القائمة الرئيسية

الصفحات

بالتفاصيل ايهما افضل هندسة الشروق ام هندسة العاشر؟ ومتي تختار الشروق ومتي تختار العاشر

طب محتار اختار ما بين هندسة الشروق وهندسة العاشر ؟ ومين الاحسن ؟!

مفيش وجهه مقارنة بين الشروق والعاشر ومين الاحسن فيهم او مين الاصعب . هوا عموما هندسة كلها صعبة وعاوزه شغل ومزاكرة .علشان لو كان فيه طرف افضل من طرف كان وقتها هتنتهي المقارنة وهتكون الاغلبية للطرف الاخر.هل عمرك سمعت ان كل طلبة هندسة دخلت هندسة شبين الكوم بس علشان مثلا هيا احسن مثلا من هندسة عين شمس .كلام غير صحيح . بيكون فيه حاجات كتير وعلي اساسها بختار الكلية . اولا ايه الي بيميز الكلية دي ؟ - طب انا عاوز قسم ايه وعاوز اكون ايه. واحيانا بختار الي اقرب من بيتي .ومش هستغرق مجهود بدني كل يوم علشان اروحها. لازم تحت موضوع القسم في دماغك قبل ما تدخل . افرض انت مصمم علي  ميكانيكا وروحت الشروق .هتعمل ايه؟ الشروق مفيهاش قسم ميكانيكا!! .عامل اساسي للمقارنة هوا انت . انت ممكن تدخل الجامعة الامريكية وتكون مستفدتش حاجة لو معتمد علي المكان بس . اهم حاجة في هندسة هوا يقين الشخص من جواه انه قدها .نظرة الشخص لنفسة وثقته بنفسه ان هيضيف جديد في مجال الهندسة مش مجرد شهادة وخلاص هوا ده اقدر اقول عليه المهندس

بالتفاصيل ايهما افضل هندسة الشروق ام هندسة العاشر؟ ومتي تختار الشروق ومتي تختار العاشر
هندسة الشروق ولا العاشر




  •  الشروق لو هتدخل اقسام زي كهربا باور او اتصالات او مدني او عمارة  
  • اما العاشر لوناوي علي اقسام زي ميكانيكا او ميكاترونيكس لانها مش موجودة في الشروق
  •  وهي الي بتميز هندسة العاشر فرع العاشر من رمضان وبياخدوا فيها جوايز 
  • زي برضو قسم كهربا الشروق الي حصل علي المركز الاول في يوم الهندسة المصري ثلاثة مرات متتالية  وهوا الي عامل سمعه كويسه للشروق وقسم  مدني او عمارة او اتصالات الشروق الي متميزين هما كمان بدورهم .
  • هندسة الشروق حاصلة علي المركز الاول علي المعاهد الهندسية  لجودة التعليم الهندسة سنه 2016وحتي الان طبقا للمجلس الاعلي للجامعات
  • هندسة الشروق معتمدة من نقابة المهندسية المصرية ونقابة المهندسين العرب
  • العاشر برضو ممتازة وتعليمها لا يعلي عليه
  • الاتنين ممتازين وباقي مؤسسات الهندسة تعليمها ممتاز 

