طالما اخترت الغربة. فانت بكده فصلت نفسك عن كل الي تعرفهم. مش معني كده انك بطلت كلمهم او قطعت علاقتك بيهم ،ولكن ده معناه ان الغربه هتخليك متعرفش تفاصيل اهلك وناسك
في الغربة هتتقطع مليون مرة، وهتتبهدل اخر بهدلة ،وهتفقد فيه الاحساس بنفسك وبسعادتك ،وهتتمني ولو لحظة ترجع تطمن علي اهلك تشوف ايه اخبارهم ،وايه التغيرات الي حصلت.
وانت في الغربة بتتلقي اخبار موت اهلك واحد ورا التاني وانت مش عارف تحضر جنازتهم
مع كل تليفون بيكون وراه كارثه وانت تقول امتي ده حصل وليه وازاي.
في الغربة قلبك هيكون زي الحجر وهتفقد ادميتك وهتتحول لشخص اخر.
واول ما تقرر تنزل تشوف بلدك واهلك وناسك ،تلاقي انك فقدت اعز الحبايب ،وفلان حصلتله حادثه وفلان كذا ،وكنت عامل في حسابك انك حنيت لوطنك فترجع تلاقي المشاكل والمصائب فتقرر الغربة مرة اخري.
