- يعانى أهالى مدينة الشروق فى محافظة القاهرة من انقطاع خدمات الكهرباء والمياه وشبكات التليفونات الأرضية وخدمات الإنترنت عن المدينه أغلب فترات اليوم، والتى تستمر إلى أيام فى بعض الأحيان، والمستشفيات لا تصلح للعلاج الادمي إضافة إلى أزمة عدم عمل شبكة مواصلات داخلية بكامل المدينة .وعدم وجود موقف عمومي الي اغلب مدن القاهرة حيث ان المواصلات المتوافرة في المدينة هي ميكروباصات موقف العاشر وعربات السيزوكي .
- وتعمقت معاناة أهالى مدينة الشروق مع الكهرباء خاصةً حيث بانقطاعها تنقطع باقي الخدمات مثل التليفون والنت والمياه في بعض المناطق وفي خلال اليومين السابقين استمر انقطاع التيار الكهربائى، مسببا خسائرلاغلب السكان وتلف الاجهزه الكهربية ،وقام الاهالي بالتوجه الي جهاز المدينة وكانت الاجابة بان المشكلة ستحل خلال ساعات ولكنها استمرت مما أثار غضب الاهالي علي مواقع التواصل الاجتماعي معبرين علي لسان حالهم منتظرين من ينجدهم من الفساد الاداري الذي تعيشه المدينة .
- وأوضح أحد سكان مدينة الشروق المهندس سعيد فوزي أن الكهرباء مقطوعة وموضوع انقطاع الكهرباء بجد عدم تقدير للمسئوليه وقله ادب ده اقل حاجه بيقطع تلات مرات في عشر دقائق،
- واكد المهندس احمد معبرا عن طلاب الجامعات المقيمين بالمدينة متابعا: «حاجتنا للكهرباء ليست مطلب للرفاهية ومشاهدة التليفزيون، إنما للمزاكرة حيث نمر بامتحانات الميدترم بكلية الهندسة ويصادف ».
- وقالت ايمان محمود احد سكان مدينة الشروق:"عملنا بلاغ للمرة المليون على 121 ضد كهرباء الشروق اللي معندهمش إحساس بالمسئولية و قافلين موبايلتهم على طول...الموضوع زاد عن حده تماما و قرفنا و أجهزتنا باظت...يا ريت رئيس الجهاز يشوف حل معاه...المنطقة الأولى عمارات مكان مهمل جدا في كل حاجة المجاورة الرابعة و الخامسة مفيهاش محول و لما اتكلمنا في الجهاز قالوا مش في مخططنا محول !!!ليه يعني هو احنا مش بني آدمين ولا ايه.دة غير بقة ظلمة الشوارع و الردش و حاجات كتير أوي قدمنا شكاوى كتير علشان محدش يقول بتكلم و خلاص و سلبيين و الكلام الفاضي دة....لكن لا حياة لمن تنادي. سيادة رئيس الجهاز برجاء نظرة إهتمام بالمنطقة الاولي عمارات"
- واوضحت نسمة عمارة "ياعني منتهي قلة الأدب والله بجد مش عارفه أقول إيه أن المحصل يجي وعشان محدش رد عليه ووالدتي كانت بتصلي ساب الكعب وكاتب عليه أن تم فصل الكهربا بسبب عدم الرد وكل دا احنا مخدناش بالنا لأن النور كان قاطع في المكان كله ولما كله جاله النور الا احنا اكتشفنا اللي مكتوب علي الكعب إزاي أصلا يعمل حاجه زي دي عشان بس محدش رد عليه يفصل عننا الكهربا بجد حسبي الله ونعم الوكيل. إحنا مش هنسكت وهنعمل فيه شكوي لازم المتخلف دا يتحاسب ولاعنده زمه ولا ضمير" 😡😡
- وعدد من سكان مدينة الشروق، بدأوا بالتفكير بالانتقال إلى مناطق اخري نظرا للظروف المريرة التي وجدوها بالمدية وعدم وجود ما يبحثون عنه من خدمات وهدوء وسكينة .حيث قالت الهام الشيمي:"انا فعلا زهقت جدا من موضوع الكهرباء وبفكر بجد ارجع مصر الجديده . بقت حاجه لا تطاق . كل يوم تقطع ونكلمهم ومفيش فايده . عيب اوي كده فين رئيس الجهاز من المهزله دي"
وقام جهاز مدينة الشروق بالرد علي سخط الاهالي علي الصفحة الرسمية كالتالي
تنويـــــــه هــــــام نظراً لما تم تداوله على صفحات التواصل الإجتماعى بخصوص شكاوى إنقطاع التيار الكهربائى بمناطق متفرقة بالمدينة خلال اليوم . توجه وفد مشترك بين رئاسة هيئة المجتمعات العمرانية الجديدة وقيادات جهاز المدينة .. برئاسة السيد المهندس / علاء نسيم .. مدير عام الكهرباء بالهيئة والسيد المهندس / رأفت صابر .. مدير عام بإدارة الكهرباء بالهيئة.. والسيد المهندس شريف الشربينى .. رئيس الجهاز ..والسيد المهندس / أحمد على .. نائب رئيس الجهاز للكهرباء ..وتم التوجه إلى رئيس مجلس إدارة شركة القناة لتوزيع الكهرباء (بالإسماعيلية) وتم عرض جميع مشكلات الكهرباء بالمدينة للوقوف على سرعة حل جميعها فى أسرع وقت ممكن .مع المتابعة المستمرة لحين عودة الخدمة ..وبالفعل عادت الخدمة تدريجياً وتم التأكيد على ضرورة تفادى حدوث مثل هذه الأعطال مستقبلاًـــــــــــــــــــــــــــــــــــــــــــــــــــــــــــــــــللتواصل مع أعطال شركة القناة لتوزيع الكهرباءإدارة كهرباء غرب الشروق -إدارة كهرباء شرق الشروق01205566771(24ساعه) -01279666613(24ساعه)( مدينة الشروق يوم الخميس الموافق 16/11/2017 )مع تحيات جهاز مدينة الشروق
 |
 |
شكوي من اهالي مدينة الشروق
السيد /معالى وزير الكهرباء والطاقة
المحترم ،،،
تحية طيبة وبعد
،،،
الموضوع :نستغيث بسيادتكم ونامل ان تصل صرختنا
الى معاليكم
نرسل لكم شكوى بخصوص كثرة انقطاع التيار الكهربائى بصفة مستمرة متسببا فى تدمير الاجهزة الكهربائية فى محافظة القاهرة مدينة الشروق الرجاء من سيادتكم تدعيم المدينة بمحولات رفع واصلاح الفساد الاداري المنتشر واصلاح مشاكل الكهرباء المتكررة سيادة الوزير الرجاء الرحمة والرأفة بنا وبأولادنا ما يحدث شئ لا يمكن تصديقة ويشككنا اننا نعيش فى جمهورية مصر العربية بلفى الصومال او جيبوتى واعتقد ان جيبوتى لا تنقطع فيهاالكهرباء بهذة الطريقة،نرجوا من من سيادتكم التدخل لعمل اللازم
ونشكركم على مجهودتكم ولكم جزيل الشكر.
مقدمهٌ اهالى مدينة الشروق