انا سامع ان هندسة العاشر فيها تدريب اجباري وترم ثالث .شوف الرد بتاعي↘

الشروق برضو فيها ترم ثالث
جميع كليات هندسة فيها ترم ثالث بس تقريبا انت متعرفش مفيش حد في هندسة مبينزلش تدريب في الاجازة ده فيه طلبه ممكن تاخد تدريب الكلية وتنزل تتدرب في مصانع وشركات تانية
  • علي فكرة الشروق فيها تدريب اجباري بعد ماتخلص الفرقة الاولي الي هوا الترم الثالث وفيه زيارات ميدانية لشركات ومصانع عندك مثلا قسم كهربا باور الشروق كان منظم زيارات لمحطة رياح الزعفرانة وشركة شمال القاهرة لتوليد الكهرباء وشركة جنوب القاهرة اكثر من مرة العام الماضي ومتعاقد مع شركات ومصانع علي مستوي الجمهورية علشان الي في اسوان او الاقصر او قنا او سوهاج محافظات وجه قبلي  يعرف يتدرب من غير ما ينزل القاهرة في الترم الثالث والي في الاسكندرية او البحيرة او بنها او المنوفية او الشرقية محافظات وجه بحري تعرف تتدرب وهيا في بلدها وبيكون في معيدين مشرفين علي التدريب بيحضروا مع الطلبة يوميا في المصنع ويسجلوا غيابهم ويمتحنوهم في المصنع وكمان بيكون في تدريب في الكلية .والي بيغيب يومين في التدريب . التدريب بتاعه بيتلغي ويعيده السنة الجاية ومينفعش يتخرج من الشروق الا اما يكون اخد تدريب كل فرقة والتربية العسكرية






  • التدريب في هندسة الشروق اجباري وعليه درجات عندك مثلا تدريب فرقة اولي اتصالات من 100 درجة .50 درجة لتدريب الكلية الي بيكون في الاردوينو واستخدام برنامج بروتس وعلي التقرير والمشروع الي هتعمله واحيانا بيكون عمل ماكيت لاشارة مرور و50 درجة اخري للمصنع زي المصنع الحربي ببنها او معهد الالكترونيات والبحوث بالدقي او شركة الماظة  ولطلاب باور فرقة اولي التدريب بيكون عليه 50 درجة  بيكون عن الكلاسيك كنترول واعمال التركيبات كورسيين غنيين وملينين بالعملي بعد ما تخلصهم . هتكون عنك خلفية كبيرة يعني ايه كهربا باور وتكون بدات المشوار وبرضو فيه تدريب لمدني الي بيكون لمساحة لماتريل او ينزلوا موقع ده لفرقة اولي 

  • التخصص في هندسة الشروق بعد الترم الاول ودي حاجة مش موجودة الا في الشروق . ودي عيبة وميزة في نفس الوقت . العيب:انك تكون طالب ممتاز ويحصلك ظروف مثلا في اوي ترم فتدخل قسم غير الي انت عاوزه .خليك متيقن ان ربنا عمره ما هيضيع تعبك في هندسة .الميزة الي شايفها انه بيدخلك التخصص من بدري وتتعمق اكثر في الناحية العملية احنا خدنا الترم التاني في اعدادي اتصالات مادتين زيادة زي السيركت والالكترونيك اما باور فاخدت سيركت وماتلاب وباقي الاقسام علي نفس الحال
  • الشروق بتدرس في حدود 9 مواد الترم الاول و9 الترم التاني علشان موضوع مواد التخصص ده هوا الي مزود المواد السنة هتعرف تفاصيل اكتر عن المواد من خلال الرابط  
  • الشروق تعليمها وجوها ودكاترة محترم  ومبينجحش الا الي يستاهل واجتهد فعلا ونظام الدراسة ترمين في مواد مكملة في الترمين وفيه مواد منتهيه وبيكون فيه ترم ثالث بعد فرقة اولي للتدريب .والي بيشيل 3 مواد بيكون راسب  . والعاشر ماشية بنظام تسجيل المواد وفيه 3 ترم المواد متوزعه عليهم طوال العام وكل طالب له حد ادني ميقلش عنه في تسجيل علشان ميزدش معاه ترم زيادة وليه حد اقصي للتسجيلات ولو شلت 3  مواد بتعيدهم تاني في الترم الي بعده وتدفع مصاريفهم مش زي ما بتشيل السنه في الشروق
واخير السنادي كنت بتمني من كل قلبي ان المعاهد الخاصة تخليها ماشية زي ما ماشية ولكن بعد قرار المجلس الاعلي للجامعات ان المعاهد الخاصة تخضع للتوزيع الجغرافي يعني الي في الصعيد او وجهه بحري او اي محافظة خارج القاهرة لايستطيع انه يدخل الشروق او العاشر ويحقق حلمة  ويتطر انه يلتزم بالتوزيع الجغرافي ويدخل معهد تاني في حدوده الجغرافية اتمني انه يتم النظر في الموضوع ده .اتمني اكون انا بريمو هندسة PRIMO ENGINEERING  تناولت الموضوع بالتفاصيل ايهما افضل هندسة الشروق ام هندسة العاشر؟ ومتي تختار الشروق ومتي تختار العاشر. زور كل واحده فيهم وانت هتستريح للمكان الي هتروحه وهتعرف تختار ايه

