القائمة الرئيسية

الصفحات

ليه الكتاب ده يا محمد يا صلاح - ملخص فن اللامبالاة -Why this Book Mo Salah - Summary of The Subtle Art of Not Giving a F*ck

ليه الكتاب ده يا محمد يا صلاح - ملخص فن اللامبالاة
مارك مانسون بيشكر محمد صلاح علي تويتر انه اتصور وهو بيقرا الكتاب

الحقيقة محمد صلاح الاعب المصري الشهير جدا ,كان اتصور وهوا بيقرأ كده كتاب . محمد صلاح مكنش مبين اسم الكتاب في الصورة ولا اي حاجة ولكن الناس دورت وعرفت اسم الكتاب عرفنا ان اسم الكتاب هو فن اللامبالاة للكاتب الشاب مارك مانسون
طبعا ان لاعب كورة زي محمد صلاح يكون بيقرا كتاب زي ده ,ده دفع ناس كتير جدا انها تجيب الكتاب وتقرأه,مش بس كده ,من كتر ما الناس جابت الكتاب علشان تقراه ,مارك مانسون نفسه مؤلف الكتاب كتب في تويته  علي تويتر بيشكر محمد صلاح انه اتصور وهوا بيقرا الكتاب بتاعه ,مش ده الغريب ولا ده العجيب في الموضوع , الغريب اني اما جبت الكتاب ده علشان الخصه ليكم .لقيت ان الفصل الاول اسمه :لا تحاول والفصل الاخير اسمه وبعد ذلك تموت, طب ليه يا محمد يا صلاح ,لو عاوزين تعرفوا؟ ليه محمد صلاح عمل كده؟! تبعوا معايا المقال ده الي هنتكلم فيه عن فن اللامبالاة لمارك مانسون.




     تعريفا بالكتاب في الاول : الكتاب من نوعية الكتب الي هي تنمية ذاتية Self Development وSelf help الكتب الي بتعلمك ازاي تتطور من نفسك ,ولكن الكتاب ده مش بيعلمك كده عن طريق انه يقولك انك تجدر وانت تستطيع ويلا يا وحش وجو العبارات التحفيزية الي موجودة في معظم الكتب ,ولكن الكتاب ده بيعلمك عن طريق انه بيصدمك بالواقع ,وبعض كده بيحاول يعطيك حلول ايجابية , الي حد ما يعني الكتاب بيتبع منهج الsarcastic  يعني السخرية وده نتيجة ان الكاتب شاب , الكتاب اتنشر سنة 2016 يعني لسه جديد واخد علي موقع Goodreads  اربعة من خمسة ,زي ما قولتلكم الكتاب للتنمية الذاتية يعني هيعلمنا ازاي نطور من نفسنا ولكن مستخدم الفاظ ومستخدم عبارات ومواقف شوية بتصدمك علشان يجذب الكاتب انتباهك ,تبعا النقطة دي باينة من اول اسم الكتاب, يعني اسم الكتاب بعربي فن اللامبالاة


      ولكن اسم الكتاب بالانجليزي THE SUBTLE ART OF NOT GIVING A F*CK  ,ودي حاجة في وجهة نظري الشخصية حاجة عادية يعني مش حاجة وحشة ,فيه حاجة لمجرد التسويق عن الكتاب ,الي يفرق معايا فعلا هوال content يعني  المحتوي بتاع الكتاب , وعنواين الفصول بتاع الكتاب ده بصراحة متشجعكش انك تقرا الكتاب


الفصل الاول :لا تحاول 

المشاعر الحقيقية الي جواك


هنا في الفصل الاول بيتكلم عن فكرة كنا اتكلمنا عليها قبل كده مع بعض ولكن هنا بيقولها لنا بشكل جديد, بيقولك ان اي انسان فينا عبارة عن مشاعر ,يعني احنا جوانا مشاعر وممكن المشاعر دي تكون كويسة وممكن تكون المشاعر دي وحشة ,دايما احنا بنحاول نظهر للناس المشاعر الكويسة ,يعني مثلا انا فرحان اني جبت نتيجة كويسة في الثانوية العامة .. انا فرحان علشان عرفت ادخل الكلية الي انا عاوزها .. انا فرحان اني ارتبطت بالبنت الي كنت عاوزها .. انا فرحان بالشغل بتاعي او انا فرحان بانجازاتي وهكذا...
 وبنحاول في نفس الوقت برضوا نقلل اي شعور بالحزن قدام الناس , يعني حاجة حصلت واثرت فيك بتحاول انك متبقاش حزين قدام الناس, الي هوا يعني ازاي ابين حزني قدام الناس وازاي الناس تشوفني وانا ضعيف مثلا ...


 في فكرة بقي لا تحاول بيقولك انك متحاولش تخفي اي حاجة او تبين اي حاجة ,عيش بالمشاعر الحقيقية  الي جوالك, ومش بس كده , مارك بيقولنا ان المشاعر الوحشة اما تقعد بيها وتحس بيها وبتبدي تتعامل علي اساسها ,بتبتدي تطور من نفسك او تحصل عندك نوع من انواع التعليم الذاتي  

تعليقات