القائمة الرئيسية

الصفحات

اعضاء هيئة التدريس بهندسة الشروق (اكاديمية الشروق) من وجهة نظري

اعضاء هيئة التدريس بهندسة الشروق (اكاديمية الشروق) من وجهة نظري

في البداية نظرت الي الجميع نظرة الملائكة لم اري في كل شخصية قامت بالتدريس لي في هندسة الشروق سوي انها مثال يحتذي به ،وانهم من افضل الشخصيات الي قابلتهم في حياتي ظل البعض اكن له نفس المشاعر والبعض لم اعد ارغب بان اراه في هذه الحياة

صدقني لو قلتلك ان مفيش دكتور هيعبرك الا لو كان عندك ميزة مخلياك ساطع في نظرهم لتكون فهلوي وحكاك وتمشي تتطبل لده شويه وده شوية. لتكون محترم ويكون احترامك مشروط باجتهادك وانك دحيح غير كده انت هتكون بالنسبلهم مجرد شخصية عابرة لم يتزكرها احد.

عيوب وجدتها وارغب بان تتغير في اعضاء هيئة التدريس ونظام الدراسة واتمني لو يتم تغييرها.

1-اسوء حاجة وجدتها في الشروق نظام التخصص (في الشروق التخصص بيكون في الترم التاني وده بيكون علي اساس حاجتين الاولي وهيا النجاح في المواد المؤهلة للقسم والثانية التنسيق الداخلي للقسم زي باور ومدني لو الاقبال عليهم عالي) لو واجهتك ظروف صعبة ومشاكل الترم الاول فالكلية غير مسئولة عن اي حاجة غير الدرجات وهي لغة التحدث كما يقولون. فانت هتلبس في قسم ممكن يكون نعمه ليك وومكن كان نفسك في حاجة تانية وجالك الي مكنتش عاوزة وساعتها مش هتكون راضي عن نفسك ونفسيتك في الضياع.

2-غلط ان الي يشيل رياضة او فيزياء يدخلوهم قسم اتصالات كده بيظلموهم.

3-الدراسة في قسم باور قايمة عن كمية حفظ رهيبة وضغط رهيب ولازم تاخد كورسات عملي وتطور نفسك علشان المشروع.

4-للأسف احنا في زمن الناس بقت تحب الشهرة حتى لو بقلة
الأدب. ....... الناس كللها فجأة بقت الخليل كوميدى. ..عايزين أي
ضجة على اسمهم و خلاص. ..كام دكتور كده عندنا في الكلية عندهم
أمراض نفسية و شايفين ان هم لما يفتروا علينا بقوا كده
او.....عملوا ضجة بقى انهم بيجيبوا امتحانات صعبة و
هكذا.......للأسف ميعرفوش ان فيه كمية دعوات و حسبنة
كفيلة انها ترميهم في قاع نار جهنم يوم القيامة
|||||
IIIIII
أسلوب تعليم غلط
مواد نظري كتيير
مفيش عملي...مفيش فهم
و النتيجة : طالب مش فاهم حاجة سنين من عمره ضاعت في حفظ
كلام و مواد مش مفهومة ملهاش أي فايدة في الحياة

ده كلله عادي مهو التعليم في مصر كده و البلد كلها ماشية بالكوسة
بس اللي مش عادي بقى و اللي هيجنني !!!!!
ازاى الدكاترة دية بتستحل فلوسها.....ازاى الناس دية بيقبلوا الفلوس
الحرام بالشكل ده !!!!
ازاي يقبل انه بيضيع مستقبل أو 600 500 طالب كل سنة
ربنا هيردلك اللي بتعمله فينا في ولادك باذن الله

5-للاسف بعض المعيدين في حاجة للتغير مش مجرد كان الاول علي دفعته انه يشتغل كمعيد. المفروض يكون عنده مهارات وكفاءة انه يدرس. للاسف مبحبش اسلوب الدوني الحقير في المعاملة. المعيد او الدكتور المفروض يشرح علشان ده واجبه وهوا مسئول امام ربنا عن كده مش هيفضل يعاير فينا علي الشرح الي بيقدمهولنا.

"درجات اوسخ مما تتخيل " ده كان رد الدكتور علي الحديدي اما سألته عن درجاتي في الميدترم
"ملكش درجات عندي" ده كان رد دكتور في قسم قوي وهو بيحط اعمال السنه في المحاضرة عشان محضرتش اخر كويز ونسي اني مسلم كل الريبوتات المطلوبة
"الصفة الثالثة كلها تطلع بره ويسيبوا كارنيهاتهم" كان كلمة الدكتور فتحي نور بالرغم اني كنت متابع معاه وكاتب المحاضره ومعملتش حاجة
" هات ورقكتك واطلع امضي واخرج " ده كان رد المعيد الصهبي قلتله عملت ايه انا لسه جاي بيقول سايب ورقتك للي وراك ليه ، يعني المفروض يحاسب الي بيغش والا بيحل وفي حاله

6-بكره اوي الدكاتره الي مش عاملة كتاب واضح للمادة. المفروض كله يعمل كتب وتكون موجودة قبل ما الترم يبدا مش بعد الدراسة باسبوعين او 3

7-دكاترة زي مصطفي المهندس وعلي الحديدي دول معقدين نفسيا ،لو محسسكش انك فاشل مش هيبقوا مثلا دكاترة. يعني ايه يا دكتور مادتك الي عمال ازاكرها وتعلم علي ال final answer مش فيه خطوات وقانون.

8-اعمال السنة بتكون ماشية ساعات بالحب

9-تقسيم الدرجات محتاج للتعديل ،وبالاخص للمواد المنتهية اعمال السنة بتكون في قسم باور 30اعمال سنة و70 فاينل. يعني الريبورتات والكويزات والشيتات الي عمال اسلمها وفي الاخر 30 ليه.

10-فيه غش في الامتحانات وظلم لطالبة محترمة وانا كنت واحد من الناس الي اتظلموا كذا مرة.


تعليقات