمل وهوا ماشي يوم بعد يوم لازم ضريبة الخروج من الموقف ندفعها من صحتنا ومالنا ووقتنا والتضحية بالمحاضرة الاولي
مقارنة سريعه بين سواقي المدن في القاهرة وسواقين الاقاليم ، سواقين الاقاليم كبار في السن ومحترمين وغير استغلاليين وبيمشوا بالاحترام والتنظيم ومفيش حد منهم بيقبل علي نفسه انه يغلي الاجرة علي ولاد الناس ، ولكن علي النقيض سواقين المدن في القاهرة والسلام والشروق والعبور
