اسباب ارتفاع درجة حرارة الجسم المفاجئ (ليه الجو حر) - اسباب ارتفاع الحرارة عند الاطفال

اسباب ارتفاع درجة حرارة الجسم المفاجئ (ليه الجو حر) - اسباب ارتفاع الحرارة عند الاطفال


اسباب ارتفاع درجة حرارة الجسم المفاجئ ، بمناسبة الجو بتاع انهارده بقى عايزين نحلل الموضوع علمياً شوية  زى ما احنا درسنا واحنا صغيرين إن توصيل الحرارة بيكون عن طريق 33 حاجات بالتوصيل وبالحمل وبالإشعاع .. فى الظروف اللى احنا فيها ديه بيكون توصيل الحرارة من وإلى أجسامنا كبشر عن طريق حاجتين مجموعين على بعض هما الحمل والإشعاع :
دلوقتى انت لو واقف فى الشارع وادامك مكان فيه ظل ومكان فيه شمس انت بتختار تلقائيا الجو اللى فيه الظل لو كان الجو حر بس هو ليه بشكل علمى فى الظل بنحس إن تأثير الحر علينا أقل ؟!


لأن الحر اللى انت حاسس بيه جايلك زى ما قلت من مجموع حاجتين الحرارة اللى جاية بالإشعاع عن طريق أشعة الشمس اللى انت بتتعرضلها بشكل مباشر (( اللى هى الفونونات اللى بتيجى من الشمس )) + الحرارة اللى جايالك عن طريق التوصيل بالحمل اللى هو عبارة عن تيارات الهواء اللى بتبدل مع بعضها الهوا البارد تقيل فكثافته كبيرة ينزل لتحت والسخن خفيف فيطلع لفوق ^^ طيب حلو جدا انا دلوقتى لو رحت وقفت فى الظل أنهى من الحاجتين اللى تأثيره بيقل جدااااا ؟! أيوا الإشعاع بالظبط كده ..






بس هو ما زال فى انتقال حرارة بالإشعاع رغم انك مش متعرض لأشعة الشمس  وده جاى منين ؟! لأن الأرض بتمتص شوية أشعة من الشمس وبتعكس شوية والشوية اللى بتعكسهم دول أشعة برده فيبقى فى انتقال حرارة بالإشعاع هتحس بيه حتى وانت فى الظل بسسس اقل بكتييييير اوووى من اللى جاى من الشمس مباشرة تمام 
طيب لو انت راكب عربية فى الجو الحر ده وفاتح الشباك هتحس إن كل ما تمشى بالعربية أسرع إن تيار الهوا اللى جايلك من الشباك ده بيعذبك أكتر وعمال تحس بحرارة أكتر واللى بنسميه " صهد " ده بيحصل ليه ؟!
لأن انتقال الحرارة بالحمل بيعتمد على حاجة اسمها معامل التوصيل بالحمل اللى رمزه H وده بيعتمد على الخواص الفيزيائية للحاجة اللى انت بتبرد بيها اللى منها سرعة الهواااا وكل ما بتمشى أسرع كل ما معدل نقل الحرارة من الهوااا ليك هيزيد نظرا لأن درجة حرارة الهوا أكبر من 37 درجة مئوية واللى هى درجة حرارة جسمك 
عشان كده هتلاقى إنه من الأفضل إنك تقفل الشباك لو انت ماشى بعربية فى طريق سريع فى جو حر زى بتاع انهارده لأنك بتزود انتقال الحرارة من الهوا ليك وانت اصلا نفسك تطرد حرارة مش تكتسب فى درجة حرارة 42 
لكن لو خدت بالك مروحة الكمبيوتر أو اللاب توب اللى بنبرد بيها البروسيسور بتبقى كفيلة انها تخليه يفقد مش يكتسب حرارة لأن درجة حرارة البروسيسور بتبقى حتما أكبر من درجة حرارة الجو اللى هو شغال فيه فتيار الهوا ده بالنسباله كفيل انه يبرده شوية ^^



حجم الخط
+
16
-
تباعد السطور
+
2
-