القائمة الرئيسية

الصفحات






لو وقعت اعتمد علي نفسك ومتستناس حد يساعدك انك تقف - يوميات طالب في هندسة

اليوم.هنتكلم عن شخص ممكن يكون انا او انت . الشخص ده هنسميه "B" .اي شخص مهدد انه يعيش حياته زي ما عاشها "B" .


"B" مثال للشخص الغامض و العبقري الي ملهوش تفسير .الي عايش حياه غريبة وفقا لضوابط وتحكمات معقدة من مجتمع واهل وتقاليد وظروف ومشاكل .والي برغم من  كده بيتكيف معاها مهما حصل مستخدما استراتيجيات الامبالاة تارة والتحمل والحزن تارة  وتارة اخري متظاهراٌ ان الحيااه بمبي ولوز الوز راسما علي شفتيه ابتسامه معبرة عن امل وهدف لطالما كان يتمني ويسعي لتحقيقه. .

"B" مثال للشخص الي متعرفش هوا مهتم بايه او مبيعرفش يعمل ايه او ايه الي يخليه يشتغل في الحاجات دي بالرغم من اختلافها وابتعادها تمام البعد. حياته عمله زي طالب هندسة بيزاكر مواد كليه طب (علي سبيل التشبيه )





"B" مثال للشخص الي نجح في حياته جدا جدا لو وضعت معاناته بعين الاعتباروايضا قد ايه اقرب الناس له حاربته بصوره مباشره وغير مباشره وتخلوا عنه في اشد تعبه وضعفه بل بالعكس زوده المه وخلوه يفكر في الانتحار مرات عديدة  وعدم الرغبه في الحياه.


"B" اقرب ما يقال عنه شخص فاشل جدا في بيئة محبطة.لم يتحمل مرارة الاهانه وذل الحياة وهوان نفسه في عين نفسه فقرر انه ينجح نجاح ساحق يغنيه عن التعب الي مره بيه .ويثبت لنفسه ومن تخلوا عنه وساءوا به الظنون انه ما زال يعيش معهم عليي هذه الحياه ولم ياتي وقت استسلامه بعد.ثم بعد ذلك يفشل فشلا زريعا .يجعله يقدر قيمة النجاح والتقدير الذي كان ينعم فيه ويعرف قيمة حياته ووقته وقد ايه هوا ظلم نفسه اما ترك نفسه عبدا للاهل لتحقيق امالهم ورغباتهم  المتنافيه مع انشغلاته.


اقرب تشبيه لقصه "B" :كان فيه حصان مع مالكه يسيران  في الطريق , ويوجد بجانب الطريق احد حفر مجاري المياه واذا بسياره مسرعه مقبلة ,تكاد ان تصدم بالحصان فما كان من الحصان حتي يتفادي السياره ان يقفز من فوق الحفره ليبلغ البر الاخر ,ولكنه لسرعه الموقف .وقع الحصان في الحفره وانكسرت قدمت ,وظل بها ايام ويتالم ولا يشعر به احد ولا يقدرالمه حتي مالك الحصان الي كان من المفروض يحث بحصانه ويساعده .فقد كان يقف بجانب الحفره منتظره ان يخرج حتي فقد الامل في خروج حصانه .وقام هوا ومن يقف بجوار الحفره برمي التراب علي الحصان لدفنه وهو مازال علي قيد الحياه .لوهله استسلم الحصان لما سيلقاه ولكن بدا يحث بالضيق من كثره التراب واذا به يحاول ان يقفز ويتناسي الالم في قدمه ليحيا مره اخري.كان صراع موت او حياه .وكتب له الحياه مره اخري .


نستفيد من القصه ان اي حد ممكن يتعرض لصعوبة الحياه بس المشكلة لو اعتمدت علي غيرك واستنيته يغيرلك احوالك .لو وقعت اعتمد علي نفسك ومتستناس حد يساعدك انك تقف وافتقر قصة الحصان و قصة "B"

تعليقات