<><>
تعديل تم الغاء قرار التوزيع الجغرافي للمعاهد

شرح بالتفصيل لاهم الاقسام الهندسية بهندسة العاشر من رمضان

مقالات عن معاهد هندسية اخري علي موقع بريمو هندسة

تعليقات

14 تعليقًا
إرسال تعليق
  1. ابنى مجموعه93.5ينفع يدخل ..وشكرا...

    ردحذف
  2. معلش فى غلط ابنى83.5 ينفع يدخل

    ردحذف
    الردود
    1. لا بتتقبل بس من 87 في الميه بس ممكن ينقل في السنة التانية

      حذف
  3. 87و7يقبل والمصاريف كام

    ردحذف
  4. انا جايب 87ر السنادي 2019 يقبلني وانا من الصعيد قنا هل هيجبروني اني ادخل اي معهد تاني

    ردحذف
  5. كم مصاريف الشروق وكم مصاريف العاشر

    ردحذف
    الردود
    1. https://www-communication.blogspot.com/2018/07/blog-post_3.html?m=1

      https://prices-today.net/%D9%85%D8%B5%D8%A7%D8%B1%D9%8A%D9%81-%D9%85%D8%B9%D9%87%D8%AF-%D8%A7%D9%84%D8%B9%D8%A7%D8%B4%D8%B1-%D9%85%D9%86-%D8%B1%D9%85%D8%B6%D8%A7%D9%86-%D9%84%D9%84%D9%87%D9%86%D8%AF%D8%B3%D8%A9-2019/

      https://prices-today.net/%D9%85%D8%B5%D8%A7%D8%B1%D9%8A%D9%81-%D9%85%D8%B9%D9%87%D8%AF-%D8%A7%D9%84%D8%B9%D8%A7%D8%B4%D8%B1-%D9%85%D9%86-%D8%B1%D9%85%D8%B6%D8%A7%D9%86-%D9%84%D9%84%D9%87%D9%86%D8%AF%D8%B3%D8%A9-2019/
      في حدود 21000 إن شاء الله هندسة الشروق
      و هندسة العاشر 11838و 325 مصروفات إضافية إن شاء
      حسب اللينك الموجود و ممكن تشوف حضرتك اكتر علي جوجل و يوتيوب
      و تحث حضرتك في جوجل و يوتيوب إن شاء الله

      حذف
    2. و ممكن تشوف حضرتك موقع الجامعات و المعاهد العالية و الاكادميات

      حذف
    3. هندسة العاشر
      http://www.hti.edu.eg/ar/campus-branches-departments.aspx?id=1001
      ---------------------
      اكادمية الشروق

      http://sha.edu.eg/
      ------------------------------
      و ممكن تتصل بيهم حضرتك

      حذف
  6. معهد العاشر من رمضان هندسه بياخد من كام فى المية

    ردحذف
  7. إبني حاصل علي 84/6 في المايه مبارك كول قسم سيارات ينفع يدخل هندسه العاشر ومحتاجه رايكم في المناسب له أشكركم

    ردحذف
  8. ابنى جاب 89.5 مبارك كول تبع السويدى أيهما أفضل له لو سمحت وهو بالفعل الان ليقدم على معادله الهندسه الزقازيق بس لو ربنا مش أراد يكون ايه الافضل له

    ردحذف
  9. انا جايب 88 أقبل فى انى واحد فيهم ولا مقبلش

    ردحذف
  10. هو معهد الشروق مش معتمد بره مصر ؟

    ردحذف

إرسال تعليق