القائمة الرئيسية

الصفحات

ماذا ستفعل لو سكنت مع طالبة مثل هؤلاء (يوميات طالب في هندسة الشروق) What would you do if you were living with a student like this?

جالنا امبارح رسالة من احد طلاب مدينة الشروق شاكيا من قسوة الحياة وانه دائما ما تقابل الحسنة معه بالاساءة وجاء نص الرسالة كالاتي :
مدينة الشروق وما ادراك ما الشروق منها كانت البداية لاي تغير مريت بيه منها كانت بداية الالم ومنها بدات احس بالامل." ماذا ستفعل لو سكنت مع طلبه مثل هؤلاء يوميات طالب في مدينة الشروق " الحكاية المرادي بدأت بشقة (عبارة عن 3 غرف واسعين علي شارع رئيسي في منطقة متميزة وصاحبها صديق والدي ومكنش بياجر شقته بس اجرها علشان خاطري وخدمني في ايجارها وان المسئول قدامه)وانتهت في الاخر بندالة.
ماذا ستفعل لو سكنت مع طالبة مثل هؤلاء (يوميات طالب في هندسة الشروق)  What would you do if you were living with a student like this?

ليه بدأت بشقة وانتهت بندالة وقلة أصل"السبب":
1-الشقة وقت الامتحانات بالاخص وطول العام بتكون عاملة زي الملاهي وكباريه زي مبيقولوا لليسوا والي ميسواش بسبب ناس معندهاش دم.
2-زبالة في كل مكان (تكلم حد عنها يقولك خلي حد تاني طب شيل زبالتك يعم كبر).
3-الصالة مليئة بالكتب والهدوم وبرضوا الزبالة الي مبتخلصش
4-اوقات العدد في الشقة بيوصل ل 11فرد (دي لو شقة عمال وصنايعية مش هتكون بالعدد ده )
5-المطبخ لايتم تنظيفة ولا يتم غسيل المواعين او رمي القمامة (كل واحد يوسخ ويرميها علي التاني من وراه اما ادامه زي العسل وهوا الي علي احجر وفي الاخر بتكون الحاجه وسخة والواحد بيطر يندف الطبق الي هيستخدمه)
اهو دي الصالة الي بنضفها 

وادي الاطباق الي غير نظيفة 

وادي الزبالة الي بنشلها في الاخر



6-مصلحة كل واحد اهم من مصلحتي 300 مرة(وده كان من خلال كام موقف عمرهم ما هيتنسوا. هوا الواحد بيتعلم ببلاش)
7-اسلوب السحالي اقل ما يقال عن البعض.(وده بتكتشفه اما تعرف ان الي قدامك بيتستغفلك الي ابعد الحدود)
8-باسورد الويفاي مع 28 شخص والنت 4 ميجا وبيخلص قبل الشهر ما يخلص تحس انه صدقه جاريه (الصدمه بقي اما تكون انت ليك في التكنولوجيا وتعرف كل واحد بيستهلك قد ايه وتلاقي نوعين السهن والي بيستعبط هما اكتر ناس مستهلكه في النت .الي بيستعبط يلبسها فيك والسهن يعمل نفسه من بنها وهما الي الاتنين بيستهلكوا تلتين سرعه النت وازيد واما تواجهم بكده تسمع صوت صرصار الحقل)
4 متصلين من بره
.
9-الاهمال وصل انه حصلت 3 قفلات كهربائية وفي الاخيرة كانت هتحصل حريقة لولا ربنا ستر. (من شده الماس الكهربي الاسلاك ساحت في البريزة والوصلات الي متوصلها بيها ولعت)
10-نفس الشخص بردو بيشرب سجاير ورميها وريحتها الي ملية الشقة.
11-مش هنتقلم عن قلة الاصل وازاي اتعاملت اما جدي وجدتي اتوفوا حتي لغيه انهاردة مش مصدق بس برضو حسبي الله ونعم الوكيل
12-الايجار المفروض يندفع مقدم يعني اخري اول اسبوع في الشهر (واتلبس انا ادفعه لغية اما يتلم)
13-الثلاجة ولا مقلب زبالة (كل شوية الواحد يندفها ويشيل اكل معفن)
اهو دي التلاجه بعد الامتحانات استهتا

14-الشخص الي معايا في غرفة السكن سارح باربع خرفان معاه علي طول يذاكروا معاه في الاوضة (وهاتك يا مسخرة ويا ضحك ويا سجاير وده الي بينطبق عليه المثل اكل كلب ولا تاكل ندل).
لو لاحظت هتلاقي اني اتكلمت عن الحاجات الي تخص الشقة وقد ايه هيا وسخة وعلي كمية الخساير الي بتحصل للحاجة في الشقة اما عني انا شخصيا فمش هقول غير حسبي الله ونعم الوكيل وكله عند ربنا. وهدعي لرفقاء السكن القدامي وان ربنا يسعدهم في حياتهم علي قد احترامهم ونظرهم واصالتهم وبالاخص رفيق السكن العزيز دكتور احمد. انتوا فعلا بينطبق عليكوا المثل الي بيقول"اول بخت مبيتعودش"  ربنا يباركلك يا دكتور في بنتك وفي حياتك.

الخلاصة
1-متكرمش حد اهانك
2-متسكنش مع طالبة زي دول حتي لو كنتوا ولاد بلد واحده
3-الي تهمه مصلحته علي حسابك مصلحتك وعلي حسابك شخصيا عمره ما هيكون صديق.
4-متجيش علي نفسك علشان خاطر حد وتقول بخدمه. دي هتكون البداية انه يجي عليك علي طول.
5-الي يعكر مزاجك في اشد وقت مريت بيه وهوا عارف. اديلة بالجزمة وانت مستريح ووريه النجوم في عز الظهر.
6-متصحبش الاشخاص السحالي الي بيشوهوا صورتك ادام الي يسوا والي ميسواش .
7- اسكن مع الي بستريح معاه فقط ومحترم 

واخيرا ماذا ستفعل لو سكنت مع طالبة مثل هؤلاء (يوميات طالب في هندسة الشروق) اترك لك الرد.